993. F. I. F.A. 2018 ... 8

இறுதிப் போட்டி

15.7.2018

ப்ரான்ஸ்  vs  க்ரோஷியா

இறுதி நாள் விழா நடந்தது. ஏற்கெனவே விம்பிள்டன் டென்னிஸ் முடிந்து விட்டது. ஏற்கெனவே ..// இறுதியில் ரபா, செரினா ஜெயிச்சிருவாங்களா?
கால்பந்துல க்ரோஷியா  வெல்லுவாங்களா?// ... என்று என் முந்திய பதிவில் கேட்டிருந்தேன் மூன்றில் முதல் இரண்டு அவுட். கொஞ்சம் பயம் வந்திருச்சி... போட்டி ஆரம்பிப்பதற்கு முன்பே க்ரோஷியா பற்றிய பயம் வந்திருச்சி. மூணாவதும் புட்டுக்குமோன்னு பயம்! மூணும் புட்டுக்கிச்சி. ஆனாலும் இதில் ரபா தோற்றது மட்டும் தான் கொஞ்சம் சோகம். ஏனெனில் இரு சமமானவர்களுக்கு நடுவில் நடந்த போட்டி அது. யார் வேண்டுமானாலும் ஜெயிக்க முடியும் என்ற சம நிலை இருந்தது. ஆனால் செரினா ஓர் இளம் தாய்; கடினமான பிரசவம் முடிந்து சில மாதங்களில் போட்டியிடுகிறார். அவர் உடல் நிலை, வயது எல்லாம் வைத்துப் பார்க்கும் போது அரையிறுதி ஆட்டம் வரும் வரை விளையாடியதே மிக மிக பெருமைக்குரிய வெற்றிதான், இறுதி வரை வந்ததே பெருமைக்குரியது தானே.

இதே லாஜிக் க்ரோஷியாவிற்கும் பொருந்தும்.ப்ரான்ஸ் ஆறே கால் கோடி மக்கள் தொகை. பெரிய வளர்ந்துள்ள நாடு. வரலாற்றுப் பெருமை வாய்ந்த நாடு. எதிரணியின் க்ரோஷியாவின் மொத்த மக்கள் தொகையே 41.7 லட்சம் மக்கள் தான். (மதுரை 15.6 லட்சம்; சென்னை 71 லட்சம்) சென்னைக்கும் மதுரைக்கும் நடுவில் உள்ள எண்ணிக்கையில் மொத்த நாட்டின் மக்கள் தொகை. நினைத்துப் பார்க்கவே பயமாகவும், மிகுந்த ஆச்சரியமாகவும் உள்ளது, இத்தனூண்டு நாட்டிலிருந்து “உலக விளையாட்டான” கால்பந்து போட்டியின் இறுதிச் சுற்றுக்கு வந்ததே ஆச்சரியமல்லவா? க்ரோஷியா தோற்றாலும் அவர்களும் அரும் பெரும் வெற்றி பெற்றவர்களே!

நம் அன்பும் பாராட்டும் அந்த அணிக்கும் அதனைத் தந்த அந்த சின்ன நாட்டிற்கும். இதிலும் இன்னொரு விசித்திரம். வென்றது பிரான்ஸ் அணியாக இருக்கலாம். ஆனால் அதில் உள்ள வீர்ர்களில் பலர் ஆப்ரிக்க நாட்டுக்காரர்கள். இளம் இளைஞராக உலகிற்கு அறிமுகமாகியுள்ள - அவர் பெயரை எப்படி தமிழில் சொல்வது  -- BMappe - பேப்பே -ன்னு சொன்னால் நல்லாயில்லையே ! ப்ரான்ஸ் அணியையே ஆப்ரிக்க அணி என்று பல நாளிதழ்கள் “பாராட்டி” எழுதியிருந்தன.

போகிற போக்கில் பல வளர்ந்த நாட்டு கால்பந்து அணிகள் அதிக எண்ணிக்கையில் அயல் நாட்டு வீர்ர்களைக் “கடன்” வாங்கி, தங்கள் குடிமக்களாக்கி விளையாட அழைத்து வருகிறார்கள். இந்தச் செய்தியைத் தாங்கி ஒரு நாளிதழ் வந்திருந்தது. எனக்கு உடனே ஒரு ஐயம், இந்த ஜெர்மன்காரர்கள் கொஞ்சம் ”இனவெறி” அதிகமாக உள்ளவர்களாச்சே... அதனால் அந்த நாட்டில் அயல்நாட்டு imported வீர்ர்கள் குறைவாக இருப்பார்கள் என நினைத்து, அந்த நாட்டின் அணியில் உள்ள அயல்நாட்டு இறக்குமதிகள் எத்தனை என்று தேடிப்பார்த்தேன். ஆச்சரியம் .. 34% என்று இருந்தது. அங்கேயே அப்படியா? 

இதையெல்லாம் பார்க்கும் போது கால்பந்தின் அழகு தென் அமெரிக்க நாடுகள் என்றிருப்பது இல்லாமல் போய்விடுமோ என்று நினைத்தேன். ஐரோப்பிய நாடுகளே இப்படி கால்பந்திற்காக கால்பந்து வீர்ர்களை தங்கள் நாட்டோடு அவர்களை இணைத்துக் கொண்டால்... கால்பந்து விளையாட்டு உலகின் ஒரு ஓரத்திற்குப் போய் விடுமோ என்று தோன்றுகிறது. இப்போதே ஆசிய நாடுகள் அதிக அளவில் விளையாடி முன்னேறி வரவில்லை, ஜப்பான் அரைக்கால் இறுதிக்கு வந்ததே (கடைசி 16) ஆச்சரியாமான ஒன்றாக இருந்தது.

சரி .. இறுதிப் போட்டிக்கு வருவோம் 

...

இறுதிப் போட்டியில் பந்து என்னவோ க்ரோஷியாவிடமே அதிகமாக இருந்தது. 60% விழுக்காட்டிற்கு மேல் அவர்களிடமே பந்து இருந்தது. முன்பே ஒரு முறை எழுதியிருந்தேன். பந்து அதிகமாக வைத்திருக்கும் அணியிலிருந்து சில தடவை பந்து எதிரணியால் விரைவாக எடுத்துச் செல்லப்பட்டு ‘காலியாக’ இருக்கும் எதிர் அணிக்கு கோல் போடுவதுண்டு. இங்கு இன்னொரு சோகம் நடந்தது. 18ம் நிமிடத்தில் கிர்ஸ்மேன் அடித்த கார்னர் ஷாட்டை தன் தலையால் க்ரோசியாவின் மரியோ தட்டி விட அது அவர்கள் கோலுக்குள்ளே சென்று விட்டது. பெரும் அதிர்ச்சி தான். இருந்தும் இன்னும் 70 நிமிட விளையாட்டு மீதியிருக்கிறதே என்று தேற்றிக் கொண்டேன். 

ஆனால் அடுத்த பத்தாவது நிமிடத்திலேயே, 28வது நிமிடத்தில் க்ரோஷியாவின் அழகான  கோல் ஒன்று ப்ரான்ஸிற்கு விழுந்தது. கோல்கள்: 1 : 1. சம நிலை. ஆனால் அடுத்த பத்தாவது நிமிடம் - 38ம் நிமிடம் முதல் கோல் க்ரோஷியாவிற்குக் கிடைக்க காரணமாயிருந்த மரியோவின் கையில் கோல் போஸ்ட்டுக்கு அருகில் தற்செயலாக பந்து பட்டுவிட்டுப் போனது. ப்ரான்ஸ் அணி பெனல்ட்டி கேட்டது, நடுவர் VAR -VIDEO AIDED REFEREE- யைப் பார்க்க விரைந்தோடினார். பெனல்ட்டி அறிவிக்கப்பட்டு ... அதே கிர்ஸ்மேன் பந்து அடிக்க ... பந்து அவர் காலிலிருந்து விடுபடும் முன்னே க்ரோஷியா கோக் கீப்பர் ஒரு பக்கம் விழ, பந்து அடுத்த பக்கம் உருண்டு சென்று கோலானது.

முதல் பாதி முடிவில் க்ரோஷியா இரண்டு கோல் வாங்கியிருந்தது. ஒன்று தாங்களே போட்டுக் கொண்டது; இரண்டாவது பெனல்ட்டி மூலம் கோல். அதுவும் வீடியோ இல்லையென்னால் பெனல்ட்டி கிடைத்திருக்காது. ஏதோ ஓசியில் விழுந்த மாங்காய் போல் ப்ரான்ஸிற்கு இரு கோல்கள் ... சோகம் தான்.

இதிலும் முதல் பாதி வெகு வெகு விருவிருப்பாக நடந்து முடிந்தது. எப்போது பாதி நேரம் என்று கடிகாரம் பார்ப்பதற்குள் பாதி நேரம் வந்தது இம்முறையில்  இப்போது தான். இதில் இன்னொன்றும் நடந்தது. வழக்கமாக டென்னிஸ், கால்பந்து போட்டிகள் பார்க்கும் போது என்னையறியாமல் ’ஆய் .. ஊய்..’ என்று அவ்வப்போது உணர்ச்சிப் பெருக்கால் கத்துவதுண்டு. ஆனால் இந்த முறை வீட்டம்மா ரொம்ப கண்டிஷனாக கட்டளை ஒன்று போட்டு விட்டார்கள். அந்த மாதிரி எந்த சத்தமும் வரக்கூடாது என்று சொல்லியிருந்தார்கள். வீட்டம்மா அடுத்த டிவியில் பிக் பாஸ் பார்ப்பதற்கு எந்த disturbance இருக்க்க்கூடாது என்பதற்குத்தான் இந்த தடவை அப்படி ஒரு ஆணை ! ஏறத்தாழ இந்த முறை உலகக் கால்பந்து போட்டியில் சத்தம் போடாமல் தான் பார்த்திருந்தேன். ஆனால் இறுதிப் போட்டியில் நாலைந்து முறை கத்தி ... கொஞ்சம் வாங்கிக் கட்டிக் கொண்டேன். அதுவும் தலைவர் கமல் கலந்து கொள்ளும் நாளல்லவா ...! அன்னைக்கிப் போய் இப்படியெல்லாம் கத்தலாமா...?

இரண்டாம் பாதி. இன்னும் அதே விருவிருப்பு. பந்தும் அதிகமாக க்ரோஷியாவின் கால்களுக்குள் தான், ஆனால் 58ம் நிமிடம். போக்பாவின் அழகான கோல் ஒன்று க்ரோஷியாவிற்கு விழுந்தது. அதிலிருந்து அடுத்த பத்தாவது நிமிடம் பந்து திடீரென்று க்ரோஷியா அணிப் பக்கம் போக, பேப்பேவின் - மிக இளம் வயது; 19 தான்; 

உலகக் கோப்பையின் இறுதிப் போட்டியில் - கோல் ஒன்று மீண்டும் க்ரோஷியாவிற்கு விழுந்தது.

ஆட்டத்தின் வேகம் தணியவில்லை. ஒரு poetic justice  என்பார்களே அது மாதிரி க்ரோஷியா வாங்கிய முதல்  இரு கோல்களுக்குக் காரணமாக இருந்த மரியா மண்ட்ஸ்கிக் என்பவர் கோல்பக்கம் விரைந்தார். கோல் கீப்பர் பந்தை வைத்து தேவையில்லாமல் “விளையாடிக்” கொண்டிருந்தார். இதைப் பற்றி எற்கெனவே என் முந்திய பதிவுகளில்  எழுதியிருந்தேன். தேவையில்லாமல் கோல் கீப்பர்கள் பந்தைத் தாமதப்படுத்தி ரிஸ்க் எடுக்கிறார்கள் என்று எழுதியிருந்தேன். நிச்சயமாக கோல் கீப்பர்களை விட பார்வர்ட் விளையாட்டுக்காரர்கள் நன்றாக பந்தை dribble செய்வார்கள். பின் ஏன் இந்த கோல் கீப்பர்கள் இப்படி ரிஸ்க்கை ரஸ்க்காக மாற்றுகிறார்கள் என்ற எரிச்சல் எனக்கு. அந்த எரிச்சல் இன்று உண்மையானது. மரியோ வரும்போது கோல் கீப்பர் பந்தை பெரிதாக உருட்ட. கிடைத்த இடைவெளியில் மண்ட்ஸ்கிக்  கோலை எளிதாகப் போட்டு விட்டார். மீதி விளையாட்டின் விருவிருப்பு தொடர்ந்தாலும் ஆட்டம் முடிந்த்து 4;2 என்ற கணக்கில்.

இறுதி விசில் ஊதியது நாலைந்து பெரும் மழைத்துளிகள் விழுந்தன. இயற்கை க்ரோஷியாவிற்காக அழுகிறது போலும் என்று நினைத்துக் கொண்டேன். ஆனால் பரிசு கொடுக்க ஆரம்பித்த நேரத்தில் கடும் மழை. சரி... ப்ரான்ஸ் ஜெயிச்சதை இயற்கை கொண்டாடுகிறதுன்னு நினைத்துக் கொண்டேன். 

இரு விஷயங்களைச் சொல்லணும். ஒன்று க்ரோஷியாவின் கோச் never lost his cool.  so much composed unlike most of the other coaches.

அடுத்து ... க்ரோஷியா நாட்டு பிரசிடெண்ட். ஒரு லேடி. அழகான பெண். தன் நாட்டு வீர்ர்கள் அணிந்திருந்த விளையாட்டுச் சீருடையில் இருந்தார். கொட்டிய மழையில் வெகு சாதாரணமாக நனைந்து கொண்டிருந்தார். 

புட்டின், ப்ரான்ஸ் தலைவர்களுக்குக் குடை வந்தன. இவருக்கு வெகு தாமதமாக ஒரு குடை வந்து, அதுவும் இவரை விடத் தள்ளி இருந்தது. மழையோ வெயிலோ... அழகாக ஒவ்வொரு விளையாட்டு வீரரையும் அணைத்து அன்பாக சிரித்துக் கொண்டே பேசினார். அடுத்து வெற்றி பெற்ற ப்ரான்ஸ் வீர்ர்கள் வரும் போதுm அதே மாறாத சிரிப்பு ... அன்பு .. அணைப்பு.

தங்கச் சிலை - வெற்றிக் கோப்பை - வந்தது.. ப்ரான்ஸ் தலைவர் கோப்பையை முத்தமிட்டார். தோற்றிருந்தாலும் க்ரோஷியாவின் தலைவியும் முத்தமிட்டார். 

ப்ரான்ஸ் அதிபர் தோளில் கை போட்டு அணைத்துத் தன் அன்பை வெளிப்படுத்தினார்.

நல்ல நாடு .. நல்ல வீர்ர்கள் ... நல்ல தலைவி.

 

991. F. I. F. A. 2018 -- 7

*

 அரையிறுதி

 ப்ரான்ஸ் - பெல்ஜியம் = 2 : 1 

இங்கிலாந்து -- க்ரோஷியா 1 : 2 

 "காலங்கார்த்தால வெளியூர் போகணும் ... வண்டி ஓட்டணும். பேசாம சீக்கிரம் தூங்குங்க .. செமி ..கெமின்னு முழிச்சிக்கிட்டு இருக்க வேணாம்”. மேலிடத்து உத்தரவு ரொம்ப கண்டிப்போடு வந்தது. ரபா நாடல் கால் இறுதி விளையாட்டு கொஞ்சம் பார்த்தேன். கொஞ்ச நேரத்தில் க்ரோஷியா - இங்கிலாந்து அரையிறுதி போட்டி ஆரம்பமாகப் போகுது. பெரிய இடத்து உத்தரவு வந்தா என்ன தான் பண்ண முடியும். ஆனாலும் டென்னிஸ் & கால்பந்து ரெண்டு சானலையும் போட்டு வச்சிக்கிட்டேன். டிவிய ஆண் பண்ணினா ஒரு சானல்ல டென்னிஸ் ..இன்னொண்ணுல கால்பந்தாட்டம் ரெடி பண்ணிட்டு ரெடியாயிட்டேன்.

 கண்ணை மூடிப் படுத்தாச்சு. நம்ம தான் படுத்தால் உடனே ஆப் ஆயிருவோமே.. தூங்கியாச்சி. புதுசா திடீர்னு முழிப்பு வந்துச்சு. டிவிய ஆண் பண்ணினேன். கால்பந்து இன்னும் ஆரம்பிக்கலை. சரின்னு ஸ்வைப் பண்ணினேன். டென்னிஸ் .. ஆளுக்கொண்ணு செட் ஜெயிச்சிருத்தாங்க.. படுத்து கண்ணை மூடினேன். அடுத்து ஒரு மணி நேரம் தூங்கியிருப்பேன் போலும். அரை குறையாக முழிச்சிப் பார்த்தேன். டென்னிஸ் முடிஞ்சிருச்சி. கால்பந்து ஏதோ ஒரு சைட் ஒரு கோல் போட்டிருந்தது. மறுபடியும் தூங்கினேன்.

 அடுத்து முழித்துப் பார்த்தேன். டிவியில எல்லாம் முடிந்திருந்தது. ரிசல்ட் தெரியலை. கைப்பேசியில் கண்ணாடி போடாமல் தேடி எடுத்தேன். ரபா ஜெயிச்சிருந்தார். மகிழ்ச்சி.

கால்பந்து முடிவு பார்த்தேன். 2:1-ன்னு தெரிந்தது.சரி இங்கிலாந்து ஜெயிச்சிருக்கும்னு நினச்சி படுத்தாச்சு.

 காலையில எழுந்திருச்சு புறப்பட்டாச்சு. 120 கிலோ மீட்டர் பளஸ் 120 கிலோ மீட்டர் போய்ட்டு வந்த பிறகுதான் மறுபடி டிவிய திறக்க முடிஞ்சிது. அட .. க்ரோஷியா வெற்றி ... ரொம்ப மகிழ்ச்சி. சின்ன இத்தனூண்டு நாடு. இன்னைக்கி இங்கிலாந்தை ஜெயிச்சாச்சு.

அப்படியே கொஞ்சம் ரீவைண்ட் பண்ணினேன். இங்கிலாந்தும் இத்தனூண்டு சின்ன நாடு. ஆனா எத்தனை எத்தனை நாடுகளைக் காலனியாக்கி ... அடிமையாக்கி... உலகம் பூரா பரவி... தங்கள் மொழியையும் உலக மொழியாக்கி ... அதோட இன்னும் ஒண்ணும் தோணுச்சு. ஒரு வேளை அப்போ அவர்களது reproductive potential ரொம்ப அதிகமாக இருந்திருக்குமோன்னு நினச்சேன்,

மொதல்ல அமெரிக்கா போய் அங்கிருந்தவங்கள பெரும்பான்மையாக அழிச்சிட்டு, அவங்க ஆளுகளை வச்சி நிறச்சிட்டாங்க. .அடுத்து ஆஸ்த்ரேலியா. நியூசிலாந்து ... என்று பல இடங்களுக்குப் போய் புதியதாக தங்கள் வாரிசுகளை வைத்து நிரப்பி உட்டுட்டாங்க. ஏதோ .. நம்ம நாடு கொஞ்சம் பொழச்சிது. கொஞ்சூண்டு மக்களை மட்டும் அங்குமில்லாமல் இங்குமில்லாமல் ஆக்கிட்டு உட்டுட்டாங்க. பொழச்சோம்!

 இறுதியில் ரபா, செரினா ஜெயிச்சிருவாங்களா?

கால்பந்துல க்ரோஷியா  வெல்லுவாங்களா?

 பார்க்கணும் .....






 *

989. F.I.F.A. '18 -- 6

*

 1.7.2018

F.I.F.A. '18 

ரஷ்யா - ஸ்பெயின் 

ஒண்ணும் தேறாதுன்னு நினச்ச ரஷ்யா லீக் லெவல் தாண்டி வந்தாச்சு. பெரிய டீம் ஸ்பெயின் கூட மோதுதுன்னு நினச்சதும் சரி.. நாலஞ்சி இன்னைக்கி வாங்கிட்டு போகும்னு நினச்சிக்கிட்டு உட்கார்ந்தா ... நடந்தது வேறு.

பந்தும் ரஷ்யா பக்கமே அலைபாய்ந்து கொண்டு கிடந்தது. பதினோராவது நிமிடமே ஒரு கார்னர் ஷாட் ஸ்பெயினுக்குக் கிடைத்தது. தள்ளு முள்ளு ஆட்டம் ஆடினார் ரஷ்யாவின் இக்னேவிச். (இக்னேஷியஸ் .. என்ற பெயராக இருக்குமோ? சரி .. ஏதோ ஒரு witch!) வினை விதைத்தவன் கதையாகப் போய் விட்டது. ஸ்பெயின் முன் ஆட்டக்காரர் மேல் விழுந்து தடுக்கிறேன்னு மோதினாரா .. அப்போ அவர் காலில் பட்டு பந்து கோலுக்குள் சென்றது. சரியான witch தான் அவர்!

30வது நிமிடம் ஒரு கணக்கு சொன்னார்கள்: passes எண்ணிக்கை ஸ்பெயினுக்கு 250 என்றும் அதே எண்ணிக்கை ரஷ்யாவிற்கு வெறு 60 என்று சொன்னார்கள். வாழ்க்கையே இப்படித்தான் என்பது போல் திசை மாற்றங்கள் நடந்து முடிந்தது ஒரு பெரும் சோகம் தான்.

39வது நிமிடம். ரஷ்யாவின் ஆட்டக்காரர் கையில் பந்து பட்டு போனது. hand ball என்றார் நடுவர். ஆட்டக்காரர் நடுவரிடம் வாதாடினார்.கிடைத்தது ஒரு மஞ்சள் அட்டை. 40வது நிமிடம். ரஷ்யாவிற்கு பெனல்ட்டி கிடைத்தது. அடித்தது நம்ம witch தான். மனுஷன் ஓங்கி அடிச்சி... கோல் போட்டு செஞ்ச பாவத்திற்கு விமோசனம் எடுத்துக் கொண்டார். ஒரு poetic justice!

இரண்டாம் பாகம்.வேகமான விளையாட்டு தான். ஆனால் the very handsome Iniesta சரியாகவே விளையாட வாய்ப்பில்லை.ஆனால் இன்னொரு ஆட்டக்காரர் Pique நன்கு விளையாடினார். பந்து இரு பக்கங்களுக்கும் மாறி மாறிச் சென்றது. பார்வையாளர்களிடமிருந்து ரஷ்யாவிற்கு ஏகப்பட்ட வரவேற்பும், ஆதரவும்.

ஆட்டம் 1 : 1 என்று முடிந்தது.

அடுத்து சோகமான பெனல்ட்டி. முதல் கோலை இனியெஸ்டா போட்டார். ஸ்பெயினின் மூன்றாவது கோலை ரஷ்ய கோல் கீப்பர் ‘தடுத்தாட்கொண்டார்’! இன்னொரு பந்தை ஸ்பெயின்காரர் வெளியே அடிக்க 4 : 3 என்ற கணக்கில் ரஷ்யா வென்றது.

\




 * * * * *


அடுத்த ஆட்டம் க்ரோஷியா - டென்மார்க். பார்க்க முயற்சித்தேன். தூக்க தேவதை என்னக் கட்டிலுக்குக் கடத்திப் போய் விட்டாள்.




 * * * * *

 3.7.’18 

ஸ்வீடன் - ஸ்விட்சர்லாந்து 

களம் இறங்கிய இரு அணிகள் மாறி மாறி பந்தை புறம் மாற்றி போட்டியை விறுவிறுப்பாக்கின.. ஆனால் இரு அணிகளிலும் அந்த finishing touch இல்லாமல் போனது. இரு அணிகளுக்கும் அத்தனை அத்தனை வாய்ப்புகள், ஆனால் கோல் ஏதுமில்லாமல் ஆட்டம் தொடர்ந்தது. கிடைத்த நல்ல வாய்ப்புகள் பறி போகின. முட்டாள் தனமான ஷாட்கள் என்று தனியாக ஒரு கணக்கெடுக்கலாம் போலிருந்தது.

அதோடு இரு அணிகளுக்கும் ஆளுக்கொரு முறை hand ball ஆனது. ஓடிய நடுவரும் சரி, உட்கார்ந்திருந்த நடுவரும், சரி... இருவருமே கண்டுகொள்ளவில்லை.

இரண்டாம் பகுதியில் ஸ்வீடனின் வீர்ர் அடித்த பந்து கோலானது. தரத்தில் குறைந்திருந்தாலும் வெற்றியைப் பறித்துச் சென்றது.





 *

988. F I F A -- '18 - 5 PRE-QUARTER ..ARGENTINA vs FRANCE

*

  PRE-QUARTER I MATCH 

ARGENTINA  vs  FRANCE

3  :  4

இன்றைய  ஆட்டத்தைப் பார்க்க முடியாத சூழல். கடைசி கொஞ்சமாவது பார்த்து விடலாமென நினைத்து வீட்டுக்கு விரைந்தேன். “எல்லாம் முடிந்து விட்டிருந்தது”!

இதை விட சோகம். அடுத்த ஆட்டம் உருகுவே - போர்த்துகல். அதையும் பார்க்க முடியாது ... காலங்கார்த்தால எழுந்திருச்சி ஓட வேண்டியதிருக்கு !

 *

987. F I F A '18 -- 4 -- ARGENTINA vs NIGERIA

*

26.6.’18
இரவு  10:30  --  1:30

இன்றைக்கு அர்ஜென்டினா முழுமையாக நைஜீரியாவை வென்றால் தான் அடுத்த லீக் ஆட்டத்திற்குள் - 16 அணிகளில் ஒன்றாக - நுழைய முடியும் என்பதால் இந்த ஆட்டம் மிகுந்த எதிர்பார்ப்பைக் கூட்டியிருந்தது. Messi sparked now and then.

10 : 50

https://www.facebook.com/sam.george.946/posts/10214411453473414

Messi's goal to Nigeria. At 
14th mt.
Maradona happy.
நானும் happy.

*****

11:00

https://www.facebook.com/sam.george.946/posts/10214411530555341

Vertical bar ... a villain in Messi''s free kick. :(

*****

https://www.facebook.com/sam.george.946/posts/10214411696759496

A penalty goal to Argentina. Next mt same foul at Nigeria's goal. Not awarded..

*****

after 12 night


https://www.facebook.com/sam.george.946/posts/10214411837203007

Argentina's second goal!

*****

1 : 30

https://www.facebook.com/sam.george.946/posts/10214411871363861

Argentina gets in.

985. F I F A '18 ... 3

*

23.6.18

இரவு 10:30 - 2:00

ஸ்வீடன்  vs  ஜெர்மனி

இந்த நிமிடம் வரை மிகவும் பிடித்த விளையாட்டு அணி மெக்ஸிகோ. அதனிடம் முதல் சுற்றில் ஜெர்மனி தோற்றது. அடுத்த ஆட்டம் ஸ்வீடனோடு விளையாடியது. மிகவும் முக்கிய ஆட்டம்; இதில் தோற்றால் ஜெர்மனி வண்டியேற வேண்டியது தான் என்பதால் இரவாயிருந்தாலும் உட்கார்ந்து பார்க்க முடிவெடுத்தேன்.. ஆட்டம் சுறுசுறுப்பாக ஆரம்பித்தது.

32ம் நிமிடத்தில் ஸ்விடன் ஒரு கோல் போட்டது. அதற்கு ஒரிரு நிமிடங்களுக்கு முன்பே ஸ்வீடனுக்கு ஒரு பெனல்டி வாய்ப்பு கொடுக்கப்பட்டிருக்க வேண்டும். ஸ்வீடன் பந்தை வேகமாகக் கொண்டு வந்த வீர்ரை ஜெர்மன் கோல் கீப்பர் நேருக்கு நேர் மோதி விழவைத்து கோல் போடுவதைத் தடுத்துவிட்டார். நடுவர் மட்டுமல்ல ..VAR - video aided refree - நன்றாகவே தூங்கி விட்டார் போலும். 39வது நிமிடம் ஜெர்மன் ஆட்டக்காரருக்கு நல்லதொரு வாய்ப்பு. ஆனால் அடித்த பந்து மிக மிக மெல்ல ஊர்ந்து வெளியே நகர்ந்து போனது. பாதி ஆட்டம் வரை 1 : 0 என்ற நிலையிலேயே ஆட்டம் தொடர்ந்த்து.

அடுத்த பாதியின் 48வது நிமிடத்தில் ஜெர்மன் சமன் செய்தது.  அப்படியே போய் ஜெர்மன் தோற்று விடும் அல்லது சமன் மட்டும் செய்யும் என்று தான் நினைத்தேன். (ஏன் ஜெர்மன் தோற்க வேண்டுமென நினைத்தேன் என்று எனக்கே காரணம் தெரியவில்லை!)

81வது நிமிட்த்தில் இரண்டாவது மஞ்சள் அட்டை வாங்கி, அதனால் அது சிகப்பு அட்டையாக மாற ஒருவர் வெளியேறினார். இப்போது ஜெர்மன் பத்து ஆட்களோடு விளையாடியது. பந்து மாறி மாறி இருபுறமும் போய்க்கொண்டிருந்தது.

90 நிமிடத்தில் ஆட்டம் முடியாததால் மீண்டும் அதிகப்படியாகக் கொடுக்கப்பட்ட நேரத்தில் விளையாடினர். 92 நிமிட்த்தில் ஸ்வீடன் தப்பித்தது என்று சந்தோஷப்பட்டுக் கொண்டிருந்த நேரத்தில் 94வது நிமிட்த்தில் ஜெர்மனிக்கு ஒரு பெளல் ஷாட் கிடைத்தது. ஸ்வீடன் கோல் சதுரத்திற்கு வெளியில், பக்க வாட்டில் எல்லைக்கு வெகு அருகே இருந்து பந்தை அடிக்க ஜெர்மனிக்கு வாய்ப்பு கிடைத்தது. அணித் தலைவர் அடித்த அடி உயரமாகப் போய் வலையில் வலது மூலையில் நுழைந்து கோலானது. ஜெர்மன்: ஸ்வீடன் = 2 : 1

ஜெர்மனிக்கு உயிர் வந்தது. இன்னும் தொடர அதற்கான வாய்ப்புகள் உள்ளன.

*****

  *

984. FIFA 2018 ... 2

*

 ப்ரேசில் - கோஸ்டா ரிக்கா 

 பொறி பறந்தது. அதுவும் ஏறத்தாழ 90 நிமிடமும் பொறி பறந்தது.

 பையன் நெய்மர் full formக்கு வந்தாகி விட்டது என நினைக்கின்றேன். நெய்மர் - மார்செல்லோ (பரட்டைத் தலை) காம்பினேஷன் நன்கு வேலை செய்தது. பந்து முழுவதும் கோஸ்டா ரிக்கா பக்கம் தான் இருந்தது, பல முறை ப்ரேசில் அடித்த பந்துகளை கோஸ்டா ரிக்கா கோல் கீப்பர் அழகாக தடுத்துக் கொண்டிருந்தார். போட்டியே ப்ரேசில் டீமுக்கும் கோஸ்டா ரிக்கா கோல் கீப்பருக்கும் என்பது போல் தான் இருந்தது.

ஆனால் அவ்வப்போது கோஸ்டா ரிக்கா ப்ரேசில் பக்கம் பந்தை எடுத்துப் பறந்தார்கள், இது மாதிரி பல போட்டிகளில் பந்தே போகாமல் இருந்து திடீரென்று எதிர்ப்பக்கம் இருந்து கோல் அடித்து விட்டுப் போய்விடுவார்கள். அது மாதிரி ஏதாவது நடந்து விடுமோ என்ற அச்சமும் தொடர்ந்து இருந்தது. 

ஏறத்தாழ காலம் முடியும் நேரம். 86வது நிமிடத்தில் இரு கோஸ்டா ரிக்கா ஆட்கள் பெளல் வாங்குவதற்காக படுத்துக் கொண்டு “ஆட்டம்” காண்பித்துக் காலத்தைக் கடத்திக் கொண்டிருந்தார்கள். ஏற்கெனவே நெய்மர் மீது பெனல்டி ஏரியாவில் பெளல் கொடுத்து நடுவர் பெனல்டி கிக் கொடுத்து, VAR மூலம் மாற்றப்பட்டது. இப்போதோ நிமிடங்கள் ஓடிக்கொண்டிருந்தன.

ஏறத்தாழ ஓரிரு நிமிடங்கள் இருக்கும் போது ப்ரேசிலின் முதல் கோல் அழகாகப் போடப்பட்டது. 6 நிமிடம் ஆட்டம் நீடித்தது. அதிலும் முதல் நிமிடத்திலேயே நெய்மருக்குக் கொடுக்கப்பட்டு எளிதாகக் காலால் ஓடி வந்து தட்டி இரண்டாம் கோல் விழுந்தது.

 ப்ரேசில் கோச் ஓடி வந்த வேகத்தில் யாரும் பெளல் செய்யாமலேயே கீழே விழுந்து புரண்டு எழுந்தார். எனக்கும் அத்தனை மகிழ்ச்சி!

அர்ஜெண்டினா அடுத்த கட்டத்திற்கு வருமா?

பாவம் ... அர்ஜெண்டினா பய புள்ளைக!

குரோஷியாவுடன் விளையாடி 3 கோல் வாங்கித் தோற்று விட்டது. ஏற்கெனவே ஐஸ்லேந்தோடு விளையாடி ஆளாளுக்கு ஒரு கோல் போட்ட சமன் நிலைக்கு வீழ்ந்தது. இனி குழுவின் மற்ற அணிகளின் ஆட்டத்தின் வெற்றி தோல்விகள் மூலமாகத்தான் அர்ஜெண்டினாவின் தலைவிதி நிர்ணயிக்கப்படும், 

நைஜீரியாவும் ஐஸ்லேந்தும் விளையாடி நைஜீரியா 2 : ! கோல் கணக்கில் வென்று விட்டது. அர்ஜெண்டினாவிற்கு இன்னும் வழி இருப்பது போல் தெரிகிறது. பார்க்கலாம் ...

 *

983. FIFA 2018 ...1

ஆச்சு... நாலு வருஷம் முடிஞ்சி அடுத்த உலகக் கோப்பையும் வந்தாச்சு. 86ல் ஓசி டிவியில் பார்க்க ஆரம்பித்து .. . இன்னைக்கி 55 இன்ச் அகலத்தில் பார்க்கத் தொடர்ந்தாச்சு. 

முதல் தடவையாக உலகக் கோப்பையை 86ல் பார்க்கும் போது, விளையாட்டில் ரிப்பீட் வருமே அதைப் பார்க்கும் போது அன்று அத்தனை ஆச்சரியமாக இருந்தது. அதுவரை அப்படியெல்லாம் தொலக்காட்சியில் பார்த்ததே கிடையாதே.

14.6.2018 ஆட்டம் ரஷ்யாவில் ஆரம்பித்தது. அன்று சென்னை பயணம். திறப்பு விழா பார்க்க முடியாது போனது. ஆனால் முதல் ஆட்டமான ரஷ்யாவும். சவுதியும் மோதிய முதல் ஆட்டத்தை அடுத்த நாள் சென்னை போனதும் பார்த்தேன். ரஷ்யா நடத்தியதால்தான் அதற்கு விளையாடும் வாய்ப்பு கிடைத்தது என்றார்கள். ஒரு ஆட்டத்திலும் வெல்ல முடியாத அணி என்றார்கள். ஆனால் பசங்க கிளப்பி விட்டனர். 5:0 என்று அடுக்கடுக்காய் கோல் போட்டு சவுதியை வென்றார்கள். (சரி ... முதல் சுற்றில் தான் இப்படி என்றால் இரண்டாவது சுற்றிலும் அதே கிளப்பல் ஆட்டம் தான். எகிப்துவிற்கு  3 கோல்  போட்டு வென்றது. இரண்டே ஆட்டத்தில் மொத்தம் போட்ட கோல்கள் 8!!)

முதல் வாரம் .. முதல் சுற்று முடிஞ்சாச்சு.

இந்த தடவை ஜெர்மனி, ஸ்பெயின், ப்ரேசில், ப்ரான்ஸ் என்ற நாலு அணிகளுக்குள் ஒன்றுதான் வெல்லும் என்பது பரவலான கருத்து. ஆனால் நடந்து முடிந்த முதல் சுற்றில் என்னென்னமோ நடந்து கொண்டிருக்கிறது. ரஷ்யா, விருந்தாளி என்ற முறையில் மட்டுமே போட்டியில் கலந்து கொள்கிறது என்றார்கள். ஆனால் முதல் இரண்டு ஆட்டத்திலும் அமோக வெற்றி.  அடுத்து ஸ்பெயின் போர்த்துகல்லுடன் விளையாடி 3 : 3 என்று ட்ரா மட்டுமே செய்ய முடிந்தது. இந்த ஆட்டமே ரொனால்டோவின் ராஜ்ஜியம் தான். முதல் ஹேட் ட்ரிக். கோலுக்கு அருகிலேயே இரண்டு தப்பாட்ட்த் தண்டனை ஷாட்கள் கிடைத்தன. வளைந்து நெளிந்து அழகாக கோலாகின; நடுவில் ஒரு பெனல்ட்டி ஷாட்.

அடுத்து நம்ம ஆளுக ப்ரேசில் - நெய்மர் நம்ம பையன நினச்சி உட்கார்ந்தேன். சுவிட்சர்லாந்துடன் போட்டி. எனக்குக் கொஞ்சம் ஏமாற்றம் தான். பந்து காலுக்கு வந்ததும் பையன் சில வினாடிகள் தியானத்தில் மூழ்கி விடுவது போல் இருந்தது. பந்து வந்ததுமே கொஞ்சம் யோசிப்ப்பது போலிருந்தது.  ஆனாலும் பையன் பாவம் தான். எப்போதும் மூன்று அல்லது நான்கு ஆட்கள் அவரை அரண் கட்டி நிற்கிறார்கள். அது பத்தாது என்பது போல் ஓடும் போது சட்டையைப் பிடித்து இழுக்கவே எதிராளிகள் தயாராக இருக்கிறார்கள். மூன்று அல்லது நான்கு முறை சட்டை இழுக்கப்பட்டு கீழே தள்ளப்பட்டார். He did not have any space at all. பாவம். ஆனாலும் ரஷ்யா 5 கோல் போட்ட்தைப் பார்த்த பிறகு ப்ரேசிலும் நாலைந்து கோல் சுவிட்சர்லாந்திற்குப் போட்டு விடும் என்று நினைத்து உட்கார்ந்தேன். 1 : 1 என்ற கோல் கணக்கு ரொம்ப உதைக்குது. எல்லாமே short passes தான். ப்ரேசிலும், நெய்மரும் எதிர்பார்க்கும் அளவிற்கு வரமாட்டார்களோ என்ற அச்சம் வர ஆரம்பித்தது.

ஸ்பெயின், ப்ரேசில் இரண்டும் இப்படி என்றால் அடுத்து மிக அதிகமாக எதிர் பார்க்கப்படும் ஜெர்மனி மெக்சிகோவிடம் 0 :1 என்ற கணக்கில் தோற்றது என்பது அடுத்த அதிர்ச்சியாக இருந்தது. அதோடு இதுவரை பார்த்த அனைத்து ஆட்டங்களிலும் மெக்சிகோவின் ஆட்டம் தான் எனக்குப் பிடித்தது. passes எல்லாமே சரியாக இருந்தன.

இரண்டு அணி இப்படி போச்சேன்னு பார்த்தால் அர்ஜெண்டினா நிலை படு மோசமாகி விட்டது. ரஷ்யா சவுதிக்குப் போட்டது போல் நிறைய கோல்களை ஐஸ்லாந்திற்குப் போட்டு விடும்.... ரொனால்டோ ஹேட்ரிக் மாதிரி மெஸ்ஸி கோல் போடப்போகிறார் என்று உட்கார்ந்திருந்தால் கிடைத்த ஒரு பெனல்டி கிக்கை வெளியே அடித்து எல்லோரையும் அடித்து நொறுக்கி விட்டார் மெஸ்ஸி! ஐஸ்லந்தின் 7ம் நம்பர் ஆட்டக்காரர் மிக நன்றாக விளையாடினார். ஆனால் பாவம் அதிர்ஷ்டம் அவர் பக்கம் இல்லை போலும். பல முறை அவரது கோலடிக்கும் முயற்சி தப்பிப் போனது.1 : 1 என்ற கோல் கணக்கில் அர்ஜெண்டினா தப்பித்தது.