Thursday, July 19, 2018

994 A KUTTI "PHILOSPHER'S" REVELATION



*

நித்தம் நித்தம் புத்தகம் வாசிப்பது மிக நல்ல பழக்கம். ஆங்கிலப் புத்தகமானாலும் அதுவே.. ஆனால் அதில் ஒரு சின்ன சிக்கல் ... நானும் என் ஆசிரியப் பணியில் ஒன்றைப் பார்த்து விட்டேன். நன்றாக வாசிப்பவர்கள் .. அதிலும் ஆங்கிலப் புத்தகங்கள் நிறைய வாசிப்பவர்கள் ... அதுவும் அவர்கள் பெண்களாக இருந்தால் ... அவர்கள் ஒரு தனி ரகம் தான். நிச்சயமாக பாரதி கண்ட பெண் போல் நிமிர்ந்த பார்வை .. நேர்கொண்ட பார்வை ... etc., ..etc. இருக்கும். தங்கள் முடிவுகளை தாங்களே எடுப்பார்கள்; யாரும் வலிய தங்கள் கருத்தை அவர்கள் மீது திணிக்க முடியாது. . இது போல் பல விஷயங்கள் இருக்கும். அவைகளை  + என்றும் சொல்ல முடியாது; -- என்றும்  சொல்ல முடியாது. பொதுவாக சின்னப் பிள்ளைகள் தானே. (அப்படியும் நம்மை நினைக்க விட மாட்டார்கள்! முதிர்ந்தவர்கள் போன்றே நம்மிடம் காட்டிக் கொள்வார்கள்.)


பெரிய பேத்தியும் நிறைய்ய்ய்..ய வாசிக்கிறாள். ஆனால் அவளுக்குப் பிடித்தவைகளை மட்டும். P.G. Wodehouse,  Sherlock Holmes வாங்கிக் கொடுத்தேன். பயனில்லை. எந்த குண்டு புத்தகமாக இருந்தாலும் ஆச்சரியப்படும்படி வெகு விரைவாக முடித்து விடுகிறாள். நிறைய எழுதுகிறாள். ஆனால் யார் கண்ணுக்கும் காட்டுவதில்லை. ஏதோ ஒரு குழுவாக இணையத்தில் நண்பர்கள் இருக்கிறார்களாம். அவர்களுக்குள் விவாதிப்போம் என்கிறாள். ஒரு சில சின்னப் பகுதிகள் கண்ணில் பட்டன. நன்றாக இருந்தன. சிலவற்றை அவளுக்காக ஆரம்பித்த ப்ளாக்கில் போட்டு வந்தேன். சொந்தமாகப் புத்தகம் எழுதி வெளியிட்ட சின்னச் சின்ன பெண்களைப் பற்றிச் சொன்னேன். அது போல் ஏன் நீ முயற்சிக்கக் கூடாது என்றேன். பயனில்லை.

நன்றாகப் படம் வரைகிறாள். மிக எளிதாக வரைகிறாள். வரைந்த்தை ப்ளாக்கில் போட்டேன். அதற்காகவே மதுரை வரும்போது ஓரிரு படங்களோடு வருவாள். அல்லது நான் சென்னை செல்லும் போது படங்கள் தருவாள். இப்போதெல்லாம் நிறுத்தியாகி விட்டது. ப்ளாக் ... படம் ... என்றால் தானே ஒரு ப்ளாக் ஆரம்பித்து அதில் போட்டுக் கொள்கிறேன் என்றாள். சொன்னாள் .. ஆனால் இது வரை ஏதும் செய்யவில்லை. அதற்கு மேல் அழுத்திக் கேட்கவா முடியும்!


சென்ற முறை சென்னை சென்றிருந்தேன். அவளது அறைக்குப் போனேன். பழைய சில படங்களோடு அவளது மர அலமாரிக் கதவுகளில் சில புதிய படங்கள் இருந்தன. A sort of 'houseful'!




DOOR OF HER CUP-BOARD




ம்ம்...ம் ..



NOT EVERY GIRL WANTS TO BE A PRINCESS, 'COZ I'M A QUEEN.   .... சரி...  இந்த இளம் வயதில் ‘தனிக்காட்டு ராஜாஎன்ற நினைப்பு நம் எல்லோருக்கும் இருக்குமே .. அது போல் இது ஒன்று என்று நினைத்துக் கொண்டேன்.

SELF PORTRAIT with her ever-attached head phone
& A PIECE OF HER PHILOSOPHY


அடுத்து ஒரு செல்ஃபியைப் படமாக வரைந்து வைத்திருந்தாள். இணைபிரியா head phone கூடவே வந்து விட்டது

ப்படத்தில் அவளது தத்துவம் ஒன்றும் இணைந்திருந்தது. Karma is real and I believe it. நான் மத மறுப்பாளன் என்பதும், எனது முதல் நூல் பற்றியும் அவளுக்குத் தெரியும். ஒரு சின்ன சந்தோஷம். அவளுக்கு பல பிறப்புகள் பற்றி நம்பிக்கை இல்லையாம். அவளுடையகர்மாமுற்பகல் செய்யின் பிற்பகல் விளையும் என்பது மாதிரியும், உன் வினை உன்னை உறுத்தி வந்து ஊட்டும் என்பது மாதிரியும் சொன்னாள். அதைப் போல் வகுப்பில் நடந்த நிகழ்வையும் சுட்டிக் காட்டினாள். போன ஜென்மம் ... இந்த ஜென்மம் என்று பேசிவிடுவாளோ என்ற நினைத்த பயம்  போய் விட்டது. என் பேத்தியல்லவா ...! அவளுக்கென்று ஒரு தத்துவம். அதுவும் நல்வழிப்படுத்தும் தத்துவம் என்பதால் மகிழ்ச்சியே!

The background looked better in this picture.

தன் பெயரின் முதலெழுத்தை எழுதியிருந்தாள். பின்னால் கொடுத்திருந்த பேக்ரவுண்டு இப்படத்தில் தோன்றுவதை விட நன்றாகவே இருந்தது.



Asked her what is in the background.
She did not get the BG as she wanted. So filled it
with words as the backdrop.
அடுத்து, அமைதிச் சின்னம் வரைந்திருந்தாள். ஆனால் அதன் பின்னால் பொடி எழுத்தில் ஆங்கில வார்த்தைகளின் அடுக்கு இருந்தது. ஏனென்று புரியவில்லை. அவளிடமே கேட்டேன். ”ஒன்றுமில்லை... பின்னால் ஒரு கலர் ஷேட் கொடுத்தேன். பிடித்தது போல் அமையவில்லை. Want to redirect the attention to something else. So just added words ... என்றாள். நல்ல மனோதத்துவம் என்று நினைத்துக் கொண்டேன்.

வளரட்டும் ........


*

Tuesday, July 17, 2018

993. F. I. F.A. 2018 ... 8



இறுதிப் போட்டி


15.7.2018







ப்ரான்ஸ்  vs  க்ரோஷியா






இறுதி நாள் விழா நடந்தது. ஏற்கெனவே விம்பிள்டன் டென்னிஸ் முடிந்து விட்டது. ஏற்கெனவே ..// இறுதியில் ரபா, செரினா ஜெயிச்சிருவாங்களா?
கால்பந்துல க்ரோஷியா  வெல்லுவாங்களா?// ... என்று என் முந்திய பதிவில் கேட்டிருந்தேன் மூன்றில் முதல் இரண்டு அவுட். கொஞ்சம் பயம் வந்திருச்சி... போட்டி ஆரம்பிப்பதற்கு முன்பே க்ரோஷியா பற்றிய பயம் வந்திருச்சி. மூணாவதும் புட்டுக்குமோன்னு பயம்! மூணும் புட்டுக்கிச்சி. ஆனாலும் இதில் ரபா தோற்றது மட்டும் தான் கொஞ்சம் சோகம். ஏனெனில் இரு சமமானவர்களுக்கு நடுவில் நடந்த போட்டி அது. யார் வேண்டுமானாலும் ஜெயிக்க முடியும் என்ற சம நிலை இருந்தது. ஆனால் செரினா ஓர் இளம் தாய்; கடினமான பிரசவம் முடிந்து சில மாதங்களில் போட்டியிடுகிறார். அவர் உடல் நிலை, வயது எல்லாம் வைத்துப் பார்க்கும் போது அரையிறுதி ஆட்டம் வரும் வரை விளையாடியதே மிக மிக பெருமைக்குரிய வெற்றிதான், இறுதி வரை வந்ததே பெருமைக்குரியது தானே.

இதே லாஜிக் க்ரோஷியாவிற்கும் பொருந்தும்.ப்ரான்ஸ் ஆறே கால் கோடி மக்கள் தொகை. பெரிய வளர்ந்துள்ள நாடு. வரலாற்றுப் பெருமை வாய்ந்த நாடு. எதிரணியின் க்ரோஷியாவின் மொத்த மக்கள் தொகையே 41.7 லட்சம் மக்கள் தான். (மதுரை 15.6 லட்சம்; சென்னை 71 லட்சம்) சென்னைக்கும் மதுரைக்கும் நடுவில் உள்ள எண்ணிக்கையில் மொத்த நாட்டின் மக்கள் தொகை. நினைத்துப் பார்க்கவே பயமாகவும், மிகுந்த ஆச்சரியமாகவும் உள்ளது, இத்தனூண்டு நாட்டிலிருந்து “உலக விளையாட்டான” கால்பந்து போட்டியின் இறுதிச் சுற்றுக்கு வந்ததே ஆச்சரியமல்லவா? க்ரோஷியா தோற்றாலும் அவர்களும் அரும் பெரும் வெற்றி பெற்றவர்களே!

நம் அன்பும் பாராட்டும் அந்த அணிக்கும் அதனைத் தந்த அந்த சின்ன நாட்டிற்கும். இதிலும் இன்னொரு விசித்திரம். வென்றது பிரான்ஸ் அணியாக இருக்கலாம். ஆனால் அதில் உள்ள வீர்ர்களில் பலர் ஆப்ரிக்க நாட்டுக்காரர்கள். இளம் இளைஞராக உலகிற்கு அறிமுகமாகியுள்ள - அவர் பெயரை எப்படி தமிழில் சொல்வது  -- BMappe - பேப்பே -ன்னு சொன்னால் நல்லாயில்லையே ! ப்ரான்ஸ் அணியையே ஆப்ரிக்க அணி என்று பல நாளிதழ்கள் “பாராட்டி” எழுதியிருந்தன.

போகிற போக்கில் பல வளர்ந்த நாட்டு கால்பந்து அணிகள் அதிக எண்ணிக்கையில் அயல் நாட்டு வீர்ர்களைக் “கடன்” வாங்கி, தங்கள் குடிமக்களாக்கி விளையாட அழைத்து வருகிறார்கள். இந்தச் செய்தியைத் தாங்கி ஒரு நாளிதழ் வந்திருந்தது. எனக்கு உடனே ஒரு ஐயம், இந்த ஜெர்மன்காரர்கள் கொஞ்சம் ”இனவெறி” அதிகமாக உள்ளவர்களாச்சே... அதனால் அந்த நாட்டில் அயல்நாட்டு imported வீர்ர்கள் குறைவாக இருப்பார்கள் என நினைத்து, அந்த நாட்டின் அணியில் உள்ள அயல்நாட்டு இறக்குமதிகள் எத்தனை என்று தேடிப்பார்த்தேன். ஆச்சரியம் .. 34% என்று இருந்தது. அங்கேயே அப்படியா? 

இதையெல்லாம் பார்க்கும் போது கால்பந்தின் அழகு தென் அமெரிக்க நாடுகள் என்றிருப்பது இல்லாமல் போய்விடுமோ என்று நினைத்தேன். ஐரோப்பிய நாடுகளே இப்படி கால்பந்திற்காக கால்பந்து வீர்ர்களை தங்கள் நாட்டோடு அவர்களை இணைத்துக் கொண்டால்... கால்பந்து விளையாட்டு உலகின் ஒரு ஓரத்திற்குப் போய் விடுமோ என்று தோன்றுகிறது. இப்போதே ஆசிய நாடுகள் அதிக அளவில் விளையாடி முன்னேறி வரவில்லை, ஜப்பான் அரைக்கால் இறுதிக்கு வந்ததே (கடைசி 16) ஆச்சரியாமான ஒன்றாக இருந்தது.


சரி .. இறுதிப் போட்டிக்கு வருவோம் 
...
இறுதிப் போட்டியில் பந்து என்னவோ க்ரோஷியாவிடமே அதிகமாக இருந்தது. 60% விழுக்காட்டிற்கு மேல் அவர்களிடமே பந்து இருந்தது. முன்பே ஒரு முறை எழுதியிருந்தேன். பந்து அதிகமாக வைத்திருக்கும் அணியிலிருந்து சில தடவை பந்து எதிரணியால் விரைவாக எடுத்துச் செல்லப்பட்டு ‘காலியாக’ இருக்கும் எதிர் அணிக்கு கோல் போடுவதுண்டு. இங்கு இன்னொரு சோகம் நடந்தது. 18ம் நிமிடத்தில் கிர்ஸ்மேன் அடித்த கார்னர் ஷாட்டை தன் தலையால் க்ரோசியாவின் மரியோ தட்டி விட அது அவர்கள் கோலுக்குள்ளே சென்று விட்டது. பெரும் அதிர்ச்சி தான். இருந்தும் இன்னும் 70 நிமிட விளையாட்டு மீதியிருக்கிறதே என்று தேற்றிக் கொண்டேன். 

ஆனால் அடுத்த பத்தாவது நிமிடத்திலேயே, 28வது நிமிடத்தில் க்ரோஷியாவின் அழகான  கோல் ஒன்று ப்ரான்ஸிற்கு விழுந்தது. கோல்கள்: 1 : 1. சம நிலை. ஆனால் அடுத்த பத்தாவது நிமிடம் - 38ம் நிமிடம் முதல் கோல் க்ரோஷியாவிற்குக் கிடைக்க காரணமாயிருந்த மரியோவின் கையில் கோல் போஸ்ட்டுக்கு அருகில் தற்செயலாக பந்து பட்டுவிட்டுப் போனது. ப்ரான்ஸ் அணி பெனல்ட்டி கேட்டது, நடுவர் VAR -VIDEO AIDED REFEREE- யைப் பார்க்க விரைந்தோடினார். பெனல்ட்டி அறிவிக்கப்பட்டு ... அதே கிர்ஸ்மேன் பந்து அடிக்க ... பந்து அவர் காலிலிருந்து விடுபடும் முன்னே க்ரோஷியா கோக் கீப்பர் ஒரு பக்கம் விழ, பந்து அடுத்த பக்கம் உருண்டு சென்று கோலானது.

முதல் பாதி முடிவில் க்ரோஷியா இரண்டு கோல் வாங்கியிருந்தது. ஒன்று தாங்களே போட்டுக் கொண்டது; இரண்டாவது பெனல்ட்டி மூலம் கோல். அதுவும் வீடியோ இல்லையென்னால் பெனல்ட்டி கிடைத்திருக்காது. ஏதோ ஓசியில் விழுந்த மாங்காய் போல் ப்ரான்ஸிற்கு இரு கோல்கள் ... சோகம் தான்.

இதிலும் முதல் பாதி வெகு வெகு விருவிருப்பாக நடந்து முடிந்தது. எப்போது பாதி நேரம் என்று கடிகாரம் பார்ப்பதற்குள் பாதி நேரம் வந்தது இம்முறையில்  இப்போது தான். இதில் இன்னொன்றும் நடந்தது. வழக்கமாக டென்னிஸ், கால்பந்து போட்டிகள் பார்க்கும் போது என்னையறியாமல்ஆய் .. ஊய்..’ என்று அவ்வப்போது உணர்ச்சிப் பெருக்கால் கத்துவதுண்டு. ஆனால் இந்த முறை வீட்டம்மா ரொம்ப கண்டிஷனாக கட்டளை ஒன்று போட்டு விட்டார்கள். அந்த மாதிரி எந்த சத்தமும் வரக்கூடாது என்று சொல்லியிருந்தார்கள். வீட்டம்மா அடுத்த டிவியில் பிக் பாஸ் பார்ப்பதற்கு எந்த disturbance இருக்க்க்கூடாது என்பதற்குத்தான் இந்த தடவை அப்படி ஒரு ஆணை ! ஏறத்தாழ இந்த முறை உலகக் கால்பந்து போட்டியில் சத்தம் போடாமல் தான் பார்த்திருந்தேன். ஆனால் இறுதிப் போட்டியில் நாலைந்து முறை கத்தி ... கொஞ்சம் வாங்கிக் கட்டிக் கொண்டேன். அதுவும் தலைவர் கமல் கலந்து கொள்ளும் நாளல்லவா ...! அன்னைக்கிப் போய் இப்படியெல்லாம் கத்தலாமா...?


இரண்டாம் பாதி. இன்னும் அதே விருவிருப்பு. பந்தும் அதிகமாக க்ரோஷியாவின் கால்களுக்குள் தான், ஆனால் 58ம் நிமிடம். போக்பாவின் அழகான கோல் ஒன்று க்ரோஷியாவிற்கு விழுந்தது. அதிலிருந்து அடுத்த பத்தாவது நிமிடம் பந்து திடீரென்று க்ரோஷியா அணிப் பக்கம் போக, பேப்பேவின் - மிக இளம் வயது; 19 தான்; 

உலகக் கோப்பையின் இறுதிப் போட்டியில் - கோல் ஒன்று மீண்டும் க்ரோஷியாவிற்கு விழுந்தது.

ஆட்டத்தின் வேகம் தணியவில்லை. ஒரு poetic justice  என்பார்களே அது மாதிரி க்ரோஷியா வாங்கிய முதல்  இரு கோல்களுக்குக் காரணமாக இருந்த மரியா மண்ட்ஸ்கிக் என்பவர் கோல்பக்கம் விரைந்தார். கோல் கீப்பர் பந்தை வைத்து தேவையில்லாமல் “விளையாடிக்” கொண்டிருந்தார். இதைப் பற்றி எற்கெனவே என் முந்திய பதிவுகளில்  எழுதியிருந்தேன். தேவையில்லாமல் கோல் கீப்பர்கள் பந்தைத் தாமதப்படுத்தி ரிஸ்க் எடுக்கிறார்கள் என்று எழுதியிருந்தேன். நிச்சயமாக கோல் கீப்பர்களை விட பார்வர்ட் விளையாட்டுக்காரர்கள் நன்றாக பந்தை dribble செய்வார்கள். பின் ஏன் இந்த கோல் கீப்பர்கள் இப்படி ரிஸ்க்கை ரஸ்க்காக மாற்றுகிறார்கள் என்ற எரிச்சல் எனக்கு. அந்த எரிச்சல் இன்று உண்மையானது. மரியோ வரும்போது கோல் கீப்பர் பந்தை பெரிதாக உருட்ட. கிடைத்த இடைவெளியில் மண்ட்ஸ்கிக்  கோலை எளிதாகப் போட்டு விட்டார். மீதி விளையாட்டின் விருவிருப்பு தொடர்ந்தாலும் ஆட்டம் முடிந்த்து 4;2 என்ற கணக்கில்.

இறுதி விசில் ஊதியது நாலைந்து பெரும் மழைத்துளிகள் விழுந்தன. இயற்கை க்ரோஷியாவிற்காக அழுகிறது போலும் என்று நினைத்துக் கொண்டேன். ஆனால் பரிசு கொடுக்க ஆரம்பித்த நேரத்தில் கடும் மழை. சரி... ப்ரான்ஸ் ஜெயிச்சதை இயற்கை கொண்டாடுகிறதுன்னு நினைத்துக் கொண்டேன். 

இரு விஷயங்களைச் சொல்லணும். ஒன்று க்ரோஷியாவின் கோச் never lost his cool.  so much composed unlike most of the other coaches.



அடுத்து ... க்ரோஷியா நாட்டு பிரசிடெண்ட். ஒரு லேடி. அழகான பெண். தன் நாட்டு வீர்ர்கள் அணிந்திருந்த விளையாட்டுச் சீருடையில் இருந்தார். கொட்டிய மழையில் வெகு சாதாரணமாக நனைந்து கொண்டிருந்தார். 

புட்டின், ப்ரான்ஸ் தலைவர்களுக்குக் குடை வந்தன. இவருக்கு வெகு தாமதமாக ஒரு குடை வந்து, அதுவும் இவரை விடத் தள்ளி இருந்தது. மழையோ வெயிலோ... அழகாக ஒவ்வொரு விளையாட்டு வீரரையும் அணைத்து அன்பாக சிரித்துக் கொண்டே பேசினார். அடுத்து வெற்றி பெற்ற ப்ரான்ஸ் வீர்ர்கள் வரும் போதுm அதே மாறாத சிரிப்பு ... அன்பு .. அணைப்பு.

தங்கச் சிலை - வெற்றிக் கோப்பை - வந்தது.. ப்ரான்ஸ் தலைவர் கோப்பையை முத்தமிட்டார். தோற்றிருந்தாலும் க்ரோஷியாவின் தலைவியும் முத்தமிட்டார். 


ப்ரான்ஸ் அதிபர் தோளில் கை போட்டு அணைத்துத் தன் அன்பை வெளிப்படுத்தினார்.

நல்ல நாடு .. நல்ல வீர்ர்கள் ... நல்ல தலைவி.

 





















Monday, July 16, 2018

992. சிறிது பெருமிதத்துடன் ... ஒரு ஆசிரியன் ....

பழசும் புதுசும் ....

கல்லூரியில் முதுகலை விலங்கியல் ஆரம்பித்து அறுபது ஆண்டுகள் முடிந்து, அதற்கான விழா ஒன்று நடந்தது. பழைய மாணவர்கள் பலரும் வந்திருந்தனர், தடங்கல்களால் நான் கல்லூரி செல்ல முடியாததால் பலரைப் பார்க்கும் வாய்ப்பை இழந்தேன். அதேபோல் என்னைப் பார்க்க முடியாததால் நேரில் சந்திக்க வேண்டும் என்று விரும்பி, என் வீடு தேடி வந்து என்னை பார்க்க வந்த மாணவர்களைக் கண்டு எனக்கு அத்தனை பெருமை .. மகிழ்ச்சி... வகுப்பில் நான் பயன்படுத்திய பலவற்றை அவர்கள் நினைவிலிருந்து மீட்டு என்னிடம் சொன்னதும், சில மேற்கோள்களைச் சொல்லிக் காட்டியதும் பழையதொரு பொக்கிஷத்தைத் தோண்டி மறுபடி பார்த்த மகிழ்ச்சி எனக்கு.

ஒவ்வொரு ஆசிரியனும் தனது தனிப்பட்ட முத்திரையை தன்னிடம் படிக்கும் மாணவர்கள் மீது பதித்து அனுப்ப வேண்டும் என்று நான் எப்போதும் நினைப்பதுண்டு. அதனை நான் கொஞ்சம் செய்திருக்கிறேன் என்று அவர்கள் பேசியவற்றிலிருந்து எனக்குப் புரிந்த போது. அத்தனை பெருமிதம் எனக்கு.

நேரில் வந்து சந்தித்து தங்கள் அன்பை வெளிப்படுத்திய என் பழைய மாணவர்களுக்கு என் நன்றியும் ... அதை விட இன்னும் சற்றே அதிகமாக என் அன்பும் உரித்தாகுக.

அன்று தொலைபேசியில் பேசிய மாணவர்களுக்கும் என் அன்பு.




இதைப் பார்த்த ஒரு மாணவனின் மகள் (எனக்கு பேத்தி?) சொன்னது:
பாட்டியைப் பார்த்தாதான் professor மாதிரி இருக்கு!!!





*


Friday, July 13, 2018

991. F. I. F. A. 2018 -- 7





*

 அரையிறுதி

 ப்ரான்ஸ் - பெல்ஜியம் = 2 : 1 

இங்கிலாந்து -- க்ரோஷியா 1 : 2 


 "காலங்கார்த்தால வெளியூர் போகணும் ... வண்டி ஓட்டணும். பேசாம சீக்கிரம் தூங்குங்க .. செமி ..கெமின்னு முழிச்சிக்கிட்டு இருக்க வேணாம்”. மேலிடத்து உத்தரவு ரொம்ப கண்டிப்போடு வந்தது. ரபா நாடல் கால் இறுதி விளையாட்டு கொஞ்சம் பார்த்தேன். கொஞ்ச நேரத்தில் க்ரோஷியா - இங்கிலாந்து அரையிறுதி போட்டி ஆரம்பமாகப் போகுது. பெரிய இடத்து உத்தரவு வந்தா என்ன தான் பண்ண முடியும். ஆனாலும் டென்னிஸ் & கால்பந்து ரெண்டு சானலையும் போட்டு வச்சிக்கிட்டேன். டிவிய ஆண் பண்ணினா ஒரு சானல்ல டென்னிஸ் ..இன்னொண்ணுல கால்பந்தாட்டம் ரெடி பண்ணிட்டு ரெடியாயிட்டேன்.

 கண்ணை மூடிப் படுத்தாச்சு. நம்ம தான் படுத்தால் உடனே ஆப் ஆயிருவோமே.. தூங்கியாச்சி. புதுசா திடீர்னு முழிப்பு வந்துச்சு. டிவிய ஆண் பண்ணினேன். கால்பந்து இன்னும் ஆரம்பிக்கலை. சரின்னு ஸ்வைப் பண்ணினேன். டென்னிஸ் .. ஆளுக்கொண்ணு செட் ஜெயிச்சிருத்தாங்க.. படுத்து கண்ணை மூடினேன். அடுத்து ஒரு மணி நேரம் தூங்கியிருப்பேன் போலும். அரை குறையாக முழிச்சிப் பார்த்தேன். டென்னிஸ் முடிஞ்சிருச்சி. கால்பந்து ஏதோ ஒரு சைட் ஒரு கோல் போட்டிருந்தது. மறுபடியும் தூங்கினேன்.

 அடுத்து முழித்துப் பார்த்தேன். டிவியில எல்லாம் முடிந்திருந்தது. ரிசல்ட் தெரியலை. கைப்பேசியில் கண்ணாடி போடாமல் தேடி எடுத்தேன். ரபா ஜெயிச்சிருந்தார். மகிழ்ச்சி.

கால்பந்து முடிவு பார்த்தேன். 2:1-ன்னு தெரிந்தது.சரி இங்கிலாந்து ஜெயிச்சிருக்கும்னு நினச்சி படுத்தாச்சு.

 காலையில எழுந்திருச்சு புறப்பட்டாச்சு. 120 கிலோ மீட்டர் பளஸ் 120 கிலோ மீட்டர் போய்ட்டு வந்த பிறகுதான் மறுபடி டிவிய திறக்க முடிஞ்சிது. அட .. க்ரோஷியா வெற்றி ... ரொம்ப மகிழ்ச்சி. சின்ன இத்தனூண்டு நாடு. இன்னைக்கி இங்கிலாந்தை ஜெயிச்சாச்சு.

அப்படியே கொஞ்சம் ரீவைண்ட் பண்ணினேன். இங்கிலாந்தும் இத்தனூண்டு சின்ன நாடு. ஆனா எத்தனை எத்தனை நாடுகளைக் காலனியாக்கி ... அடிமையாக்கி... உலகம் பூரா பரவி... தங்கள் மொழியையும் உலக மொழியாக்கி ... அதோட இன்னும் ஒண்ணும் தோணுச்சு. ஒரு வேளை அப்போ அவர்களது reproductive potential ரொம்ப அதிகமாக இருந்திருக்குமோன்னு நினச்சேன்,

மொதல்ல அமெரிக்கா போய் அங்கிருந்தவங்கள பெரும்பான்மையாக அழிச்சிட்டு, அவங்க ஆளுகளை வச்சி நிறச்சிட்டாங்க. .அடுத்து ஆஸ்த்ரேலியா. நியூசிலாந்து ... என்று பல இடங்களுக்குப் போய் புதியதாக தங்கள் வாரிசுகளை வைத்து நிரப்பி உட்டுட்டாங்க. ஏதோ .. நம்ம நாடு கொஞ்சம் பொழச்சிது. கொஞ்சூண்டு மக்களை மட்டும் அங்குமில்லாமல் இங்குமில்லாமல் ஆக்கிட்டு உட்டுட்டாங்க. பொழச்சோம்!

 இறுதியில் ரபா, செரினா ஜெயிச்சிருவாங்களா?

கால்பந்துல க்ரோஷியா  வெல்லுவாங்களா?

 பார்க்கணும் .....






 *

Tuesday, July 10, 2018

990. என்னே தருமியின் தீர்க்க தரிசனம் !






தர்மபுரியில் 2002ம் ஆண்டு பஸ் ஒன்றை எரித்து மூன்று மாணவிகளைக் கொன்ற மூன்று அதிமுககாரர்களுக்கு

மரண தண்டனை விதித்து,

பின் அதை ஆயுள் தண்டனையாக மாற்றி ..

இப்போது அவர்கள் விடுதலை செய்யப்படுகிறார்கள்.

 ... இதற்கு எதிர்ப்பாக மாணவிகளின் குடும்பத்திலிருந்தும் ஏதும் எதிர்ப்பு வரவில்லை. ...தினசரிச் செய்தி (8.7.18)

இச்சம்பவம் பற்றி இன்றைய பேலியோ புகழ் நியாண்டர் செல்வன்,  .. அன்றைய $செல்வன் அவர்கள் எழுதிய மகிழ்ச்சிப் பதிவுகளுக்கு எதிராக நான் ஒருபதிவை 23.2.2007 பதினோரு ஆண்டுகளுக்கு முன்பு ஒரு பதிவிட்டேன். பின் அதனைத் தொடர்ந்து ஒரு மீள் பதிவாக 12.3.2016ல் அதைப் பதிவிட்டேன். ஆக. ஒரே நிகழ்வைப் பற்றிய  மூன்றாவது பதிவு இது.

இதை வாசித்ததும்  என் முதுகை நானே தட்டிக் கொடுத்துக் கொண்டேன். பதினோரு ஆண்டுகளுக்கு முன் நான் சொன்ன “தீர்க்க தரிசனம்” அச்சு அசலாக இன்று அப்படியே நடக்கிறது. சும்மா சொல்லக்கூடாதுடா, தருமி ! பின்னீட்ட ...போ !

பழைய பதிவுகளையும் வாசித்துப் பாருங்கள். தொடுப்புகள் கீழே.
  
(23.2.2007)

(12.3.2016)

ஆனால் இது போன்றவைகள் நடக்க நாம் தான் முழுக்காரணம். ஏன் தெரியுமா? இந்த மாணவிகள் எரிக்கப்பட்டு, சில மாதங்களில் அடுத்த பொதுத் தேர்தல் வந்தது. எரிந்து போன நம்ம பெண்களின் நினைவு நிச்சயமாக மக்கள் மனதில் இருந்திருக்க வேண்டும். ஆனாலும் அந்தத் தொகுதியில் வென்றது அவர்களை எரித்த அதே அதிமுக கட்சி தான்.

சூடு .. சொரணை என்பார்களே... அப்படியென்றால் என்னங்க???

Thursday, July 05, 2018

989. F.I.F.A. '18 -- 6








*

 1.7.2018

F.I.F.A. '18 

ரஷ்யா - ஸ்பெயின் 

ஒண்ணும் தேறாதுன்னு நினச்ச ரஷ்யா லீக் லெவல் தாண்டி வந்தாச்சு. பெரிய டீம் ஸ்பெயின் கூட மோதுதுன்னு நினச்சதும் சரி.. நாலஞ்சி இன்னைக்கி வாங்கிட்டு போகும்னு நினச்சிக்கிட்டு உட்கார்ந்தா ... நடந்தது வேறு.

பந்தும் ரஷ்யா பக்கமே அலைபாய்ந்து கொண்டு கிடந்தது. பதினோராவது நிமிடமே ஒரு கார்னர் ஷாட் ஸ்பெயினுக்குக் கிடைத்தது. தள்ளு முள்ளு ஆட்டம் ஆடினார் ரஷ்யாவின் இக்னேவிச். (இக்னேஷியஸ் .. என்ற பெயராக இருக்குமோ? சரி .. ஏதோ ஒரு witch!) வினை விதைத்தவன் கதையாகப் போய் விட்டது. ஸ்பெயின் முன் ஆட்டக்காரர் மேல் விழுந்து தடுக்கிறேன்னு மோதினாரா .. அப்போ அவர் காலில் பட்டு பந்து கோலுக்குள் சென்றது. சரியான witch தான் அவர்!

30வது நிமிடம் ஒரு கணக்கு சொன்னார்கள்: passes எண்ணிக்கை ஸ்பெயினுக்கு 250 என்றும் அதே எண்ணிக்கை ரஷ்யாவிற்கு வெறு 60 என்று சொன்னார்கள். வாழ்க்கையே இப்படித்தான் என்பது போல் திசை மாற்றங்கள் நடந்து முடிந்தது ஒரு பெரும் சோகம் தான்.

39வது நிமிடம். ரஷ்யாவின் ஆட்டக்காரர் கையில் பந்து பட்டு போனது. hand ball என்றார் நடுவர். ஆட்டக்காரர் நடுவரிடம் வாதாடினார்.கிடைத்தது ஒரு மஞ்சள் அட்டை. 40வது நிமிடம். ரஷ்யாவிற்கு பெனல்ட்டி கிடைத்தது. அடித்தது நம்ம witch தான். மனுஷன் ஓங்கி அடிச்சி... கோல் போட்டு செஞ்ச பாவத்திற்கு விமோசனம் எடுத்துக் கொண்டார். ஒரு poetic justice!

இரண்டாம் பாகம்.வேகமான விளையாட்டு தான். ஆனால் the very handsome Iniesta சரியாகவே விளையாட வாய்ப்பில்லை.ஆனால் இன்னொரு ஆட்டக்காரர் Pique நன்கு விளையாடினார். பந்து இரு பக்கங்களுக்கும் மாறி மாறிச் சென்றது. பார்வையாளர்களிடமிருந்து ரஷ்யாவிற்கு ஏகப்பட்ட வரவேற்பும், ஆதரவும்.

ஆட்டம் 1 : 1 என்று முடிந்தது.

அடுத்து சோகமான பெனல்ட்டி. முதல் கோலை இனியெஸ்டா போட்டார். ஸ்பெயினின் மூன்றாவது கோலை ரஷ்ய கோல் கீப்பர் ‘தடுத்தாட்கொண்டார்’! இன்னொரு பந்தை ஸ்பெயின்காரர் வெளியே அடிக்க 4 : 3 என்ற கணக்கில் ரஷ்யா வென்றது.

\




 * * * * *


அடுத்த ஆட்டம் க்ரோஷியா - டென்மார்க். பார்க்க முயற்சித்தேன். தூக்க தேவதை என்னக் கட்டிலுக்குக் கடத்திப் போய் விட்டாள்.




 * * * * *



 3.7.’18 


ஸ்வீடன் - ஸ்விட்சர்லாந்து 

களம் இறங்கிய இரு அணிகள் மாறி மாறி பந்தை புறம் மாற்றி போட்டியை விறுவிறுப்பாக்கின.. ஆனால் இரு அணிகளிலும் அந்த finishing touch இல்லாமல் போனது. இரு அணிகளுக்கும் அத்தனை அத்தனை வாய்ப்புகள், ஆனால் கோல் ஏதுமில்லாமல் ஆட்டம் தொடர்ந்தது. கிடைத்த நல்ல வாய்ப்புகள் பறி போகின. முட்டாள் தனமான ஷாட்கள் என்று தனியாக ஒரு கணக்கெடுக்கலாம் போலிருந்தது.

அதோடு இரு அணிகளுக்கும் ஆளுக்கொரு முறை hand ball ஆனது. ஓடிய நடுவரும் சரி, உட்கார்ந்திருந்த நடுவரும், சரி... இருவருமே கண்டுகொள்ளவில்லை.

இரண்டாம் பகுதியில் ஸ்வீடனின் வீர்ர் அடித்த பந்து கோலானது. தரத்தில் குறைந்திருந்தாலும் வெற்றியைப் பறித்துச் சென்றது.





 *