473. தருமியின் சின்னச் சின்ன கேள்விகள் - 11

*

வழக்கமாக காலையில் செய்தித்தாள் வாசிக்கும்போது இரத்த அழுத்தம் சில புள்ளிகளாவது மேலேறும் என்பதுதான் வாடிக்கை.
சுற்றி நடக்கும் தொடர் நிகழ்வுகள் பற்றியறியும்போது எப்படி சாதாரணமாக இருக்க முடியும். ஆனால் இன்று (08.02.2011) காலையில் செய்தித்தாளை வாசித்ததும் மகிழ்ச்சியில் இரத்த அழுத்தத்தில் மாறுதல் என்று நினைக்கிறேன். எப்படி ஒரு மகிழ்ச்சியான செய்தி இந்து தினசரியின் நடுப்பக்கத்தில்! தலைப்பு: Corruption: is Italy a step ahead? 


நம்ம ஊர்ல திவாரின்னு ஒரு வயசான கவர்னர் “சித்து விளையாட்டு” விளையாடி மாட்டினார். இத்தாலியில் பிரதம மந்திரி அந்த ஆட்டம், அதுவும் சின்னப் பிள்ளைகளோடு ஆட்டம். இருந்தாலும் அவருக்குத்தான் இன்னும் மவுசு. மற்ற ஊழல் நம்ம நாட்டை விட மகா மோசமாம். ஆனாலும் மக்கள் எல்லோரும் நம் ஊரில் போலவே ‘இதெல்லாம் எப்பவும் நடக்கிறதுதானே; எல்லாரும் பண்றாங்க’ அப்டின்ற தத்துவத்தோடு போறாங்க. 
அப்பாடி நம்மை விட மோசமான ஒரு நாடு இருக்குன்னு நினைக்கும்போது போட்டியில் கடைசிக்கு முந்தின ஆள் அப்டின்ற பெருமையோடு நிற்கிறது போலுள்ளது. இந்த நினைப்போடு செய்தித்தாளை மூடிய போது இன்னொரு நினப்பு வந்து மறுபடியும் இரத்த அழுத்தத்தை கொஞ்சம் ஏற்றியது.


hybrid - கலப்பினம் என்று ஒன்று சொல்வார்கள்.இரு வேறுபட்ட குணநலன்கள் உள்ள இரு தாவரத்தைச் சேர்த்தால் வரும் புதிய இனம் அந்த இரு குண நலன்களில் உள்ளவைகளின் ஒரு தொகுப்பாகலாம். நல்ல பயிரினங்களை இப்படி உருவாக்குவது உண்டு. அட ... நம்ம ஊர்லேயும் இதே மாதிரி இந்திய - இத்தாலிய இனம் சேர்ந்து ஒரு புதிய இனம் உண்டானால் அது எப்படியிருக்கும் அப்டின்னு ஒரு டென்ஷன்.

திஸ்கி: பதிவு படம் இல்லாம இருந்தா நல்லா இருக்காதேன்னு ரெண்டு மூணு படம் போட்டிருக்கேன். மற்றபடி இந்தப் பதிவுக்கும் அந்த படங்களுக்கும் எந்த தொடர்புமில்லை! அட .. ராகுல் காந்தி நெற்றியில் போட்டிருக்கும் ராமத்துக்கும் நமக்கும் ஒரு தொடர்பும் இல்லைங்க!  :)