1211. I SALUTE BRAHMINS .....

*

I SALUTE BRAHMINS …..

அனைத்து மத நம்பிக்கையாளர்களுக்கு எப்போதுமே தங்கள் கடவுள்களை யார் இழித்தாலும் தாங்க முடியாத வேதனையும் அதனால் விளையும் பெருஞ்சினமும் வருவதுண்டு. அடிப்படைவாதிகளாக இருந்தால் அது வன்கொலையிலும் சென்று முடியும். ஏறத்தாழ அனைத்து மதத்தினருக்கும் பொதுவானதே இது.

அப்படி மக்களின் ஆழ்மனத்தில் அவரவர் மதங்கள் பதிந்திருக்கும் போது, அந்த மதங்களை இழிவுபடுத்துதலையும் தாண்டி, அந்த மதங்கள் இருந்த இடமே இல்லாமல் போகுமளவிற்கு யாரேனும் செய்தால் அது பெருத்த ஆச்சரியத்துற்குரியது.

இந்தியாவில் தோன்றிய புத்த, சமண மதங்கள் செழித்து வளர்ந்து வாழ்ந்து கொண்டிருக்கும் போது, அவைகள் தங்கள் வேத நூல்களையும், தத்துவங்களையும் எதிர்க்கிறது என்ற ஒரே காரணத்திற்காக அந்த மதங்களை வரலாற்று பக்கங்களிலிருந்தே முழுவதுமாக அழிக்க வேண்டுமாயின், அதைச் செய்து முடித்து வெற்றி பெற்ற பிராமணர்களின் அறிவுத் திறனை போற்றாமல் என்ன செய்வது?

SO .. I SALUTE BRAHMINS!

*

https://www.facebook.com/sam.george.946/posts/pfbid0LicXjmsBNZusBYVfRBR1Gyg9kZ15cTpbsEcqfZ8PBgKfFihgtfpaaTJsdBsHkRtAl

1210. #விட்னஸ் #DHARUMIsPAGE #FILMREVIEW

1209. #oaoa #dharumispage #DHARUMIsPAGE #OAOA SPORTS DAY

1208. FIFA '22 - FINAL MATCH

*

இப்போதுதான் ஆரம்பித்தது போலிருந்தது ... அதற்குள் எல்லாம் முடிந்து விட்டது.வழக்கம் போல் ப்ரேசில் வெற்றி பெறவேண்டும் என்ற ஆவலோடு ஆரம்பித்து வேறு நாடு வென்றது. அதிலும் அர்ஜென்டினா வெற்றி பெற்றதில் மகிழ்ச்சியே.

எப்படி நேற்றைய இறுதிப் போட்டி இருந்தது என்று உலகத்தில் அனைவருக்கும் தெரிந்ததாகி விட்டதால் அந்த ஆட்டத்தைப் பற்றி எதுவும் பேசப் போவதுமில்லை; தேவையுமில்லை. ஆனால் பாவம் ... யாராவது கால்பந்தில் சிறிதேனும் ஆர்வம் உள்ளவர்கள் இருந்து, அவர்கள் நேற்றைய போட்டியைப் பார்க்காமல் தவற விட்டிருந்தால் அவர்களுக்கு என் ஆழ்ந்த அனுதாபங்களைத் தெரிவிக்கலாமே என்று தான் இப்பதிவையிட நினைத்தேன். பாவம் ... அவர்கள் வாழ்வின் பொன்னான 90+30+ பெனல்ட்டிக்கான நேரம் (10 நிமிடம் இருந்திருக்கலாமா?) 130 நிமிடங்களை அப்படியே முழுமையாக இழந்து விட்டார்களே என்று தோன்றுகிறது. இனி அந்த ஆட்டத்தைத் திரும்பிப் பார்த்தாலும் அதை நேற்று பார்த்தவர்களின் உணர்வில், கவலையில், ஆதங்கத்தில், எதிர்பார்ப்பில், அச்சத்தில் … நூற்றில் ஒரு பங்கைக் கூட அவர்களால் உணர முடியவே முடியாது. என்ன பாவம் பண்ணினார்களோ .. அவர்களால் நாங்கள் – போட்டியைப் பார்த்த புண்ணியவான்களான நாங்கள் – அனுபவித்த வாழ்நாளில் மறக்க முடியாத ஒரு போட்டியை வினாடிக்கு வினாடி நாங்கள் பார்த்து “அனுபவித்தது” போல் அனுபவிக்க முடியாது. முடிவுகள் வெளியான பின் இந்தப் போட்டியைப் பார்ப்பதில் எங்கள் “வாழ்நாள் அனுபவம்” மாதிரி நிச்சயமாக இருக்க முடியவே முடியாது.

யாரோ ஒரு நண்பர் எழுதியதை வாசித்தேன். கிறிஸ்டினா ரொனால்டோ இருப்பதால் பலருக்கு போர்த்துகல் மீது ஆவல் இருக்கும்; Mbappe (எனது மொழிபெயர்ப்பில் ம்பாப்பே!!) இருப்பதால் ப்ரான்ஸ் மீது மக்களுக்கு ஈர்ப்பு இருக்கலாம். மெஸ்ஸி இருப்பதால் அர்ஜென்டினா மீது அன்பிருக்கலாம். ஆனால் எப்போதும் நம்மால் நேசிக்கப்படுவது ப்ரேசில் மட்டும் தான். தனி நபர் என்று மட்டுமல்லாமல் எப்போதும் ப்ரேசிலை இந்தியர்கள் நேசிக்கிறார்கள் என்று அவர் எழுதியிருந்தார். என்னைப் பொருத்தவரை இது முற்றிலும் உண்மையே. இன்னும் கொஞ்சம் சேர்ப்பதென்றால், ப்ரேசில் இல்லாவிட்டால் அரைகுறை மனத்தோடு அந்த இடத்தில் அர்ஜென்டினாவை வைப்பது வழக்கம் தான் என்று நினைக்கின்றேன். இதற்கான காரணம் என்னவென்று எனக்குத் தெரியவில்லை. ஒரு வேளை நாம் எல்லோருமே தொலைக்காட்சி மூலம் இந்தப் போட்டிகளைப் பார்க்க ஆரம்பித்த போதும், ஏன் .. அதற்கு முன்பேயும்,  பீலே அவர்களைப் பற்றி தெரிந்து கொண்டதால் ஏற்பட்ட ஒரு பந்தமாக இருக்குமோ என்று தோன்றுகிறது.

அர்ஜென்டினாவில் மெஸ்ஸி மட்டும் தான் இருக்கிறார்; (ஆனால் எனக்கு அவரை விட left winger டி மரியாவின் ஆட்டம் முதலிலிருந்தே பிடித்தது.) ஆனால் ப்ரான்ஸ் நாட்டு வீரர்களில் பலரும் இளைஞர்கள். ஆகவே அதுவே நிச்சயமாக இறுதியில் வெல்லும் என்ற கணிப்பு இருந்தது. அதாவது மூளை ப்ரான்ஸ் வெற்றி பெரும் என்று சொன்னாலும், இதயமோ அர்ஜென்டினாவிற்காகத் துடித்தது. அப்படிப்பட்டவர்களுக்கு நேற்றைய ஆட்டம் ஒரு பெரிய, வித்தியாசமான அனுபவத்தைக் கொடுத்தது.

முதல் 90 நிமிடங்களில் 80 நிமிடங்களுக்கு அர்ஜென்டினா கொடிகட்டிப் பறந்தனர். அதன் பின் எக்கச்சக்கமான ஏற்ற இறக்கங்கள். தாங்க முடியவில்லை. ப்ரான்ஸ் சமன் செய்ததும் பேசாமல் படுத்துத் தூங்கி விடலாமென நினைத்தேன். ஏனெனில் கால்பந்து விளையாட்டைப் பார்ப்பதில் இரண்டு விஷயம் சுத்தமாகப் பிடிக்காது. முதல் விஷயம், அதென்னவோ ஆட்டக்காரர்களின் முகத்தை மட்டும் க்ளோசப்பில் காண்பிக்கும் நேரம் பார்த்து, அவர்கள் எச்சில் துப்பித் தொலைப்பார்கள். ..ஏதோ நம்மீதே  விழுந்தது போல் தோன்றும்; கஷ்டமாக இருக்கும்; பிடிக்காது. (க்ரிக்கெட்டில் பந்தையே நக்கி எடுப்பார்களே அது போல் அத்தனை அசிங்கமாக இல்லாவிட்டாலும், கால் பந்து விளையாட்டில் இது ஓர் அருவருப்பான ஒன்று.) பிடிக்காத இன்னொன்று என்னவென்றால், பெனல்டி மூலம் ஆட்டத்தை முடிவுக்குக் கொண்டு வருவது. இதை விட sudden death என்ற முறை எனக்குப் பிடித்தது. அதாவது 45 + 45 நிமிடம் விளையாடி முடிவில்லாதிருந்தால், அடுத்து 15 +15  என்று மொத்தம் 120 நிமிடம் விளையாடியும் முடிவு வராவிட்டால் இப்போது அடுத்து பெனல்டி கிக் என்பதே இப்போதைய முறை. ஆனால் sudden death என்ற முறையில் 90 + 30 நிமிடங்களுக்குப் பிறகு இரு அணிகளும் தொடர்ந்து விளையாட ஆரம்பிக்கும். எந்த அணி கோல் போடுகிறதோ அப்போது ஆட்டம் முடிவிற்கு வந்து விடும். இதில் ஆட்டத்தின் வீரர்கள் அனைவரின் பங்கும் உண்டு. ஆனால் பெனல்ட்டியில் ஏறத்தாழ முழுப் பொறுப்பும் இரண்டு வீரர்களின் மேல் மட்டுமே விழுகிறது – கோல் கீப்பர் & பெனல்டி ஷாட் அடிப்பவர். அதிலு ஷாட் அடிப்பவர் தவறு செய்து, அதனால் தோல்வி ஏற்பட்டால் ...பாவம் அந்த மனுஷன்... அவரே தன்னை மன்னித்துக் கொள்ள முடியாது. வரலாற்றிலும் அவர் பெயர் பதிந்து விடுகிறது. ஏறத்தாழ தோல்வியின்முழுப்பொறுப்பும் அவர் மேல் தான் ஏற்றி வைக்கப்படும். மெஸ்ஸி போலந்தோடு விளையாடியபோது ஒரு பெனல்டி பந்தை வெளியே அடித்து விட்டார். ‘இவனெல்லாம் பெரிய ஆட்டக்காரன் என்று பெயர்;  ஆனால் ஒரு பெனல்டியைக் கூட ஒழுங்காக உள்ளே அடிக்கத் தெரியவில்லை’ …. இது போன்ற வசுவுகள் அவர்கள் மீது பாயும். அதையும் விட என்னைப் பொறுத்த வரை அந்த “ஒன்றுக்கு ஒன்று” என்று இருவர் மட்டும் மீது அத்தனை சுமையை ஏற்றுவதை விட sudden death பரவாயில்லை என்று தோன்றுகிறது. முன்பில் வழக்கிலிருந்ததை ஏன் மாற்றித் தொலைத்தார்களோ!?

விளையாட்டை நேற்று பார்க்கும் போது தொலைக்காட்சியை அணைத்து விட்டுப் படுக்கப் போய் விடலாமா என்று தோன்றியது. ஆனால் அர்ஜென்டினா வென்றதும் மிச்சம் மீதிக் காட்சிகளைச் சந்தோஷமாகப் பார்க்கத் தோன்றியது.

ஆனால் ம்பாப்பேவுடன் தரையில் உட்கார்ந்து ஆறுதல் சொன்ன பிரான்ஸ் நாட்டு அதிபரின் படம், மகா சோகத்துடன் தன் பரிசை வாங்கிச் சென்ற ம்பாப்பேவைப் பார்த்த போது ஒன்று சொல்லத் தோன்றியது: ”அட .. போப்பா ... உனக்கு இன்னும் நிறைய வயசிருக்கு. இந்த தடவை போனா அடுத்த தடவை பார்த்துக்கோ.” ( அதுவ்ரைபொழச்சிக் கிடக்கிறவங்க பார்த்துக்குவாங்க !!!)

*

1207 FIFA '22 -- FIRST SEMIFINAL

*

செவ்வாய் இரவு முதல் அரையிறுதி ஆட்டம் வெகு சுறுசுறுப்பாக நடந்தது. அர்ஜென்டினாவின் மெஸ்ஸி ஆட்டத்தை மிக அழகிய ஒன்றாக மாற்றினார். எதிரணியினரான கொரோஷியாவின் ஆட்டதில் முந்திய ஆட்டங்களில் இல்லாத சோர்வு, அதுவும் தற்காப்பில் சிறிது பின் தங்கியிருந்தார்கள். அதனால அர்ஜென்டினா மிகவும் வேகமாக கொரோஷியா கோல் ப்குதியில் அடிக்கடி ஊடாட முடிந்தது. முதல் கோல் பெனல்ட்டியால் கிடைத்தது. சிரமுமின்றி மெஸ்ஸி அதை அடித்து வென்றார். இரண்டாவது கோல் 9 எண்ணுள்ள ஜூலியன் அல்வாரஸ் என்பவரிடம் பந்தை மெஸ்ஸி பாஸ் செய்தார். ஏறத்தாழ அர்ஜென்டினாவின் கோல் எல்லைக் கோட்டைத்தாண்டி கொடுத்தார். அங்கிகிருந்து அல்வாரஸ் தனியாகப் பந்தை வெகு வேகமாக கொரோஷியா கோலுக்கு எடுத்துச் சென்றார்.  அங்கே இரு தடுப்பாளர்களைத் தாண்டி, அதன் பின் கோல் கீப்பர் பந்தைத் தடுக்க, தடுத்தப்பட்ட பந்தை மீண்டும் கைப் பற்றி .. இல்லை .. இல்லை .. கால்பற்றி அதைக் கோலாக மாற்றினார். மரடோனா அடித்த கோல் நினைவுக்கு வந்தது. அவரும் தனியாக தன் கோல் பகுதியில் ஆரம்பித்து ஐந்தாறு ஆட்களைத் தாண்டி பந்தை எடுத்துச் சென்று கோல் அடித்தது நினைவுக்கு வந்தது.

முதல் பாதியிலேயே இரண்டு கோல் போட்டிருந்தாலும் ஆட்டம் தொடர்ந்து பதட்டத்தோடு ஆரம்பித்தது. ஏனெனில் இதே கொரோஷியா ப்ரேசிலை வென்றது அர்ஜென்டினாவை ஆதரிக்கும் மக்கள் மனதில் நிழலாட அந்த அச்சத்தோடு ஆட்டத்தைத் தொடர்ந்து பார்த்துக் கொண்டிருந்த நேரத்தில் அர்ஜென்டினா மூன்றாவது கோலையும் போட்டு ஆட்டத்தை வென்றது. வழக்கமாக கொரோஷியா இந்தப் போட்டியில் எக்ஸ்ட்றா நேரத்தில் ஆட்டத்தை இழுத்துச் சென்று வெற்றிகரமாக முடித்தது போலில்லாமல் ஆட்ட நேரத்திற்குள் போட்டி முடிவுக்கு வந்தது.

முதல் முறையாக உலகக் கோப்பை போட்டியில் ஒரு ஆப்ரிக்க-அரேபிய நாடாக அரையிறுதிக்கு க்ரோஷியா முன்னேறியுள்ளது. அடுத்த இரண்டாம் அரையிறுதியில் பிரான்ஸ் நாட்டோடு மோதுகிறது. உலகக் கால்பந்து ரசிகர்களில் பலருக்கும் பிரான்ஸ் சென்ற முறை கோப்பை வென்றது போல் இப்போதும் வெல்ல அதிக வாய்ப்பிருந்தும், இம்முறை ஒரு ஆப்ரிக்க நாடு வெல்லட்டுமே என்ற ஆசையில் உள்ளார்கள். பிரான்ஸ் நாட்டு Mbappe – இவர் பெயரை எப்படித் தமிழில் உச்சரிப்பது, எழுதுவது என்றே தெரியவில்லை!! – 5 கோல் போட்டு முன்னணியில் இருக்கிறார். அவர் தங்கக் காலணி பரிசைப் பெற வேண்டுமென ஒரு பக்கம் அவரது விசிறிகள் காத்திருக்கின்றனர். பார்ப்போம் .. இன்னும் சிறிது நேர்த்தில் இந்தக் கேள்விகளுக்கெல்லாம் பதில் கிடைத்து விடும்.

 

*

1206. FIFA '22 - தமிழ் வர்ணனையாளர்கள்

*  

ஆங்கில அறிவு நமக்கு கொஞ்சம் குறைச்சலா .. அதனால் விளையாட்டுகளில் வரும் நேர்முக வர்ணனைகள் ஆங்கிலத்தில் வரும்போது அரைகுறையாக மட்டுமே கேட்பதுண்டு. ஆனால் உலகக் கால்பந்தாட்டத்தில் தமிழிலும் வர்ணனை என்றதும் ஆசையாகக் கேட்க ஆரம்பித்தேன். முதல் இரு நாட்களில் – அதாவது pre QF – கேட்டது சுத்தமாகப் பிடிக்கவில்லை. யாரோ இரு க்ரிக்கெட் ஆட்களை உட்கார வைத்தது போலிருந்தது. ஏனெனில் அடிக்கடி அந்த விளையாட்டை இந்த விளையாட்டில் பேசிக் கொண்டிருந்தனர்!!! நல்ல வேளையாக QF ஆட்டங்களில் வேறு இருவர் வந்தனர். அவர்களது வர்ணனை மிக நன்றாக இருந்த்து. ஆட்டக்காரர்கள் எந்த க்ளப்பிற்காக ஆடியவர்கள், அவர்களின் திறமை என்ன என்பது போன்ற செய்திகளோடு விறுவிறுப்பாகப் பேசினார்கள். பொருத்தமான நேரத்தில் பொருத்தமான செய்திகளோடு பேசினார்கள்.

அந்த வர்ணனையாளர்களைப் “பிடிக்க” கூகுள் ஆண்டவரிடம் கேட்டேன். அவர் சொன்னது இது தான்: Tamil viewers will be able to enjoy the voices of former India player and notable commentator Raman Vijayan along with Nallapan Mohanraj, Dharmaraj Ravanan, and Vijayakarthikeyan.

இவர்களில் யார் அந்த இருவர் என்பது நிச்சயமாகத் தெரியவில்லை. அவர்கள் ஒரே ஒரு முறை தங்கள் பெயர் சொல்லும் போது நல்லப்பன் மோகன்ராஜ் என்ற பெயர் நன்றாகக் காதில் விழுந்தது. இன்னொருவர் பெயர் சீனிவாசன் என்று கேட்டது போலிருந்தது. ஆண்டவர் கொடுத்த பட்டியலில் அந்தப் பெயரைக் காணோம். ஆக, இரண்டாவது ஆள் யாரென்று தெரியவில்லை. .(அது ஒருவேளை ராமன் விஜயனாக இருக்குமோ?)

தெரிந்தவர்கள் உதவுங்களேன்... என்னைப் போன்ற ஆங்கில அறிவிலிகளுக்கு அது மிகவும் உதவும் ....

படங்களில் முதலிலுள்ள தாடிக்காரர்: நல்லப்பன்;

அடுத்தவர்: ராமன் விஜயன்.

அடுத்தவர் படம் வரவில்லைல் இங்கே உள்ளது.

*

1205. FIFA, 22 FALL OF BRAZIL

*

                                                      

                                                                 தியான் சந்த்

ஹிட்லர் இருந்த காலத்தில் அவர் நமது ஹாக்கி விளையாட்டு வீரர் (ஹாக்கியை, வளைதடி விளையாட்டு என்று சொல்லணுமாமே. வேண்டாம் ஹாக்கியே இருக்கட்டும்!) தியான் சந்தின் ஹாக்கி மட்டையை வாங்கிப் பார்த்ததாகச் சொல்வார்கள். எப்படி அவர் மட்டையோடு பந்து ஒட்டிக் கொண்டு போகிறதே என்ற ஆச்சரியம் ஹிட்லருக்கு என்று சொல்வார்கள். அதோடு அவரை ஜெர்மனிய குடிமகனாக ஆக்குவதற்கும் தயாராக இருந்தாராம் ஹிட்லர். தியான் சந்த் மறுத்து விட்டாராம். இதெல்லாம் வாசித்தது. எந்த அளவு உண்மை என்பது தெரியாது. ஆனால் எல்லோருக்கும் தெரிந்த அளவிற்கு தியான் சந்த் குழுவினர் 1938ம் ஆண்டு ஒலிம்பிக்கில் ஜெர்மனியை 10:1 என்ற கோல் கணக்கில் தோற்கடித்தனர்.1928 -1964 ஆண்டு வரை 8 இறுதி ஆட்டங்கள் ஆடி அதில் 7 ஆட்டங்களில் தங்கம் வென்றனர். 1964ம் ஆண்டு முதல் முதலாக நான் சென்னை வந்த போது தொலைக்காட்சிப் பொட்டியில் முதல் ஹாக்கி போட்டியைப் பார்த்தேன். அதன்பின் 1980ல் ஒரு மெடல் வாங்கினாலும் 1964 ஆண்டோடு நமது ஹாக்கி சகாப்தம் முடிவடைந்தது.

ஹாக்கி மைதானம் செயற்கைப் புல் வெளியோடு மாறியது, வெள்ளைத்தோல்காரர்கள் புதிய வேகத்தோடு விளையாட ஆரம்பித்து அதனால் மாற ஆரம்பித்த மாற்றங்கள் அனைத்தும் அவர்களுக்குச் சாதகமாக இருந்தது, உடம்பு வலிமை அவர்களுக்கு அதிகமாக இருந்தது ... என்று பல காரணங்கள் சொல்வார்கள். ஆனாலும் நாம் இழந்தது இழந்ததே. அந்த சகாப்தம் இனி வரப் போவதேயில்லை.

ப்ரேசில் ஐந்து முறை வென்றது மட்டுமல்ல; அந்த டீம் பொதுவாகவே இந்திய மக்களின் dream team. மரடோனாவிற்குப் பிறகு அந்தப் பட்டியலில் அர்ஜென்டினாவும் சேர்ந்து கொண்டது. பீலே, ரொனால்டோ, ரொனால்டின்கோ, கார்லோஸ், நெய்மர் என்று ப்ரேசிலும், மரடோனா, மெஸ்ஸியும் அர்ஜென்டினாவின் வீரர்களாகவும்,போர்ச்சுகல்லின் கிறிஸ்டியானோவும் நமது நாட்டுக்குப் பிடித்த வீரர்களாகவும் இருந்து வருகிறார்கள். வழக்கமாக ப்ரேசில் நாட்டு வீரர்கள் போடும் ‘குத்தாட்டம்’ /சம்பா நடனம் நாம் எல்லோரும் அறிந்த ஒன்றாக இருந்தாலும் இந்த முறை அந்த ஆட்டமும், ப்ரேசில் கால்பந்தாட்டப் பண்பை உச்சத்திற்கு வளர்த்து விட்டிருப்பதும், அவர்களின் ஆட்டத்தைப் பார்ப்பதே ஒரு பெரும் திருவிழா போல் இருக்கிறது என்றும் இந்த ஆண்டு அத்தனை புகழப்பட்டு உச்சத்தில் அவர்கள் இருந்ததோடில்லாமல் இந்த ஆண்டு நிச்சயம் அது இறுதி வரை வந்து தங்கக் கோப்பையையும் வென்று விடும் என்றும் நம்பப்பட்டது; நானும் நம்பினேன் முழுமையாக.

ஒரு வேளை எனக்கு  பீலே ஒரு காரணமாக இருந்திருக்கலாம். அவரால் ப்ரேசில் மீது ஒரு காதல். அதனால் அந்த நாடு வெல்ல வேண்டுமென்று எப்போதும் ஒரு ஆவல். 86லிருந்து தொலைக்காட்சியில் போட்டியைப் பார்க்க ஆரம்பித்திருந்தாலும், ப்ரேசில் வென்ற ஐந்து தடவைகளில் 1994, 2002 ஆண்டுகளில் மட்டும் அதைப் பார்க்க முடிந்திருக்கிறது. ஆனாலும் இந்த ஆண்டு நிச்சயமாக இறுதி நிலைக்கு வந்து, அதிலும் வெற்றியடைந்து விடும் என்று எதிர்பார்த்தேன். நடக்காமல் நேற்று அதற்கு இறுதிச் சங்கு ஊதியாகிவிட்டது.

எனக்கென்னவோ ஐரோப்பிய நாடுகள் தங்கள் முன்காலை தீவிரமாக எடுத்து  வைத்து விட்டன என்றே தோன்றுகிறது. ப்ரேசிலின் ஆதிக்கம், ஹாக்கியில் இந்திய ஆதிக்கம் முழுமையாக முறிந்து போனது போல், முடிவிற்கு வந்து விட்டது என்றே தோன்றுகிறது. கோல் ஏரியாவில் எத்தனை கால்கள் தடுக்க வந்தாலும் அவைகளைத் தாண்டி,பெளல் நடக்காமல் தப்பித்து பந்தை எடுத்துச் சென்ற ரொனால்டோவின் அழகான ஆட்டமும், ரொனால்டின்கோவின் வேகமும், கார்லோசின் வீச்சும் பார்த்து ஈர்க்கப்பட்ட எனக்கு இந்த ஆண்டு நேற்று நெய்மர் அடித்த கோல் மட்டும் ஆசுவாசமளித்தது.  ஆனால் அடுத்து வந்த குரோஷியாவின் கோல் இனி பெனல்ட்டி மட்டும் வெற்றியைத் தீர்மானிக்கும் என்ற போது நம்பிக்கை சரிந்தது; அதுவே நடந்தும் விட்டது.

மெண்டொஸ் புயல் கடுமையான காற்றோடு கடும் மழையையும் கொண்டு வந்ததா? என் சோகத்திற்கு விசிறிவிடுவது போல் இன்றைய போட்டி முடிந்தவுடன் மின்சாரத்தடை வந்தது. அடுத்து அர்ஜென்டினா ஆட்டம் பார்க்க திராணியும் இல்லை. படுத்தால் உடனே தூக்கம் வரவில்லை. ஏனோ இந்தியா ஹாக்கியில் வீழ்ந்தது போல் ப்ரேசில் கால்பந்தில் விழுந்து விட்டது என்ற நினைப்பே மனதிற்குள் சுற்றிச் சுற்றி வந்தது. அடுத்த போட்டியில் என்ன நடக்கப் போகிறது என்பது யாருக்குத்தான் தெரியும்?

*

1204. #வதந்தி #webseries #DHARUMIsPAGE

1203. FIFA '22

*

அர்ஜென்டினா – ஆஸ்திரேலியா     2 : 0

 

KO – KNOCK OUT துவங்கியாச்சு. ஆட்டம் இனி தெறிக்கணும். ஆனா இரவு 12.30 மணிக்கு அர்ஜென்டினா ஆடிய ஆட்டம் அத்தனை ரசனையாக இல்லை.  அர்ஜென்டினா ஆஸ்திரேலியாவுடன் மோதியது . ஆசிக்களின் ஆட்டமே வேகமாகவும் நன்றாகவும் இருந்தது. மெஸ்ஸி & கோ மைனஸ் ஆட்டம் ஆடி அநியாயமாகப் போரடித்தார்கள். எப்படியோ 2 கோல்கள் போட்டார்கள். முதல் கோல் மெஸ்ஸி. மெல்ல ஒரு பந்தைத் தட்டினார். நாலைந்து பேர் கால்களைக் கடந்து கோலானது. அதன் பின் அர்ஜென்டினா வேகம் கொஞ்சூண்டு கூடியது. ஆனால் ஆட்டம் என்னைப் பொறுத்தவரை ... செம சொதப்பல்.

 

நெதர்லாந்து  -   அமெரிக்கா    2 : 0

ஆனால் இந்த ஆட்டதிற்கு முன் இரவு 8.30 மணிக்கு அமெரிக்காவும், நெதர்லாந்தும் ஆடிய ஆட்டம் பார்க்க நன்றாக இருந்தது. இரு பக்கமும் பந்து அலைபாய்ந்தது. நெதர்லாந்தின் கை ஓங்கியிருந்தது; காலும் ஓங்கியிருந்தது என்பதை அது 2:0 என்ற கோல் கணக்கில் வென்றதை வைத்தே சொல்லி விடலாம்.

1202. FIFA '22

ஒரு வழியாக முதல் ரவுண்டு முடிந்தது. நாக் அவுட் ஆரம்பித்தாகி விட்டது. ஏதோ ஒரு வழியாக பிடித்த சில ஆட்டங்களைத் தேர்ந்து பார்த்தாகி விட்டது. இனி எல்லாவற்றையும் பார்க்க ஆசை. தேறும் வரை பார்க்கணும்.

இதுவரை ஆடியவர்களில் இருவரை மிகவும் பிடித்து விட்டது. அதைப் பற்றி சொல்ல வேண்டுமென்று தோன்றியது.

அதில் முதல்வர் ஜெர்மன் நாட்டு இளம் வீரன். 19 வயதுதான் ஆகிறது. மரடோனா ஆறு பேரிடம் பாலைக் “கடைந்து” போய் கோலடித்தார் என்பதை அடிக்கடி பார்த்திருக்கிறோம். அதுவும் ஏறக்குறைய பாதி கிரவுண்டில் ஆரம்பித்து கோலில் முடித்திருப்பார். ஆனால் இந்தச் சின்னப் பையன் கோவில் பெனல்டி ஏரியாவின் வலது பக்க மூலையில் இருந்து கோல்வரை தொடர்ந்து பல ஆட்டக்காரர்களின் கால்களை ஏமாற்றி பந்தை கோலுக்கு அருகில் கொண்டு வந்த ஆட்டத்தைப் பார்த்து அசந்து விட்டேன். யாரும் பெளல் செய்து காலை மிதிக்க உடாமல் தவ்வித் தவ்வி பந்தை அழகாகக் கடைந்து முன்னேறிய காட்சி அப்படியே மனதில் பதிந்து விட்டது. அழகான ஆட்டக்காரன். அடுத்த உலகக் கோப்பை ஆட்டத்திலும், அதற்கு முந்திய போட்டிகளிலும் நிச்சயமாக அசத்துவான். வாழி, பையா நீ!

அடுத்தது அர்ஜென்டினா குழுவில் wingerஆக ஒரு நெடிய உருவம் என்னை ஈர்த்தது. பெயர் டி மரியா. எனக்கு முன்பு பிடித்த பிரஞ்சு ஆட்டக்காரர்Thierry Henry-யை நினைவுக்குக் கொண்டு வந்தார். செம ஓட்டம். பார்த்த ஆட்டங்களில் மெஸ்ஸியை விட இவரையே எனக்குப் பிடித்தது.

1201. FIFA '22 ARGENTINA vs POLAND

* 

அந்தக் காலத்தில எல்லாம் ... டென்னிஸ், கால்பந்து போட்டிகள் நடக்கும்போது என்னையறியாமல் சத்தமாகக் கத்தி விடுவேன்; அல்லது பலமாக கையை, காலைத் தட்டிக் கொள்வேன். தூரத்திலிருந்து பாஸ் என்னன்னு கோவமா கேப்பாங்க. ஒண்ணுமில்லை... நல்லா டென்ஷனா இருந்துச்சுன்னு சொல்லிட்டு அசடு வழிவேன். ஆனால் இந்த தடவை இரண்டே இரண்டு தடவை மட்டும் அப்படி நடந்திச்சு.

ஸ்ருதி சரியா சேரலையோ? விளையாட்டுப் போட்டியே அப்படி சுருதி இறங்கிப் போனது மாதிரி தோணியிருச்சு. அவங்க விளையாட்டு முந்தி மாதிரி இல்லையா அல்லது நமக்கு வயசாகிப் போச்சே அதுனால நம்ம சுருதிதான் இறங்கிப் போச்சோன்னு ஒரு எண்ணம் வந்தது. அதே நேரத்தில் மதுர நண்பர் ஒருவரும் இதே மாதிரி சொன்னார். அவரும் sailing in the same ஓட்டை boat! Common factor பார்த்தா எங்க வயசுதான் காரணமாயிருக்கும். இருந்தாலும் பூமர் அங்கிள்கள் யாராவது இந்தத் தீர்ப்பை சரி அல்லது தப்புன்னு சொன்னா ரொம்ப நன்னியோடு இருப்பேன் / இருப்போம். Okay, Pri?

முந்தா நாளும் நடு ராத்திரியும் ஆட்டம் பார்க்க தேவுடு காமிச்சாச்சு. காலையில் என்னமோ சாமி வந்து இறங்கி, எழுப்பி விட, மகா ஆத்திரத்தோடு 5-8 மணி வரை எழுத்து வேலையை அப்படியே கடமை தவறாத கந்தசாமி  மாதிரி உக்காந்து எழுதியாச்சு. மத்தியானம் ஒரு தூக்கம் போட்டிருக்கலாம். மதிய போட்டியையும் தேவுடா என்று உட்கார்ந்து பார்த்தாச்சு. இப்படி இருந்தா நேற்று இரவு போட்டியை நடு ராத்திரி உக்காந்து மனுஷன் பார்க்க முடியுமா? நானும் மனுஷன் தான்னு என்னைப் போட்டுப் படுத்திய தூக்கம் நிருபித்து விட்டது.

ஆட்டத்தின் முதல் பாதியின் முதல் பாதி வரை தூக்கத்தோடு பார்த்தேன். பாத்துக்கிட்டு இருக்கும் போதே சாமி வந்து ஏறிடும். அப்புறம் டப்புன்னு அது இறங்கி முழிக்கும் போது டிவியைப் பார்த்தா அர்ஜென்டினா ஆட்கள் அம்புட்டு பேரும் போலந்து கோலைச் சுத்தி நின்னுக்கிட்டு இருப்பாங்க. அப்ப வந்திச்சு அர்ஜென்டினாவிற்கு ஒர் பெனல்டி. இந்த VAR ரொம்ப பொய் சொல்லுமோ? கோல் விழாம இருக்க கோல் கீப்பர் உயரமா தவ்வுறாரு ... சரி. அதே மாதிரி கோல் போட போன மெஸ்ஸி என்ற குட்டைக் கத்திரிக்காயும் தவ்வுறாரு. மோதிக்கிறாங்க .. இதில் என்ன foul? ஒரு நியாயம் வேணாமா? இந்த தகறாரில் நான் நன்றாக முழித்து விட்டேன்.. அதனால் விழித்தும் பார்த்தேன். எனக்கு பெனல்டி கொடுத்தது தப்பாகத் தோன்றியது. Anyway umpire’s discretion and judgment! என்ன பண்ண முடியும்?

நம்ம ஆளு மெஸ்ஸி கோல் அடிக்க வந்தார். ஏற்கெனவே முதல் போட்டி பெனல்டியில் கவுத்துட்டாரேன்னு நினச்சேன். அதே மாதிரி இந்தத் தடவையும் கவுந்து போச்சு. போலந்து கோல் கீப்பருக்குக் கை தட்டணும். அத்தனை வேகமாக வந்த பந்தை வெளியே தள்ளி விட்டுட்டார்.

இதில் எனக்கொரு சந்தேகம். பொதுவாக, பெரிய புள்ளிகள் பெனல்டி அடிக்கும் போது கோல் கீப்பர்கள் பந்தை எதிர்பார்த்து ஒரு பக்கம் சாய ஆரம்பிக்கும் போது அடுத்த பக்கம் பந்தை அடித்து விடுவார்கள். அந்த டெக்னிக் எப்படி என்பது எனக்குத் தெரியாது. “7” ரொனால்டோ போன தடவை அடித்த பெனல்டியில் அப்படித் தான் நடந்தது.  ஆனால் இந்த தடவை மெஸ்ஸி அடிக்கும் போது போலந்து கீல் கீப்பார் மிகச் சரியாக எதிர்பார்த்து பந்தைத் தட்டி விட்டுவிட்டார். பெனல்டியால் எனக்கு  ஒரு லாபம் ... தூக்கம் முற்றிலும் கலைந்து விட்டது.

ஆனால் இரண்டாம் பாகத்தில் அர்ஜென்டினா ஒரு கோல் போட்டாலும் போட்டார்கள். அதன்பிற்கு ஒரு மகா மோசமான “ஜவ்வு” ஆட்டம் ஆட ஆரம்பித்து விட்டார்கள். அதாவது மைதானத்தின் நடுக்கோட்டிற்கும்  போலந்து கோல் பெனல்டி ஏரியாவிற்கும் நடுவில் உள்ள இடத்தில் ஏறத்தாழ அனைத்து அர்ஜென்டினா ஆட்டக்காரர்களும் வந்து ஆணியடித்து நின்று விடுவார்கள். போலந்து ஆட்கள் பந்து எடுக்க வரும்போது இவர்கள் நால்வர் அல்லது மூவர் சேர்ந்து ... நாங்கெல்லாம் குரங்குப் பந்துன்னு அந்தக் காலத்துல விளையாடுவோமே ... அது மாதிரி மாத்தி மாத்தி பந்தை அடிச்சிக்கிட்டு இருப்பாங்க. நான் வேற தூங்கி ரொம்ப ஃப்ரெஷ்ஷா இருக்கிறேனா ... தாங்க முடியவில்லை. மனசுக்குள்ள நினச்சிக்கிட்டேன்... பைனல் போட்டியில ப்ரேசில் கூட இப்படி இவங்க இதே மாதிரி விளையாடினால் நான் எழுந்திருச்சி போயிருவேன். இத அவங்க கோச் லயனல் கிட்டேயும் சொல்லணும் போல இருந்திச்சு.

ஆனா ஒரு சந்தோஷம். என்னன்னா என்னை மாதிரியே இன்னொரு ஆளுக்கும் இதே கோபம் வந்திருக்கும் போல. அது யாரு தெரியுமா? நம்ம மெஸ்ஸி தான். இந்த மாதிரி அவங்க ஆளுக குரங்கு பங்கு விளையாடும் போது மெஸ்ஸி பக்கம் பந்து வந்ததும் அவர் பந்தை எடுத்துக்கிட்டு போலந்து ஆட்கள் கூட்டத்துக்கு நடுவில் பாய்ந்து பந்தை எடுத்துச் சென்றார். எனக்கு அதுனால மெஸ்ஸி மேல் இன்னும் அதிகமா லவ் வந்திருச்சு. நல்லா அடித்தார் .. கோல் விழாமல் போனது. ஆனால் 20, 22  சட்டை போட்ட ஆட்கள் ஆளுக்கொன்றாக இரண்டு கோல் போட்டு அர்ஜென்டினா வென்றது.

மெத்த மகிழ்ச்சி.

எனக்கு அர்ஜென்டினாவில் டி மரியான்னு ஒரு ஆளு...நெட்ட நெடுன்னு இருந்தார். அவர் ஆட்டம் எனக்குப் பிடித்தது. ஆனாலும் லயனல் ஏனோ அவரை முதல் பகுதியோடு வெளியே எடுத்து விட்டார்.  யாராவது லயோனலிடம் சொல்லிவிடுங்களேன் ....

 

 

 

 

 

 

 

 

 

*

1200. FIFA '22

*

ப்ரேசில்  -  செர்பியா

கட்டாயம் ப்ரேசில் பற்றியெழுதியாகணுமே ... நம்ம கட்சியை அதுவும், ஆரம்பத்திலேயே நாமளே கைவிட்டுறலாமா?

ஏற்கெனவெ அர்ஜெண்டினா, ஜெர்மனி கதை உலகறிந்து போச்சு. அதே நிலை ப்ரேசிலுக்கும் நீடிக்குமோ என்ற பயம் பலருக்கு; எதிர்பார்ப்பும் பலருக்கு இருந்தது. முதல் அரைமணி நேர ஆட்டம் போய்க்கொண்டிருக்கும் போது அந்த பயம் நிஜமாகிவிடுமோ என்று தான் எண்ண வேண்டியதிருந்தது. விளையாட்டு நன்றாகவே போய்க்கொண்டிருந்தது. ஆனால் கோல் எதுவும் விழவுமில்லை. அதோடு இரண்டு மூன்று முறை பந்து கோல் கம்பங்களில் பட்டுத் திரும்பியது. ஒரு கார்னர் ஷாட் நெய்மர் அடித்தார். அழகு. பந்து மேலெழுந்து வந்து மிகச் சரியாக கோல் போஸ்டின் நடுவில் கீழிறங்கியது. ஆனால் கோல் கீப்பர் தடுத்து விட்டார். இருப்பினும் மிக அழகான ஷாட்.

62 நிமிடம் என்று நினைக்கின்றேன். Richarlison முதல் கோலைப் போட்டார். ஆட்டம் இன்னும் வேகமெடுத்தது. அடுத்த பத்தாவது நிமிடத்தில் தன் இரண்டாவது கோலைப் போட்டார் Richarlison. இதுவே இன்று கால்பந்து உலகம் முழுவதும் வியந்து பாராட்டும் ஷாட். அது சைக்கிள் ஷாட் / ரிவர்ஸ் கிக் என்று பல பெயர்களில் வியந்தோதும் ஷாட். ஏறத்தாழ இதே மாதிரி ஒரு ஷாட்டை ரொம்ப ஆண்டுகளுக்கு முன்பு நடந்த ஓர் உலகப் போட்டியில் பார்த்த நினைவு. ஆண்டு, அடித்தவர் யார் என்பதெல்லாம் மறந்தே போச்சு. ப்ளாட்டினி என்று ஒரு பெயர் நினைவுக்கு வந்தது. ஆங்கிலேயரா, பிரஞ்சுக்காரரா ... தெரியவில்லை.

இந்த கோல் போட்டு சிறிது நேரத்தில் Richarlison திருப்பி வெளியே எடுக்கப்பட்டு விட்டார். பாவம் ...அவர் ஒரு “தொப்பித் தந்திரம்” ... அதாங்க hat trick செய்ய முயற்சித்திருக்கலாமே. சரி... ரெண்டு கோல் போட்டுட்டாரென்று அழைத்திருக்கலாம். அவரோடு நெய்மரையும் வெளியே எடுத்து விட்டார்கள். அவருக்குக் கரண்டைக் காலில் வீக்கம். அடுத்து எப்போது களம் இறங்குவாரோ தெரியவில்லை.

ப்ரேசில்  -  செர்பியா ...2:1

இரண்டாம் பகுதியில்  விறுவிறுப்பு 90% விழுக்காட்டிற்கு மேலே போனது.

 *

https://www.facebook.com/sam.george.946/posts/pfbid02bP82QahP9DoiHRh18ha3En9Lf1pdyV2XBuZaR9unqgy46DnMBXxgZVgW2zfMhKzrl

*

1200. FIFA '22

8

FIFA ’22

SPAIN  vs  COSTA RICA

போங்கப்பா இதெல்லாம் புல்லா கள்ள ஆட்டம்.  கேட்டா ஸ்பெயின் 7 கோல் போட்டுச்சும்பாங்க .. அதெல்லாம் ரொம்ப தப்புங்க. எதிராளிய விளையாட விட்டு கோல் போட்டா பரவாயில்லை. இங்க என்னடான்னா .. பந்து முழுவது ஸ்பெயின் ஆளுகட்ட தான் இருந்தது. ஒரு தடவை டிவி யில அண்டர் லைன் போட்டுச் சொல்லுவாங்களே அதில் 90:7 அப்டின்னு இருந்துச்சி. அதென்ன ஒர் டீம் 90% பந்தை வச்சிக்கிட்டு, அடுத்த ஆளுக்குப் பங்கு கொடுக்காமலேயே இப்படி ஒரு சைட் ஆட்டம் ஆடி, 7 கோல் போட்டா நியாயமா, நியாயமாரே?

SPAIN  vs  COSTA RICA   7 : 0

விறுவிறுப்பு ... விறுவிறுப்புன்னா... அதென்ன

 

 

போர்ச்சுகல்  -  கானா

ஒரு ஆளை நம்பி ஆட்டம் பார்க்க ஆரம்பித்தோம். அதுதானே உண்மை. அவருக்கு ஒரு பெனல்டி கிடைத்தது. கோல் போட்டார். அந்த பெனல்டி கொடுத்தது எனக்குச் சரியாகப் படவில்லை. ஆனால் அதற்கு முன்னால் ரொனால்டோ ஒரு கோல் போட்டார். அதை ஏன் disallow பண்ணினாங்கன்னு தெரியலை. எனக்குத் தெரிஞ்சு அது ஆஃப்சைட் இல்லை. சரி ... ஆட்டம் இரு பக்கமும் பந்து மாறிமாறிப் போச்சுது. போர்த்துகல் கை சிறிது ஓங்கி இருந்தது. ஆனால் கானா ஆட்டமும் ரொம்ப குறைச்சல் இல்லை.

எனக்கு எப்போதுமே இந்த பெனல்டி கோல் மேல் அதிக மரியாதை கிடையாது. ஆனால் அதுவும் கணக்கில் உண்டே. ஒரு கோல் வாங்கிய வெகுசில நிமிடங்களில் கானா ஒரு கோல் போட்டது. கலகலப்பாக இருந்தது. எனக்கும் கானா வீரர்களுக்கும் அத்தனை மகிழ்ச்சி. யாரும் எதிர்பார்க்காமல் கானா இரண்டாவது கோலையும் போட்டது.  மகிழ்ச்சி. ஆனால் அது அதிக நேரம் இல்லை. அடுத்து 78வது நிமிடத்தில் போர்த்துகல் தனது இரண்டாவது கோலைப் போட்டது. 2:2 என்ற கோல் கணக்கு. விளையாட்டின் வேகம் மிக அதிகமாக இருந்தது. இரண்டாவது கோல் போட்ட மூன்று நிமிடம் 20 வினாடிகளில் அடுத்த கோல் விழுந்தது கானாவிற்கு. கடைசிப் பத்து நிமிடங்களில் தீப்பொறி பறந்தது.

ஆக, போர்ச்சுகல்  -  கானா கோல் கணக்கு:  3:2

விறுவிறுப்பு: அதான் சொல்லி விட்டோமே ... 90%

*

1199.FIFA '22 DAY 3

*

DAY 3

ARGENTINA  - SAUDI ARABIA

அர்ஜெண்டினா 3:0 ஜெயிக்கும் என்ற நினைப்போடு பார்க்க ஆரம்பித்தேன்.

சிறிது நேரம் ஆட்டம் பார்த்து விட்டு சில நிமிடம் கழித்து 3:1 ஆகிவிடும்னு நினச்சேன்.

போற போக்கப் பார்த்தா ... அர்ஜென்டினா ஒரு கோல் போட்டுது. அதுவும் penalty goalதான். அதுவும் தேவையில்லாமல் கொடுத்தது மாதிரி இருந்தது. Experts சொன்னது மாதிரி, கால்பந்து விளையாட்டை கைப்பந்து விளையாட்டு மாதிரி, ஆளை இடிக்கக்கூடாது, தள்ளக் கூடாதுன்னு விளையாட முடியாதில்லையா? அந்த கோலை நம்மாளு மெஸ்ஸி போட்டுட்டாரா .. சரி, நம்ம கணக்குக்கு இன்னும் இரண்டு கோல் போடணுமேன்னு யோசிக்கும் போது செளதி அந்த இரண்டு கோலை தன் கணக்கில் போட்டு விட்டது.

எல்லாம் கூட்டி கழிச்சி பார்க்கும்போது கடைசியில் நம்ம போட்ட கணக்கெல்லாம் தப்பா போய் 1:2 என்ற கணக்கில் மெஸ்ஸி கட்சி தோத்துப் போச்சு. இது முதல் போட்டி தானேன்னு மனசுக்குள்ள நிறைய பேர் தங்களையே ஆறுதல் படுத்திக் கொண்டார்கள்.

செளதி அர்ஜென்டினாவுடன் போட்டி போட்டதால் இத்தனை நல்ல ஆட்டத்தைக் கொடுத்திருப்பார்கள் என்று தோன்றியது. ஆட்டம் வேகமாக இருந்தது.

விறுவிறுப்பு ... 85% (முதல் கோல் வாங்கும்வரை செளதி ஆடிய ஆட்டம் சுத்தமாக அதன் பிறகு  மாறியது; சீறினர்.)

 

மெக்சிகோ  -  போலந்து

அவரு பேரு என்ன லவ்டான்சிகோ...அந்த மாதிரி!! (Lewandowski) இவரு ஒரு பக்கம்; எதிர்த்தாற்போல் மெக்சிகோ (என்னைப் பொறுத்தவரையில் அது ஒரு பெரிய் டீம்) ஆனால் களத்தில இரண்டும் சம பலத்தோடு இருந்தன. அதனால் தானோ என்னவோ ஆட்டத்தில் பொறி பறந்தது. நான் பார்த்த வரையில் இரு அணிகளிலும் ஒரு குறை இருந்தது. லாங் பாஸ்கள் அதிகம் கொடுத்தார்கள். ஆனால் பல முறை இவர்கள் கொடுத்தால் அவர்கள் எடுப்பார்கள்; அவர்கள் கொடுத்தால் இவர்கள் பந்தை எடுப்பார்கள் என்பது போலவே மாறி மாறி நடந்தது.

சமமான ஆட்டம். அதில் ஒரு பெனல்ட்டி கிடைத்தது போலந்துக்கு. பந்தை அடித்தவர் லெவண்டாஸ்கி. ஆனால் பந்து தடுக்கப்பட்டது. Goal keeper Ochoa became the hero of the day.

இதற்குப் பிறகு டிவியில் வந்த காட்சிகளால், ப்ரேசில் 1986ல் காலிறுதிப் போட்டியில் தோல்வியுற்றதும் அன்று காண்பித்த காட்சிகள் மீண்டும் நினைவுக்கு வந்தன. இரண்டிலும் ஓர் ஒற்றுமை. கைத்தடி ஊன்றி வந்த ஒரு ப்ரேசில் பெரியவர் தன் கைத்தடி வளைவில் தன் நாடியை வைத்துக் கொண்டு கண்ணீரோடு உட்கார்ந்திருந்தார். நேற்று வயதான ஒரு பெரியவர் செளதி வெற்றி பெற்றதற்காக, கண்ணீரோடு அல்லாவுக்கு நன்றி சொல்லிக் கொண்டிருந்தார்.

இரண்டாவது கோலாக செளதி போட்டதும் வெற்றி உறுதியானது. டிவியில் செளதி மக்களின் ஆனந்த ஆட்டங்களைக் காண்பித்தார்கள் அதன்பின் தோற்றவர்களின் சோகத்தோற்றங்களைக் காண்பித்தார்கள்.

அதென்னவோ தோற்றவர்களின் வருத்தங்கள் மனதில் பதிந்து நின்று விடுகின்றன. அன்று ப்ரேசில் தோற்றதும் அந்தப் பெரியவர் வடித்த கண்ணீர் இன்னும் என் நினைவில் அப்படியே நின்று விட்டது.

ஆட்டம் 0: 0

 

ஆனால் விறுவிறுப்பு:  88%

*

1198. FIFA '22 -- DAY 2

*

DAY 2

ENGLAND   -   IRAN

இந்த விளையாட்டைப் பார்க்கும் போது தான் நமக்கு GENERAL KNOWLEDGE ரொம்ப கம்மிங்கிறது ஞாபகத்துக்கு வரும். ஈரான் கொடியைப் பார்த்தேன். நம்ம கொடியை அப்படியே உல்ட்டா பண்ணினது மாதிரி தெரிஞ்சிது. எந்தெந்த நாடு எங்கெங்க இருக்குங்குறது கூட தெரியாம இந்த உலகக் கோப்பையைப் பார்க்கிறது தப்பு தான். அப்பதான் இந்த நாடு இங்க இருக்கு... அது கொடி இப்படியிருக்கும் அப்டின்னெல்லாம் தெரிந்திருக்கும். நம்மளோ ஒரு பெரும் மக்கு. சரி ... விளையாட்டுக்கு வருவோம்.

இங்கிலாந்தில் Saka, Kane கேள்விப்பட்ட பெயர்கள். விளையாட்டு ஜவ்வாக நடந்து முடிந்தது. ரெண்டு டீமும் முழுவதும் டிபென்ஸிவ் விளையாட்டு. அதிலும் பந்து இங்கிலாந்து பக்கமே இருந்த்து. ஒரு தடவை 75% - 12% அப்டின்னு காமிச்சாங்க. முடிவு 6:2. இங்கிலாந்து அப்படி நல்லா விளையாடி 6 கோல் போட்டாங்கன்னு சொல்றத விட, ஈரான் ரொம்ப மோசமா விளையாடியதால் இங்கிலாந்து 6 கோல் போட்டாங்கன்னு சொல்லலாம். ஈரான் போட்டதுல்ல இரண்டாவது கோல் கடைசி வினாடியில் கிடைத்த பெனல்ட்டியில்.

விளையாட்டே ரொம்ப ஸ்லோவாக இருந்தது. நம்ம ஊர்ல மூக்கின் அழகைச் சொல்லும்போது நம்ம கதாசிரியர்கள் ஈரானிய மூக்கு  மாதிரி அழகான கூர்மையான மூக்குன்னு சொல்லுவாங்கல்லா ... ஈரான் கோல் கீப்பருக்கு அது இன்னும் கொஞ்சம் எக்ஸ்ட்ராவாக நீண்ட பெரிய மூக்கு. பாருங்க... அவரு பந்தைப் பிடிக்க எகிற, அவங்க ஆளும் ஒருத்தரும் அதுமாதிரி எகிற ..மண்டையும் மூக்கும் மோதிக்கிருச்சி. சில்லு மூக்கு பெயர்ந்து போய் .. ரத்தம் வந்து ... சிகிச்சை கொடுத்து... இதனால் முதல் பாதி முடிந்தும் 15 நிமிடம் எக்ஸ்ட்ரா டைமில் விளையாட்டு தொடர்ந்தது. விளையாட்டே போரடிச்சிதுன்னு இந்த மாதிரி எக்ஸ்ட்ரா டைம் ரெண்டு பாதிக்கும் ரொம்ப நேரம் கிடைச்சிது.

கோல்  6 : 2

நேற்றைய ஆட்டத்தில் இருந்த விறுவிறுப்பு இன்று சுத்தமாக இல்லை.

நேற்றைய விறுவிறுப்பு 55%

இன்றைய விறுவிறுப்பு 35%

இது தான் நம்ம ரிசல்ட்.

பிகு: ஒரு சரியான முட்டாள் இந்தியப் பயல் ஒருத்தன் சட்டையில்லாம, கையில ஒரு குச்சிய பிடிச்சிக்கிட்டு காந்தி மாதிரி வேஷம் போட்டு நின்னான். அந்தக் குச்சியில் ஒரு கொடி வேற பறந்தது ... இங்கிலீஷ் பய நாட்டுக் கொடி. நம்மளையும், நாட்டையும், காந்தியையும் கேவலப்படுத்தினான். இப்படியும் சில ஜென்மங்கள்

 

 

செனிகல் -  நெதர்லாண்ட்

விக்கியில செனிகல் எங்க இருக்குன்னு பார்த்துக்கிட்டேன். 17 million மக்கள் தானாம்! நம்ம இங்கிலாந்துக்கு அடிமை; அவுக பிரஞ்சுக்காரவுக கிட்ட மாட்டிக்கிட்ட ஆளுக.  Senegal is classified as a heavily indebted poor country, with a relatively low Human Development Index. .. ஆனா அங்க இருந்து விளையாட வந்திருக்காங்க .. Senegal is a secular state, as defined in its Constitution, although Islam is the predominant religion in the country, practiced by 97.2%.

நெதர்லாண்ட் பற்றிய கால்பந்து வரலாறு செனிகலை விட நன்றாக இருந்தது. ஆகவே நெத்ர்லேண்ட் வெற்றி பெறும் அப்டின்னு ஏற்கெனவே நம்ம சார்ட்ல டிக் போட்டிருந்தேன். (இதுவரை அப்படி போட்ட டிக்கு எல்லாமே ரைட்டு தான்!)  ஆனால் விளையாட ஆரம்பித்ததும் செனிகல் பிடிச்சிப் போச்சு.விளையாட்டில் பந்து அங்கும் இங்கும் மாறி மாறி சென்று கொண்டிருந்தது. யாரையும் குறை சொல்ல முடியாத விளையாட்டு. முந்திய விளையாட்டு மாதிரி போர் அடிக்காமல் நன்றாக சென்று கொண்டிருந்தது. ஒரு மாதிரி செனிகல் பேன் ஆகி விட்டேன். எப்படியும் ஒருகோல் போட்டு ஜெயிச்சிருவாங்கன்னு நினச்சேன். ஆனா கடைசி பத்து நிமிடத்தில் அடுத்தடுத்து இரண்டு கோல். 

அதிலும் இரண்டாவது கோல் ஒரு substitute போட்டது. கொஞ்சம் வயசான ஆளு மாதிரி தெரிஞ்சார். கோல் போடுறதுக்கு ஒரு நிமிஷத்துக்கு முந்தி ஒரு பயங்கர ஆக்ட் கொடுத்து ஒரு ஃப்ரி கிக் வாங்கினார். பொய் சொன்ன வாய்க்க்கு போசனம் கிடைக்காது அப்டிம்பாங்க .. இவரு பொய் சொல்லி ஒரு ஃப்ரிகிக்;  அடுத்த நிமிடம் ஒரு கோலும் அடிச்சாரு. இதுல் இருந்து  என்ன தெரியுதுன்னா ..........?

விறுவிறுப்பு  -- 70%

 

 

*

1197. FIFA - 22 DAY 1

FIFA -1 

QATAR (HOST)   Vs  ECUADOR

ஆயிரந்தான் சொன்னாலும் கத்தார்  host என்பதால் மட்டும் ஆட்டைக்குள்ள வந்த பசங்கதானே. அதுனால் எனக்கு அவங்க கிட்ட இருந்து பெரிய ஆட்டம் எதிர்பார்க்கவில்லை. அது மாதிரிதான் அவங்க ஆட்டமும் இருந்தது. ஆனாலும் இப்படியா 2 நிமிடம் 50 வினாடியில் ஒரு கோல் வாங்கும் என்றும் நினைக்கவில்லை.

ரெண்டு வருஷத்துக்கு மேலே ஜியோ பயன்படுத்திக் கொண்டு வர்ரேன். ஆனால் நேற்று மாதிரி மோசமா ஒரு நாளும் இருந்ததில்லை. பல குழப்பங்கள். போட்டியின் முதல் நாள்; முதல் ஆட்டம். 3 நிமிஷத்தில ஒரு கோலா அப்டின்னு நினச்சப்போ அப்படியே டிவி உறைந்து நின்னு போச்சு ... அங்க இங்க ஓடிப் பார்த்தேன். மறுபடி 6 நிமிஷம் ஆனப்பிறகு பார்த்தா ஆட்டம் தொடர்ந்தது. அங்க என்னடான்னா மொதல்ல ஒரு கோல் அப்டின்னு ஸ்கோர் போர்டில் தெரிந்தது. இப்போ பார்த்தா 0:0 என்று இருக்கு. பிறகு rewind போட்டப்போதான் தெரிஞ்சிது V.A.R.ல ஆப்சைட்  கொடுத்திருக்குன்னு. நாலஞ்சு இஞ்ச் இருக்கும். அதுக்காக பாவிப்பய மெசினு ஆப்சைட் கொடுத்திருக்கு.

முதல் பாதியில எனக்கு டிவி சானலோடு ஒரே தகராறு. அப்பப்போ frozen ஆகி நின்னுடும். அங்க இங்க ஓடுறதுன்னு சொன்னேனே ...வேற சானல் தெரியுதான்னு தேடினேன். அதுல இந்தி, பெங்காலி, இங்கிலிஷ், மலையாளம், தமிழ் .. அப்டின்னு போட்டு நாலஞ்சு சேனல் தெரிஞ்சிது. ஆனா எங்க போனாலும் இங்கிலீஷில் தான் பேசிக்கிட்டு இருந்தாங்க. எல்லாமே ஒரு ஸ்டார்ட்டிங் பிரச்சனையான்னு தெரியலை. ஆனா இரண்டாம் பாகம் வந்தப்போ டிவி நிக்காம ஓடிச்சி.

கத்தார் ஆளுக பத்தி யாருக்குத் தெரியும். ஆனால் ஈக்வேடரில் ரெண்டு பேர் கேள்விப்பட்ட பெயராக இருந்தன. ஒண்ணு வேலென்ஷியா ..இன்னொண்னு மென்டஸ். அதுல மொத ஆளுதான் ரெண்டு கோலையும் போட்டார். 13 நிமிஷத்தில் ஒரு கோல். பெனல்ட்டி. வேலென்ஷியா லேசாதா உதைச்சாரு. ஆனால் கோல் கீப்பரை நல்லா ஏமாத்திட்டாரு. கீப்பர் வலது பக்கம் பாய, இவரு பந்தை அடுத்த பக்கம் உருட்டி விட்டுட்டார். அடுத்த கோலையும் முதல் பாதியிலேயே அவரே போட்டுட்டார். மொதல் கோல் சரியா கோலாக இருந்திருந்தால் முதல் ஆட்டத்திலேயே ஒரு ஹாட் ட்ரிக் ஆகியிருந்திருக்கும்.

முதல் பாதியில் பந்து முழுவதும் ஈக்வேடர் காலில் தானிருந்தது. அதிலும் எதிராளிகளிடமிருந்து பந்தை வாங்கும் லாவகம் ஈக்வேடர்களிடம் மிகவும் நன்றாக இருந்தது. கத்தார் கொஞ்சம் முரட்டு ஆட்டம். நிறைய மஞ்சள் கார்ட் வாங்கினார்கள். முதல் பாதி முடியும் கடைசி வினாடியில் அழகான வாய்ப்பு ஒண்ணு கத்தாருக்கு வாய்ச்சிது. ஆனால் கோல் விழலை. அதே மாதிரி வேலன்ஷியா வெளியே போய் மாற்றாளாக ஒருவர் வந்தார். அவருக்கும் 80 நிமிடத்தில் நல்ல அழகான  வாய்ப்பு. ஆனால் கோல் விழவில்லை.

 

கத்தாரின் கோச் சான்ஷே பாவம் போல் அங்கங்கே உலாத்திக் கொண்டிருந்தார். முதல் மூன்று நிமிடக் கோலிலேயே அவரைப் பார்க்க பாவமாக இருந்தது. நம்ம ப்ளாக், முகநூல் இளவஞ்சி மாதிரியே இருந்தார்; தாடி மட்டும் சான்ஷேக்கு கொஞ்சூண்டு கம்மி. இளவஞ்சிக்கு  டோலீஸ் கிடைக்காமல் ஒரு அறைகலனில் படுத்துக் கொண்டு விட்டத்தைப் பார்த்துக் கொண்டு, மிக்சர் கொறித்துக் கொண்டே  ஏங்கிக்கொண்டிருந்தால் எப்படியிருக்கும்? அதே மாதிரிதான் சான்ஷே வானத்தைப் பார்த்துக் கொண்டு பாவம் போல் இருந்தார்.

ஆட்டம் விறுவிறுப்புதான். எதிர்பார்த்தது போல் முடிவும் இருந்தது.

தொடருவோம்

*

இன்னும் சில பல பின்குறிப்புகள்: 

மைதானத்தைச் சுற்றி விளம்பரம் வைப்பாங்கல்ல ... நேத்து ஆட்டத்தில ஒரு விளம்பரம் பார்த்தேன்:   IMPOSSIBLE IS NOTHING  அப்டின்னு போட்டிருந்துச்சு. எல்லோரும் NOTHING IS IMPOSSIBLE அப்டின்னுதானே சொல்லுவங்க. 

என்னன்னு பார்க்கணும் ...

***

எந்தெந்த விளையாட்டுக்காரங்க என்னென்ன சாமி கும்பிடுறாங்க ... அதுல் எந்த சாமி செயிக்குதுன்னு பார்க்கணும். நேத்து கத்தார் ஆளு பிரார்த்தனை பண்ணினார். கோல் விழுந்ததும் ஈக்வேடர் ஆளுக குருப்பா நின்னு மொத்தமா vote of thanks கொடுத்தாங்க.

இப்படி ஒரு statistics எடுத்துப் பார்த்தா எந்த சாமி பெருசு ... எது செயிக்கிற சாமின்னு தெரிஞ்சுக்கிட்டா நாளைக்கு நமக்கும் பயன்படும்லா .... என்ன சொல்லுதிய ...?

1196. பொன்னியின் செல்வன் & 19ம் நூற்றாண்டு

1196. PS 1 - பொன்னியின் செல்வன் 1

*

https://www.youtube.com/watch?v=V6E8S9SjhaE

*

1195. மதங்களும் சில விவாதங்களும் ...

https://www.facebook.com/M.Elangovan/posts/pfbid031NEYUsZAxbqXY5RL1jnfAtfpLjar3N7wqiLZspbq5J1S7waoG3rhd4ceMq5CzZEJl

Elangovan Muthiah

opsrnotSed3ah77t80701f0462hc756845ag867hahalch117m2u267iatag  · 

எங்கள் அப்பாவின் பிறந்த நாள் இன்று. உயிரோடு இருந்திருந்தால் இன்றோடு அவருக்கு 78 வயது நிறைவடைந்திருக்கும்.

அப்பா அவரது பள்ளிப்பருவத்தைக் கழித்தது ஆன்மிக நிலமான இராமேஸ்வரத்தில். “கடவுள் அப்படீங்கறதே மனுசன் உருவாக்குன ஒரு கான்செப்ட்தான்” இவை… மதம் குறித்த விவாதங்களின் போது எங்களுடைய அப்பா தவறாமல் சொல்லும் வார்த்தைகள்.

அக்னிதீர்த்தக் கடற்கரையில் நீத்தார் கடன் தீர்க்கும் சடங்குகளை செய்யும் புரோகிதர்களும், கோவில் முழுக்க விதவிதமான பெயர்களோடும், ஒவ்வொன்றுக்கும் ஒவ்வொரு புராணக் கதைகளோடும் நிறைந்து கிடக்கும் தீர்த்தத் தொட்டிகளில் நீராட வரும் வட இந்திய மக்களிடம், அவரவர் மொழியில் கதையளந்து காசு கறக்கும் உள்ளூர் கைடுகள் பற்றியும் எங்கள் அப்பா சொல்லிக் கதைகள் கேட்க வேண்டும். விலா நோகச் சிரிக்க வைப்பவை அவை. மேலும் “கொடிது, கொடிது இளமையில் வறுமை” என்பதையும் முழுமையாக அனுபவித்தவர் அப்பா. இளம் பருவத்தில் மற்றவர்களைப்போல காசு கிடைக்கிறதே என்று கோவிலில் கைடு வேலை பார்க்கப் போகாமல் படிப்பில் மட்டும் கவனம் செலுத்தியவர்.

அதனால்தானோ என்னவோ அவருக்கு இறை நம்பிக்கை என்பது சற்றும் இல்லாமல் போய்விட்டது போல. ஆனால் அக்காலத்தைச் சேர்ந்த பெரும்பாலான ஆண்களைப் போலவே அவரும் தனது கொள்கைகளை வீட்டில் யார்மீதும் திணித்ததில்லை. வீட்டுச் சடங்குகளில் கூட குடும்பத்தலைவராகக் கலந்து கொள்ளவே செய்தார்.

ஆனால், கோவில்களுக்குச் செல்லுதல், மூட நம்பிக்கைகள், பலியிடுதல் போன்ற சடங்குகள், வேண்டுதல்கள், வேண்டுதல் நிறைவேற்றங்கள், விரதங்கள், நல்ல நாள், கெட்ட நாள், ஜோதிடம், ஜாதகம் போன்ற எந்த ஒன்றிலிருந்தும் அவர் தன்னளவில் வெகுதூரம் விலகியே இருந்தார். அதே நேரம் இவை அனைத்திலும் நம்பிக்கை கொண்டிருந்த அம்மாவை அவர் கேள்வி கேட்டதுமில்லை, சண்டையிட்டதுமில்லை.

சின்ன வயதிலிருந்து இந்த இருவேறு துருவங்களுக்கிடையே வளர்ந்த நான், இறை நம்பிக்கை குறித்து பலவகையான குழப்பங்களுடனேயே வளர்ந்தேன். “எதையும் ஒருமுறை” என்கிற வினோத கிறுக்குத்தனமும் எனக்கு உண்டு. எனவே அதனடிப்படையில் என் முப்பது, முப்பத்தி ஐந்து வயதுக்குள் இறை நம்பிக்கை சார்ந்த, ஆன்மிகம் சார்ந்த பெரும்பாலான விஷயங்களில், சொல்லப்போனால் திருவண்ணாமலை கிரிவலம் முதல், ஈஷா யோகாவின் முதல் நிலை யோக வகுப்புகள் வரை ஒரு எட்டு, எட்டிப் பார்த்துவிட்டு வந்தவனும் கூட. ஆனால் எல்லாவற்றிலிருந்து பத்துப் பதினைந்து வருடங்களுக்கு முன்பு தலைதெறிக்க ஓடிவந்தவன், இப்போது திரும்பிப் பார்க்கும் போது அவற்றிலிருந்தெல்லாம் வெகுதூரம் நகர்ந்து வந்துவிட்டது தெரிகிறது.

உடலமைப்பிலும், உடல் மொழியிலும், சிந்திக்கும் முறையிலும் என் அப்பாவின் இன்னொரு போட்டோ காப்பியாக இருக்கும் என் மகன் இந்த இறைநம்பிக்கை, மதங்கள், சடங்குகள் குறித்தெல்லாம் அவனாகவே ஒரு சில கருத்துகளை வைத்திருக்கிறான். பெரும்பாலும் என் அப்பா இருந்தால் என்ன சொல்லுவாரோ அதே போன்ற கருத்துகள். அதே மென்மையான எதிர்க்கேள்விகள். இறை என்ற ஒன்று இருக்க முடியாது என்பதற்கான, அவனளவிலான இயல்பான வாதங்கள் கொண்டவன் அவன். இதைச் சொல்லும்போது நிறைய நண்பர்கள் “அவன் உங்களிடமிருந்து கற்றுக்கொண்டிருப்பான் அல்லது நீங்கள் உங்கள் கருத்துகளை அவன் மீது திணித்திருப்பீர்கள்” என்று சொல்லுவார்கள். அதில் உண்மையில்லை. உண்மையைச் சொல்வதானால் அவனுக்கு என்னைத் தவிர மற்ற அனைத்து நெருங்கிய உறவினர்களும் இறை நம்பிக்கை கொண்டவர்கள்தான். அதிலும் பல ‘சாமி கொண்டாடிகள்’ கூட உண்டு. நான் எதையும் எவர் மீதும் திணிப்பவனும் அல்ல, இங்கேயும் உண்மையைச் சொல்லவேண்டுமென்றால் இந்த விஷயத்தில் என் மீது திணிக்கப்படுபவற்றை மறுப்பதற்கே எனக்கு நேரம் போதவில்லை.

இந்த வருடம் நடந்த புத்தகத் திருவிழாவில் என் மகன் விருப்பப்பட்டு அவனுக்கு சுரேஷ் காத்தான் சார் வாங்கிக்கொடுத்தது “மதங்களும் சில விவாதங்களும்” என்கிற புத்தகம். தருமி என்ற பெயரில் அமெரிக்கன் கல்லூரி பேராசிரியர் சாம் ஜார்ஜ் அவர்கள் எழுதி, எதிர் வெளியீடாக வெளியாகியிருப்பது. இப்போது புத்தகத்தின் பாதி வரை படித்திருக்கிறான் போல.

இரண்டு நாட்களுக்கு முன்பு சாப்பாட்டு வேளையில் இந்தப் புத்தகம் குறித்து பேச்சு வந்தது. ”புத்தகம் எப்படி இருக்கிறது?” என்றேன்.

“ஹா ஹா, பாகுபாடு இல்லாம, யாரையும் விட்டு வைக்காம, எல்லாரையும் நல்லா கழுவிக்கழுவி ஊத்தியிருக்காரு” என்றான் சிரித்துக்கொண்டே.

நான் நாற்காலியில் நன்றாகச் சாய்ந்து உட்கார்ந்து கொண்டு என் மனைவியைப் பார்த்து விளையாட்டாக “சோழர் பரம்பரையில் இன்னொரு எம்எல்ஏ” என்றேன்.

“ம்க்கும்…. ” என்றொரு சத்தம் மட்டும் அங்கிருந்து வந்தது.

https://www.facebook.com/M.Elangovan/posts/pfbid031NEYUsZAxbqXY5RL1jnfAtfpLjar3N7wqiLZspbq5J1S7waoG3rhd4ceMq5CzZEJl
 Nattarasan, Prabhakar Annamalai and 6 others

2 Comments

Like

Comment

Share