478. பதிவர் சந்திப்பு -- படம் காண்பிக்கிறோம்ல ...

*

மதுரைப்பதிவர்களிடையே “ஏதுமே” நடக்கவில்லையே என்ற கவலையில் ஒரு சந்திப்பை ஏற்படுத்தினோம். புதிய பதிவர்கள் ஐவர் இணைந்தார்கள்.



நூலாய்வு செய்ய  முடிவு செய்திருந்தோம். சீனா நூலாய்வு செய்ய முதலே முடிவாகியிருந்தது. ஆனாலும் புதிதாக வந்த ஜெயபாண்டியன் காந்தியைப் பற்றி தான் வாசித்த சில பகுதிகளைப் பற்றிக் கூறினார். பின் சீனாவும் தன் நூலாய்வை செய்தார். இதன் விளக்கங்களை இங்கே காணலாம்.

ஜெயமாறன்

ஜெயமாறன் - ஓராண்டு பதிவராக முடித்து விட்டாராமே .. காதல் சுவை சொட்டும் கவிதைகள் .......... ம்..ம்.. வயசு ..!

’அனிமல்’ ஜெயபாண்டியன்

animal ஜெயபாண்டியன்: இன்னும் இரு ஆண்டுகள் கழித்து இவர்தான் மிஸ்டர். மதுரை. ஆசை அவருக்கு ... வாழ்த்துவோம் ஆசை நிறைவேற ... எதற்கு 'animal'  என்ற பெயர்? தெரியவில்லை.

பிரகாஷ் குமார்

 பிரகாஷ்: அவர் ஏன் குண்டாகவில்லைன்னு தெரிஞ்சுக்கணும்னா .. இந்தப் பதிவைப் பாருங்க ..

ஜெயமாறன், ஜெயபாண்டியன், கார்த்திக்

கார்த்திகேயன்” பதிவுகளில் பாடம் எடுக்கிறான் ( என் மாணவன் .. அதனால் இந்த ‘ன்’!) இந்த பாடம் ரொம்ப பயனுள்ளது... ஆச்சரியமானதும் கூட .. நடந்த உண்மை நிகழ்வு ..

 

நல்ல சிற்றுண்டியோடு நூலாய்வு முடித்து, பின் அடுத்து என்ன செய்யலாம் என்பதைப் பற்றிய உரையாடல் நடந்தது. வெறும் நூலாய்வு என்பதோடு நிற்காமல் தொடர்ந்து நாமனைவரும் கூட வேண்டும்; அவ்வப்போது தோன்றும் நல்ல விஷயங்களைச் செய்து வரலாமென முடிவெடுத்தோம். அதன்படி அடுத்த மாதம் முதல் ஞாயிறன்று ஒரு திரைப்படம் பார்ப்பது என்று முடிவெடுத்துள்ளோம்.

சரவணன், பிரகாஷ்,மணிவண்ணன், sri, ஜெர்ரி

மணிவண்ணன்: பேச்சு மிகக் குறைவு அப்டின்னு நினச்சேன். ஆனா ‘பேனா’ எடுத்தா ஆள் மாறிவிடுவார் போலும். ஒரு சின்ன சான்று ... விஜய் ரசிகர்கள் இதைப் பார்க்காதீங்க! நொந்துருவீங்க!

சீனா நல்ல சிற்றுண்டி ஒன்று கொடுத்தார். ஆனால் அது ஏனோ அப்படம் மட்டும் ‘கண்ணுக்கே தெரியாம” இருக்கிறது. என்ன மாயமோ ,,, என்ன மந்திரமோ!
சீனா எங்க சிற்றுண்டி கொடுத்தார்? கொடுத்தது திருமதி சீனா. அவர்களின் வழக்கமான உபசரிப்புக்கு எங்கள் அனைவரின் நன்றி.