896. UEFA - EURO 2016 -- FINAL

*

 “The level of threats has never been so high as today in regard to the Islamic State and other jihadists,” says Jean-Charles Brisard, chairman of the Paris-based Center for the Analysis of Terrorism. “So the timing is a real challenge for everyone.” 


*


July 11, 2016 – இன்றைக்கு முழுசும் வெறும் தூக்கம் மட்டும் தான். நேற்று ராத்திரி மூணு மூணறை மணி வரை உட்கார்ந்து இந்த வயசில் ஈரோ இறுதிப் போட்டியை உக்காந்து பாத்துக்கிட்டே இருந்தா …. பகல்ல தூக்கமாத்தான் வந்துகிட்டு இருக்கும். நடுவில் தங்க்ஸிடமிருந்து சில பல இடிகள் …’இந்த வயசுக்கு இது தேவையா …?’

விளையாட்டிற்கு முன்பே தீவிரவாதிகளிடமிருந்து அச்சுறுத்தல் வந்த செய்தி எனக்குப் பின்னால் தான் தெரிந்தது. இப்படி ஓப்பனாக மிரட்டல் வந்தும் ஸ்டேடியம் முழுவதும் ஆள் நிரம்பியிருந்தது ஆச்சரியம் தான். பாவம் போனால் போகுதுன்னு விட்டு விட்டார்களோ?

ப்ரான்ஸ் அரையிறுதியில் luck played a major role அப்டின்னு தோன்றியது. முதல் பத்து நிமிடத்திலேயே பந்து முழுவதும் ஜெர்மனி வசமே இருந்தது. போற போக்கில ப்ரான்ஸ் ரெண்டு மூணாவது வாங்கிவிடும்னு நினச்சேன். ஆனால் முடிவு மாறி விட்டது.

நடுவில் ஒரு சின்னக் கோடு … luck அந்தப் பக்கமும் நிக்கலாம் …அல்லது இந்தப் பக்கமும் நிக்கலாம் அப்டின்ற பெரிய பிலாசபி உண்மையாகப் போச்சு.

நேற்றும் முதல்  பத்து நிமிட்த்திலேயே ஆட்டம் சூடு பிடிச்சது. பந்து முழுவதும் ப்ரான்ஸ்  வீரர்களின் காலில் தான்.
 9வது நிமிடம்: Greizmann – அவர் தான் ப்ரான்ஸின் ஹீரோ. அடிச்ச பந்து இருமுறை போர்ச்சுகல்லின் கோலைத் தொட்டுவிட்டுச் சென்றன.
 அடுத்த ஓரிரு நிமிடத்திலேயே ரொனால்டோவை foul செய்ததில் free kick கிடச்சிது. அந்த foul அப்படி ஒன்றும் பெரிய முரட்டுத் தனமான foul கிடையாது என்றே தோன்றியது. சின்ன மோதல். கால்பந்தில் இது சாதாரணம் தான். ஆனால் அடி பட்டு விட்டது போலும்.  முதலுதவி கிடைத்ததும் அடுத்து ஒரு 10 நிமிடம் விளையாடி விட்டு பின் முழங்காலைப் பிடித்துக் கொண்டார். ஸ்டெச்சரில்  வெளியேறினார்.







நான் ரொனால்டோவாக இருந்தால் ஒரு வேளை நானில்லாமல் என் டீம் ஜெயிக்கக்கூடாதுன்னு நினைப்பேனான்னு ஒரு சுய ஆய்வும் மண்டைக்குள் அப்போது ஓடியது. .



மனசுக்குள் இவர் போய்ட்டா போர்ச்சுகல் அவுட்டு தானோன்னும் தோன்றியது. அதுவும் பந்து இருப்பது முழுவதும் ப்ரான்ஸில் கால்களில் தான். சூடாகவே ஆட்டம் நடந்து கொண்டிருந்தது.





 65வது நிமிடம் … Greizmann அடித்த பந்து … நான் கோல் என்றே நினைத்தேன். ஆனால் அது கோலல்ல.
 மணி சரியாக இரவு இரண்டு மணி. அடுத்த ஆறாவது நிமிட்த்தில் ஒரு கார்னர் ஷாட் – ப்ரான்ஸிற்கு. Greizmann அடித்தது. இதுவும் கோல் என்பது போல் தோன்றி .. இல்லாமல் ஆனது. So near ...yet so far!

சான்ஸ்கள் ப்ரான்ஸ் பக்கம் நிறைய. தொடர்ந்து வந்தன. ஆனால் கோல் ஏதும் விழவில்லை.

 73வது நிமிடம். என் மனசுக்குள் ஒரு பட்சி சொன்னது: போற போக்கைப் பார்த்தால் நிச்சயம் ப்ரான்ஸ் கோல் வாங்கப் போகிறது. 

 74 நிமிடம் .. அடுத்த சான்ஸ்.
79 நிமிடம் .. 83 நிமிடம் இன்னும் இரண்டிரு வாய்ப்புகள். கோல் ஏதுமில்லை. 90வது நிமிடம் .. விசிலுக்கு இரு நிமிடங்கள் முன்பு .. போர்ச்சுகல்லின் மரியோ அடித்த அடி கோல் போஸ்ட்டின் - horizontal bar – பட்டு தெறித்துப் போனது.

 முழு நேரவிளையாட்டு முடிந்த பின் அரை மணி நேர விளையாட்டு ஆரம்பித்தது. இப்போது தான் பந்து இரு முனைகளுக்கும் மாறி மாறிச் சென்றன. மேலும் சூடு.
 94 வது நிமிடம் – போர்ச்சுகல் கோல் விழுந்தது என்று நினைத்தேன். அது ஒரு off side ஆனது.
 103 வது நிமிடம் – கார்னர் ஷாட். போர்ச்சுகல் அடித்து ப்ரான்ஸ் கோல் விழுந்து விட்டது என்றே நினைத்தேன். விளாயாடிய வீரர்களில் மோசமாக விளையாடியது ப்ரான்ஸின் கோல் கீப்பர் என்று தான் எனக்குத் தோன்றியது. 

சைட் பெஞ்சில் ப்ரான்ஸ் கோச் இரு கைகளில் தலையைப் புதைத்து, தலையைக் கவிழ்ந்து உட்கார்ந்திருந்தார்.

107 வது நிமிடம். போர்ச்சுகல்லிற்கு ஒரு foul க்காக ஒரு free kick கிடைத்த்து. பந்து சரியாக vertical bar பட்டுப் போனது.

அப்போது மனசுக்குள் வந்த வாக்கியம் – “அட .. போங்க பாஸ்”!

108 போர்ச்சுகல்லின் எடர் அடித்து … ப்ரான்ஸிற்கு கோல் விழுந்தது.

மனதிற்குள் தோன்றியது – அப்பாடா … ! ஏன்னா… ப்ரான்ஸ் தோற்க வேண்டுமென்றெல்லாம் நினைக்கவில்லை. சொல்லப் போனால் மனசு ப்ரான்ஸிற்காகத்தான் அடித்துக் கொண்டிருந்தது. ஆனால் … டென்ஷன் தாங்க முடியவில்லை. இதய நோய்க்காரர்கள் பார்க்கத் தகுந்த ஆட்டமல்ல நேற்று நடந்தது. முதலில் ப்ரான்ஸ் ஜெயிக்கும் என்பது போல் இருந்தது. பின்பு இறுதியில் மாறி மாறி வந்தது. 120 நிமிடமும் ஏறத்தாழ ஒவ்வொரு நிமிடமும் டென்ஷனோடு தான் ஆட்டம் நடந்தது.

அதோடு பெனல்டி அடித்து வெற்றி தோல்வி என்று மதிப்பிடுவது வழக்கமாக எனக்கு நிறைய ஏமாற்றமாக இருக்கும். அந்த நிலைக்குச் செல்லாமல் ஆடியே வெற்றி தோல்வி என்றானது கொஞ்சம் திருப்தி தான். போர்ச்சுகல்லின் நானா விளையாட்டு எனக்குப் பிடிக்கும். ஆனால் நேற்று அவரது ஆட்டம் கவரவில்லை.



***

நண்பர் வேகநரி: போர்ச்சுக்கல் ரொனால்டோவின் செயல்கள் நாடகதனமானவை என்று என்னுடன் போட்டி பார்த்த ஜரோப்பிய நண்பர்கள் சிலர் சொன்னார்கள் (குற்றம்சாட்டினார்கள்). நானும் அதை ஏற்றுக் கொள்கிறேன். அதை பற்றி நீங்க என்ன நினைச்சீங்க என்பதை தெரிஞ்சு கொள்வதில் எனக்கு ஆவல். வசதிபடும் போடு தெரிவியுங்கோ.

ஒரே ஒரு இடத்தில் எனக்கும் இந்த சந்தேகம் வந்தது. ஆட்டத்தில் நடுவிலும், ப்ரேக் சமயங்களிலும் விளையாட்டு வீரர்களைத் தட்டிக் கொடுப்பதும், தொடர்ந்து அவர்களுக்கு பெப் கொடுப்பதும் கொஞ்சம் அதிகமாகத் தோன்றியது.

அதோடு விளையாட்டு முடிந்த பின் காலில் knee cap போட்டுக் கொண்டு நடந்து கொண்டிருந்தார். நடுவில் சில steps சாதாரணமாகப் போட்டுக் கொண்டு, திடீரென்று நினைவுக்கு வந்தது போல் சிறிது நொண்டியது போல் எனக்குத் தோன்றியது.

ஆனால் அடிபட்டு விழுந்ததும் அவர் கண்களில் வந்த கண்ணீர் உண்மையாகத்தானிருக்க வேண்டும். டாப் ப்ளேயராக இருந்து கொண்டு இறுதிப் போட்டியில் விளையாட முடியாமல் போனால் … நிச்சயம் பெரும் வருத்தம் தான்


விளையாட்டு முடிந்ததும் நானேஒரு சுய பரிசோதனை செய்து கொண்டேன். இவ்வளவு த்ரில்லான, டென்ஷனான விளையாட்டை இவ்வளவு நேறம் உட்கார்ந்து பார்ப்பது கொஞ்சம் அதிகம் தானோ …? அதுவும் நடுவில் ஓரிரு இடத்தில் சிறிது எமோஷனலாகி நான் போட்ட ‘சின்ன’ சத்தம் தூங்கிக் கொண்டிருந்த  தங்க்ஸ் காது வரை போய் காலையில் அதற்கும் கொஞ்சம் ‘தூபம்” காட்டப்பட்டேன்.

*

776. இதற்கெல்லாம் காரணம் கோட்சே மட்டும் தானா .....!?

*


 ஆட்டம் ஆரம்பிப்பதற்கு முன் சில நிகழ்வுகள். அப்படியொன்றும் பெரிதாகவோ, ரசிக்கும் படியோ இல்லை. நிகழ்ச்சி நடக்க மைதானம் முழுமையும் பிளாஸ்டிக் விரித்திருந்தார்கள். அதில் ப்ரேசிலின் தேசியக் கொடியின் படம் இருந்தது. இப்படி நமது கொடியைக் காலுக்குள் போட்டு மிதிக்கலாமா .. இல்லை ... ரோஜா படத்து கதாநாயகன் மாதிரி கீழே விழுந்து, புரண்டு அதைக் காப்பாற்றணுமா என்று எனக்குத் தெரியாமல் விழி பிதுங்கி அந்த நிகழ்வுகளை சோக சோலோ வயலின் இசையை BM-ல் கேட்டுக்கொண்டே பார்த்துக் கொண்டிருந்தேன். பாடினார்கள் (என்னமோ பாடினார்கள்); ஆடினார்கள் (என்னமோ ஆடினார்கள்).

 ஆட்டம் ஆரம்பமானது. சும்மா சொல்லக்கூடாது. ஒவ்வொரு வினாடியும் இரு அணிகளும் நம்மைக் கட்டிப் போட்டு வைத்தன. பந்து இரு முனைகளுக்கும் மாறி மாறிச் சென்றது. இரு பக்கமும் defense நன்றாகவே இருந்தன. எதிரணிகள் எதிர்ப் பக்கம் நெருங்கிச் சென்று விடுவர். ஆனால் அந்த கடைசி ஷாட் ... அது மட்டும் இரு அணிக்கும் சிறிது சிறிதே தவறியது. 30வது நிமிடத்தில் ஜெர்மானிய வீரர் Schürrle போட்ட பந்து அர்ஜென்டினாவின் கோலுக்குள் சென்றது. ஆனால் லைன் நடுவர் off side என்று பிகில் ஊதி விட்டார். அடுத்து 39வது நிமிடம்  மெஸ்ஸி அழகாக பந்தை எடுத்துச் சென்றார். கடைசி ஷாட் மட்டும் பாக்கி; ஆனால் அவர் அதை வெளியில் அடித்து விட்டார்.

46வது நிமிடம் extra time-ல் ஜெர்மனிக்கு ஒரு corner shot.அடுத்து உடனேயே அர்ஜென்டினாவிற்கு ஒரு corner shot. பந்து கம்பத்தில் பட்டு மோதித் திரும்பியது.

இடைவேளை முடிந்ததும் ப்ரேசில் இருக்கும் பெரிய ஏசுவின் சிலையைக் காண்பித்தார்கள். சிலைக்குப் பின்னால் பெரிய கோளமாக சூரியனின் பெரும் பிம்பம். பார்க்க அழகாக இருந்தது. அப்போதும் பந்து அங்கும் இங்கும் என்று போய்க்கொண்டிருந்தது. எந்த நேரத்தில் எப்போது, எப்படி கவல் எங்கு விழும் என்பதே தெரியாமல் போட்டி போய்க் கொண்டிருந்தது. அப்போது வர்ணனையாளர் ஏசுவின் சிலையின் காட்சியைக் காண்பிக்கும் போது யாருக்கு கவல் விழுமோ என்று சொல்லி, GOD ONLY KNOWS என்றார். 

அப்போது என் mind voice: 

கடவுள் ரொம்ப பாவம் ... அவருக்கு எப்போதோ இந்தப் போட்டியின் முடிவு தெரிந்திருக்கும். இருந்தும் முதலிலிருந்து இந்த ஆட்டத்தையும் அவர் பார்த்துக் கொண்டிருக்க வேண்டியதிருக்குமே. விளையாட்டு முடிவு தெரிந்த பிறகும் அவர் விளையாட்டைப் பார்த்துக் கொண்டிருந்தால் எம்புட்டு போர் அடிக்கும். உண்மையிலேயே கடவுளின் வாழ்க்கை ரொம்ப போராகத்தானிருக்கும். முற்றும் தெரிந்திருந்து ... முக்காலமும் உணர்ந்திருந்து அதன் பின்னும் எல்லாவற்றையும் அங்கிருந்து பார்த்துக் கொண்டு .... பாவம் தான் கடவுள்(கள்)!

இந்த ஆட்டமும் பெனல்ட்டிக்குப் போய்விடக் கூடாது என்று எண்ணினேன். அதன் மூலம் பெறும்  வெற்றி முழு வெற்றியாக எனக்குத் தெரிவதில்லை. இரண்டாம் பகுதியில் மஞ்சள் அட்டை அதிகமாக வெளி வந்தது. 70வது நிமிடம் அர்ஜென்டினா கவல் பக்கம் பந்து. அடுத்த 77 வது நிமிடத்தில் மெஸ்ஸி பந்தை ஜெர்மன் பக்கம் கொண்டு சென்றார். முடிவு ஏதும் வந்து விடவில்லை.ஜெர்மன் அணியின் தீவிரமும் முனைப்பும் நன்கிருந்தது. Team work முழுவதுமாக இருந்தது. 82ம் நிமிடம் கவல் விழுந்து விடுமென நினைத்தேன். Kroos வேகமாக வந்த  பந்ந்தை அழகாக தடுத்து அடித்தார். கவல் தடுப்புகளை ஒட்டி வெளியே சென்றது. 

EXTRA TIME: 

இதில் முதல் நிமிடத்திலேயே பந்து அர்ஜென்டினாவின் கவலுக்கு அருகில் இருந்தது. அவர்களின் அழகான தடுப்பாட்டத்தால் பிழைத்தது. ஆனல் அடுத்த மூன்றாவது நிமிடத்திலும் 7வது நிமிடத்திலும்  ஜெர்மன் கவல் ஆபத்தில் இருந்து மீண்டது. 18வது நிமிடத்தில் எல்லோரும் கவல் என்ற சந்தோஷத்தில் கத்திக் கொண்டிருக்கும் போது அர்ஜென்டினாவின் கவலுக்கு மேல் பந்து சென்றது.  . 

இரண்டாம் பகுதி ஆட்டம். 19வது நிமிடம். substituteஆக இறங்கிய கோட்ஸே - GOTZE!!! - தட்டிய பந்து அர்ஜென்டினாவிற்கு தோல்வியைக் கொடுத்தது. 

கோட்ஸே

116வது நிமிடத்தில் மெஸ்ஸி தலையால் முட்டிய பந்து வெளியே போனது. அடுத்து இறுதியாக 119வது நிமிடம். அர்ஜென்டினா கவலுக்கு சற்றே வெளியே ஒரு free kick  கிடைத்தது. மெஸ்ஸி பந்தை அடிக்கத் தயாரானார். இறுதி நிமிடம். அப்போதும் வெற்றி தோல்வியை அது மாற்றக் கூடிய பந்து. ஒருவேளை மெஸ்ஸி ஒழுங்காக அடித்து அவர்களது அணியின் நிச்சயமான தோல்வியை முழுவதுமாக மாற்ற முடியும் என்ற நிலைமை. மெஸ்ஸியின் பதற்றம் அவரது உடல் மொழியில் நன்கு தெரிந்தது. பந்தை அடித்தார். பெருத்த ஏமாற்றம். கவலுக்கு மிக உயரத்தில் பந்த் பறந்து பார்வையாளர்களின் பகுதிக்குப் போனது. பெரிய ஆட்டக்காரராய் இருந்தால் என்ன ... மனிதனின் நிறைவு நேரப் பகுதியில் ஏற்படும் பதட்டம். 

ஜெர்மன் நான்காவது முறையாக வென்றது .....

*

உலகக் கோப்பை வெற்றியாளர்களுக்குச் செல்வதற்கு முன் வேறு இரு பரிசுகள் வழங்கப்பட்டன.

ஜெர்மன் கவல் காப்பாளருக்கு GOLDEN GLOVE என்ற பரிசு NEUER-க்கும், GOLDEN BALL என்ற சிறந்த ஆட்டக்காரருக்கான பரிசு மெஸ்ஸிக்கும் அளிக்கப்பட்டது. சுரத்தே இல்லாமல் அப்பரிசை அவர் பெற்றுச் சென்றார். 

எனக்கென்னவோ இப்பரிசு கொலம்பியாவின் வீர்ர் James Rodríguez-க்குக் கொடுத்திருக்க வேண்டுமென நினைத்தேன். ஐந்தே ஆட்டங்கள் ஆடி, எல்லா வீர்ர்களையும் விட அதிகமாக 6 கோல் போட்ட இவரே சரியான வீரர் என்று எனக்குத் தோன்றியது.  ஆனாலும் சிறந்த விளையாட்டுக்காரர் என்ற பட்டம் இல்லாவிட்டாலும் அதிக கவல்கள் போட்டதால் GOLDEN SHOE இவருக்கு கிடைத்தது.

*

நம் வரலாற்றில் கோட்ஸே நமக்கு ஒரு வில்லனாக முளைத்தான். அரசியலிலும், வரலாற்றிலும் முக்கிய இடம் பெற்றான். 

substituteஆக இறங்கிய கோட்ஸே அர்ஜென்டினாவிற்கு வில்லனாகி, ஜெர்மனுக்கு வெற்றியை வாங்கிக்கொடுத்தார். ஆனாலும் ஒரு சந்தேகம் ....

ஜெர்மனி வெற்றி பெற்றது கேப்டனால் என்றும் ஒரு வதந்தி உலா வருகிறது. கொடிகளைப் பாருங்கள் - ஒற்றுமை புரியும் உங்களுக்கு !!!

ஒரு காலத்தில் நிறைய பார்த்த ஹாலிவுட்டின் இரண்டாம் உலகப் போர்ப் படங்களில் வரும் ஜெர்மானிய வில்லன்கள் மாதிரி இரு ஜெர்மன் அணி வீரர்களைப் பார்க்கும் போது எனக்குத் தோன்றியது.

Bastian Schweinsteiger

André Schürrle

*

என்னகாரணமோ தெரியவில்லை. உலகக் கோப்பை முடிந்ததும் எழுத ஆரம்பித்த இப்பதிவை பாதிக்கு மேல் தொடராமல் அப்படியே போட்டு  விட்டேன். முடிக்கவே மாட்டேன் என்பது போல் கிடப்பில் கிடந்தது. எப்படியோ தூசியைத் தட்டி எழுதி வைத்திருந்த குறிப்புகளிலிருந்து ஒரு வழியாக முடித்து விட்டேன்.

இனியாவது ஒழுங்காக “வேலை”யைப் பார்க்க வேண்டும். (“வேலை”ன்னா வேறென்ன ... பதிவு போடுறது தான். நிறைய வெய்ட்டிங்க் ....!)


*

775. FIFA 14 - முக்காலிறுதி - ப்ரேசில் ஜாதக பலன்கள்

*

ப்ரேசில்   0  -  3  நெதர்லாந்து

நிறைய எதிர்பார்ப்புகள். வழக்கமான ஆதரவு. இவை எல்லாம் சேர்ந்து ப்ரேசிலிடமிருந்து என்னென்னவோ நடக்கும் என்ற ஆசையில் போட்டிகளைப் பார்க்க ஆரம்பித்தேன். நல்ல வேளையாக லீக் சுற்றுகளில் வெற்றி பெற்றுத் தொலைந்தது; தப்பிப் பிழைத்தது.

ஆனால் அரையிறுதியிலும், ‘முக்காலிறுதி (!)’யிலும் எந்த அணியும் இப்போட்டியில் தோற்காத அளவிற்குத் தோற்றது பார்த்ததும் மனசு ரொம்ப உடைஞ்சி போச்சு. அதுவும் இந்த முக்காலிறுதிப் போட்டியில் ஒரு தடவை கார்னர் பகுதியிலிருந்து ஒரு ப்ரேசில் வீரர் கோல் போஸ்ட்டுகளை ஒட்டி ஒரு பந்தை அடித்தார். அப்பகுதியில் மூன்று ப்ரேசில் வீரர்கள் நின்று கொண்டிருந்தார்கள். மூவரும் பாய்ந்து தலையால் தட்டி கோலுக்குள் அனுப்ப முயன்றார்கள். மூன்று பேர் தட்டியும் பந்து அவர்கள் தலையில் படாமல் தப்பித்துச் சென்றது. என்னடா ... அநியாயம். இது போன்று எளிதாகச் செல்லக்கூடிய பந்து ஏன் இப்படித் தப்பிச் சென்றது?

அடுத்து, ஆஸ்கர் பந்தோடு நெதர்லாந்து கவல் பகுதிக்குள் வந்து விட்டார்; கவலுக்குப் பக்கத்தில் உள்ள வெள்ளைக் கோட்டிற்கருகே நெத்ர்லாந்து வீரர் தப்பாட்டம் ஆடினார். நடுவர் அவருக்கு மஞ்சள் அட்டை காண்பித்தார். ஆஸ்கர் பெனல்டி கேட்டார். நடுவர் கொடுக்கவில்லை. பொதுவாக ஏரியாவுக்குள் தப்பாட்டம் என்றால் பெனல்டி உண்டு, அதுவும் கிடைக்கவில்லை.

எல்லாத்தையும் மண்டைக்குள் போட்டுக் குழப்பிக் கொண்டேன். இது ஏன் ... ஏனிப்படி நடந்து என்று யோசித்த போது “எல்லாம் கிரகங்களின் பலன் தான் இது” என்று தோன்றியது. அதைப் பற்றி யோசித்த போது கீழ்க்கண்ட ராசி பலன்கள், ஜாதக பலன்கள் கிடைத்தன.

உங்களோடு அதைப் பகிர்ந்து கொள்கிறேன் ......


*

எல்லாம் விதித்தபடிதான் நடக்கும் என்னும்போது,  நாம் கவலைப் படுவதற்கு ஒன்றும் இல்லை.

இந்த தர்மத்தை மனதில் கொள்ள வேண்டும்.


ப்ரேசில்:

ஜாதகத்தில் எத்தனை யோகங்கள் இருந்தாலும் லக்கினாதிபதியும் லக்கினமும் கெட்டிருந்தால், அவைகள் பயன்படாது. சொந்த மண்ணிலே விளையாடினாலும் இதே கதிதான். இதற்கு பரிகாரம் ஏதும் கிடையாது என்பதையும்  மனதில் வையுங்கள்.

நீசமான செவ்வாய் உச்சமான குருவோடு சேர்ந்து நீச பங்க ராஜ யோகம் பெற்றுள்ளான். எட்டாம் அதிபதிக்கு மரண யோகம் தான்.. ப்ரேசிலின் ஜாதகப் பயனால்  சொந்த மண்ணிலேயே மண்ணில் வீழ்த்தப்பட்டது.

நெய்மர்:

ஏழாம் வீட்டுக்காரன் குரு உச்சமாக இருக்கிறான். அத்துடன் தன் முதுகெலும்பைப் பார்க்கிறான். அதனால்  ஜாதகனுக்குத் அங்கே அடி .. வலி ….

மேலும். லக்கினாதிபதியும் குருவும் 1/12 நிலையில் முறுக்கிக்கொண்டு உள்ளார்கள்.அதுபோல களத்திரகாரனும் குருவும் 1/12 நிலையில் முறுக்கிக்கொண்டு உள்ளார்கள்.ஆகவே ஆட்டம் ஆடி விட்டது.

கோல் போடுவதற்கு ஒன்பதாம் வீட்டுக்காரான் முக்கியம். இங்கே அவன் 111ல் இருக்கிறான். ஆகவே வாங்குவதெல்லாம் 7 கோலும், 3 கோலுமாக இருக்கும் என்பது ஜன்ம விதி..

தியாகோ:

ஏழாம் அதிபதி குருவை, எட்டாம் வீட்டுக்காரன் செவ்வாய் கட்டிப்போட்டிருக்கிறான். லக்கினாதிபதியை 12ஆம் வீட்டுக்காரன் சூரியன் கட்டிப்போட்டிருக்கிறான். ஆறாம் வீட்டுக்காரன் லக்கினத்தையே செக்கில் வைத்திருக்கிறான். ஆக இந்த 3 அமைப்புக்களுமே மோசமானது. ஆகவே ஜாதகருக்கு கோல் பாத்தியதை இல்லை.

சீசர்:

ஜாதகருக்கு 27வ யது முதல் 33 வயதுவரை ராகு திசை. எட்டாம் இடத்து ராகுவால் அந்த திசை நன்மையானதாக இருக்கவில்லை. இரண்டு பெனல்டி கோலைத் த்டுத்திருந்தாலும் அதன் பின் வரிசை கட்டி கவல் வழியாகப் பந்தை விட்டுக் கொண்டே இருப்பார் என்பது ஜாதக லட்சணம்.\

மார்செலோ:

இவர் முதல் பந்தயத்தில் தங்கள் அணிக்கே பிரத்தியட்சமாக முதல் கோல் போட்டு நைவேத்தியத்தை ஆரம்பித்தார்.

அதற்குப் பிறகுவந்த குரு திசை, ஜாதகருக்கு அவருடைய சுய
தொழிலில் கொஞ்சம் நன்மைகளைச் செய்தது. ஜாதகரின் நிலமையை அணியில் ஸ்திரப்படுத்தியது. குரு பகவான்உச்சம் பெற்றிருப்பதோடு, லாபத்தில் அமர்ந்திருப்பதையும் கவனியுங்கள்.

ஸ்கோலாரி:

கன்னி லக்கினக்காரர். லக்கினாதிபதி புதன் 12ல். விரையம் ஏறி உள்ளார். ஆகவே ஜாதகரின் அணி அவருக்குப் பயன்படாது.

அனுப்பானடி தராசு என்று மதுரையில் சொல்வார்கள்; இந்தத் தராசில் ஒரு பக்கம் அரைக்கிலோ படியை வைத்து விட்டு அடுத்த பக்கம் இரண்டு கிலோ வைத்தாலும் சமமாகவே காண்பிக்கும்.. 

ஸ்கோலாரியின் பயிற்சி இப்படி ஒரு அனுப்பானடி தராசு மாறியது அவரது பூர்வ ஜென்ம பயன்!

ப்ரேசில் அணி:

பொதுவாக இந்த அணிக்கு லக்கினம் பாபகர்த்தாரி யோகத்தில் உள்ளது. ஒரு பக்கம் சூரியன். மறுபக்கம் கேது. அது ஜாதகருக்கு, லக்கினாதிபதி 12ல் இல்லாமல் இருந்தாலும் நன்மை செய்யக்கூடிய அமைப்பு அல்ல!

*******

ராபனும் பெர்சியும்:

சூரியனும் புதனும் சேர்ந்துள்ளதால் ஜாதகர்கள் தங்களுடைய வாடிக்கையாளர்களுக்கு கோல் சம்பந்தப்பட்ட செயல்களைச்  செய்து  கொடுத்துக்கொண்டிருக்கிறார்கள்.

அத்துடன் அந்த வீட்டுக்காரன் 12ல் மறைந்தாலும் (பெர்ஸி விளையாடாவிட்டாலும், அவர் வெளியே அமர்ந்த காரணத்திற்காக) சந்திரன் அவருக்குத் தேவையான விஷயங்களை நிறைவேற்றிக் கொண்டிருக்கிறான்.

 *

இப்படிப்பட்ட ஜாதகப் பலன்கள் உண்மைகளைத் தெள்ளத் தெளிவாக விளக்கின.

அடுத்து, அர்ஜென்டினா  -  ஜெர்மனி அணிகளில் எது ஜெயிக்கும் என்று அவர்களது ஜாதகப் பலனகளைப் பார்த்து விட்டு, நாளை காலையில் தீர்மானமாகச் சொல்லி விடுகிறேன். 

சரியா ....?

774. FIFA 14 அரையிறுதி - 2

*

புதன் மாலை 6.15

 நேற்று மாதிரி இன்னைக்கும் முழிச்சி உட்கார்ந்து ஆட்டம் பார்க்கணுமான்னு மனசாட்சி உள்ளேயிருந்து தட்டிக் கேட்குது. இன்னைக்கி அர்ஜென்டினா ப்ரேசில் மாதிரி ஆடிடக் கூடாதேன்னு பயம் தான். சரி... நாலு வருஷத்துக்கு ஒரு தடவை. மூணு நாள் முழிச்சிதான் பார்ப்போமேன்னு மனச தேத்திக்கிறேன்.

*
புதன் இரவு

சீக்கிரம் படுத்து இரவு 1.20கு எழுந்திருக்க ஏற்பாடெல்லாம் செய்து விட்டு படுக்கப் போனால் ப்ரேசில் வாங்கிய 7 கவல்கள் மட்டும் நினைவுக்கு வர... தூக்கம் கண்களுக்குள் வரத் தயங்க ... ஒரு வழியாகத் தூங்கி, முதல் மணிச் சத்தத்திலேயே எழுந்து வேகமாகக் கைப்பேசியை அடக்கினேன். இது வேறு ... தங்க்ஸும் எழுந்திருச்சி, ‘கிழட்டு வயசில் ராத்திரி பகலா ஆட்டம் பார்க்கணுமா ?  ... பேசாம படு’ய்யா’ என்றால் என்ன செய்வது என்ற பயம்.

*
வியாழன் காலை 11.30

நெதர்லாந்து  ஸ்பெயினோடு விளையாடியது இன்னும் நினைவில் இருக்கிறது. பெர்ஸி பறந்து போய் முதல் கோல் போட்டதும் நினைவில் உள்ளது. இருந்தாலும் என்னவோ ... அர்ஜென்டினா வெல்ல வேண்டும் என்று ஒரு ஆசை மனதுக்குள் ஓடுகிறது. ஆனாலும் அதற்கு அதிகம் வழியில்லை ... நெதர்லாந்து வென்று விடும் என்றே தோன்றியது.  எதனால் அர்ஜென்டினா மீதான இந்தக் காதல்..? மரடோனாவினாலா ....? மெஸ்ஸியாலா...? அர்ஜென்டினா ப்ரேசிலுக்கு அடுத்தபடி எனது இரண்டாவது தேர்வாக இருந்ததாலா..?  தெரியவில்லை!

 *

வியாழன் மாலை 

ஆட்டம் ஆரம்பிப்பதற்கு முன்பு ஜெர்மன் வீரர்கள் சத்தமாகத் தங்கள் நாட்டின் தேசியப் பாடலைப் பாடினார்கள்.  ஆனால் அர்ஜென்டினா வீரர்கள் யாரும் தங்கள் தேசியப் பாடலை பாடவேயில்லை. ஏன்?

அர்ஜென்டினா நம்ம ஊர் மக்கள் மாதிரி போலும். முந்திய ஒரு போட்டியில் பார்வையாளர்கள் நடுவே ஒரு சின்ன ( நம்ம ஊர் மாதிரி ஒரு flex board) அட்டை வைத்திருந்தார்கள். மரடோனாவும், மெஸ்ஸியும் கிறித்துவர்களின் பிதா, சுதன் என்ற வேடங்களில் வடிக்கப்பட்டிருந்தார்கள்! மனிதர்களை நாம் மட்டும் தான் கடவுள் வேஷங்களில் பார்க்க முடியுமா ... என்ன? இவர்களும்   இந்த விஷயத்தில் நம்மோடு சேர்ந்த முட்டாள்கள் போலும்! நல்ல வேளை ... இந்தப் படத்தோடு நிறுத்திக் கொண்டு விட்டார்கள். நம்ம ஆட்கள் போல் இன்னும் ’அம்மா’, ‘அன்னை’  மாதிரி ஏதும் கொண்டு வரவில்லை!!

முந்திய அரையிறுதி ஆட்டம் போலில்லாமல் இந்த அணிகளின் ஆட்டமிருந்தது. passing shots சரியாகப் போய்ச் சேர்ந்தன. பந்தை வைத்திருப்பதிலும் ஏறத்தாழ ஒரே மாதிரியாக இருந்தது. அர்ஜென்டினாவின் right winger லாவெஸ்சி (22) முழு ஈடுபாட்டோடு விளையாடினார்.  இதற்குள் இரு முறை அர்ஜென்டினாவின் கவல் பகுதியில் பந்து சென்று இரு முறையும் தடுக்கப்பட்டன. இதுவரை இருந்த கணக்குப்படி அர்ஜென்டினாவிடம் பந்து 51 விழுக்காடு அளவு இருந்துள்ளன.  அர்ஜென்டினா அணியின் விளையாட்டும் தீவிரமாக இருந்தது.

இரண்டாம் பகுதி ஆட்டம் ஆரம்பித்ததும் இரு அணியிடம் முன்பிருந்து வேகம் மிகவும் குறைவாக ஆனது போலிருந்தது. 55வது நிமிடத்தில் லாவெஸ்சி அடித்த பந்தை பெர்ஸி தடுத்தார். நல்ல ஒரு சந்தர்ப்பம் அர்ஜென்டினாவிற்கு. ஒரு மணி ஆனபோது மழை தூறலாக விழ ஆரம்பித்தது; முழு நேரம் வரை இது நீடித்தது. 90வது நிமிடத்தில் பந்து ராபனிடம் இருந்தது. அர்ஜென்டினாவிற்கு ஆபத்தான் நேரம் அது. ஆனாலும் அர்ஜென்டினா தப்பிப் பிழைத்தது. முழு நேரம் முடிவதற்கு முந்திய ஐந்து நிமிடமும் அர்ஜென்டினாவின் கவல் பகுதி நெதர்லாண்ட் அணியினரால் நன்கு முற்றுகையிடப்பட்டிருந்தது. கவல் ஏதும் விழவில்லை. ஆட்ட நேரம் இரு அணிக்கும் கவல் ஏதுமில்லாமல் ஆட்டம் முடிந்தது.

extra time  இதில் ஆரம்பத்திலேயே பெர்ஸி side benchக்கு அனுப்பப்பட்டு விட்டார், 98வது நிமிடத்தில் ராபன் கவலை நோக்கி அடித்த பந்து நல்ல வேளையாகத் தடுக்கப்பட்டது.

98ல் பெர்ஸி வெளியேறினாரா ... அது போல் அடுத்த நிமிடத்தில் அர்ஜென்டினாவின் லாவெஸ்சியும் வெளியே எடுக்கப்பட்டார். என்ன திட்டமோ தெரியவில்லை.

முதல் 15 நிமிடத்தில் அதிசயத்தக்க, ஆபத்தான நேரங்கள் ஏதும் வரவில்லை; ஆனால் அடுத்த காலப்பகுதியில் இரு அணிகளுக்கும் ஆளுக்கொரு வாய்ப்பு வந்தது. மெஸ்ஸி அடித்த பந்தும் தடுக்கப்பட்டது. கடைசி 30 வினாடிகளில்அர்ஜென்டினாவின் கவல் ஆபத்தான நிலையில் இருந்தது. ஒரு தப்பாட்டம். நடுவர் அதைக் கண்டு கொள்ளவில்லை என்று எனக்குத் தோன்றியது.

அப்புறம் என்ன ... tie breaker தான். அர்ஜென்டினா அடித்த நான்கும் கவல் ஆகின. ஆனால் நெதர்லாண்டின் முதல் அடியும், மூன்றாம் அடியும் தடுக்கப்பட்டன.
4 - 2 என்ற கணக்கில் அர்ஜென்டினா வெற்றி பெற்றது.

அந்தக் காலத்தில் டென்னிஸில் match points  வரும்போது என் மகள்கள் கண்ணை மூடிக்கொள்வார்கள். கால் பந்துப் போட்டியில் tie breaker அந்த இடத்தை விட்டே நகர்ந்து விடுவார்கள். லாவெஸ்சி வெளியே அமர்ந்திருந்த ஆள் அதே மாதிரி தலையைக் கவிழ்ந்து வைத்து உட்கார்ந்திருந்து ஜெபம் செய்து கொண்டிருந்தார்.

நிறைய பேர் ஒரே கடவுளிடம் வேண்டிக்கொண்டிருந்தது போல் தெரிந்தது. ஆனாலும் கடவுள் ஒரு அணிக்கு மட்டும் வெற்றி கொடுத்து விட்டார்!

அர்ஜென்டினா களத்தில் வெற்றியாட்டம் போட்டுக் கொண்டிருந்தார்கள். ராபன் களத்திலிருந்து பார்வையாளர்கள் பக்கம் சென்றார். அவரது மனைவியும் மகனும் என்று நினைக்கிறேன். பயல் ரொம்ப சின்ன பயல் தான். ஆனால் அவனுக்கு தன் தந்தையின் அணி தோற்று விட்டது என்பது தெரிந்திருக்கிறது. அவனை ராபன் கூப்பிட்ட போதும் அவன் அமமாவின் தோளில் படுத்துக் கொண்டு அழுதான். தந்தையைப் பார்க்கவேயில்லை.

ராபனும் அங்கிருந்து அகன்றார்.


*

773. FIFA 14 அரையிறுதி

*

 அரையிறுதி ஆட்டம் – 1 

ப்ரேசில் - ஜெர்மனி 

 புதன் கிழமை – இரவு 11.26

 நல்ல வேளை … குறும்பன் மாதிரி நாலஞ்சி பேர் நம்ம பதிவை வாசிக்கிறதினால சில நன்மை நடந்திருது. தினசரியில் பார்க்கும் போது வியாழன் அன்று முதல் அரையிறுதி அப்டின்னு பார்த்ததும், வியாழன் இரவுன்னு நினச்சிக்கிட்டு இருந்தேனா … குறும்பன் இன்னும் நாலு மணி நேரத்தில முதல் அரையிறுதி முடிவு தெரிஞ்சிரும்னு சொன்னாரேன்னு நினச்சிப் பார்த்த பிறகு தான் புதன் – வியாழன் இரவில் ஆட்டம்னு தெரிஞ்சுது. நல்ல வேளை .. பொழச்சேன். குறும்பனுக்கு மிக்க நன்றி.

மனசுக்குள்ள ப்ரேசிலும் அர்ஜெண்டினாவும் இறுதிக்கு வந்து அதில் ப்ரேசில் வெல்லணும்னு ஒரு ஆசை ஓடுறதை இல்லைன்னு சொல்ல முடியாது. ஆனால் அப்படி நடக்க வாய்ப்பு ரொம்ப ரொம்ப குறைவு. ப்ரேசில் அணி வீர்ரகளுக்கு எப்படியோ … மற்ற எல்லோருக்குமே நெய்சர் விழுந்தது ரொம்ப பெரிய சோகமாகப் போச்சு. வேற எந்த அணிக்கும் இந்த நேரத்தில் மனோ தத்துவ உதவி கொடுக்கவில்லை; ப்ரேசில் அணிக்கு மட்டும் கொடுத்திருக்காங்க. அப்டின்னா அவர்களுக்கு அந்த உதவி தேவைப்படுதுன்னு தான் அர்த்தம். அந்த அளவுக்கு அவங்க morale பாதிக்கப்பட்டிருக்கும்னு தோணுது. அதோடு அந்த அணியின் தலைவர் தியோகோவும் வெளியேற்றப்பட்டிருக்கிறார். அவர் விளையாடும் போது எதிரணி ஆள் தான் foul செய்தது போல் எனக்குத் தோன்றியது. நடுவர் இவருக்கு அட்டை கொடுத்து விட்டார். ஒரு தாழ்ப்பாளுக்குப் பதில் இரட்டை தாழ்ப்பாள் விழுந்தது போல் ஆயிற்று.

இந்த சந்தேகத்தோடு விளையாடும் அணி முழுத் திறமையைக் காண்பிக்க முடியுமான்னு தெரியலை. எதிரணி ஒருமித்த ஒரு அணி. ஏற்கெனவே முல்லர் வேறு நிறைய கவுல் கொடுத்திருக்கிறார். (குறும்பன், கவுல் என்பதை கோலுக்காகப் பயன் படுத்தச் சொன்னீர்கள்; எப்படி … செய்து விட்டேன் பார்த்தீர்களா…?!) தொடர்ந்து நான்காவது முறையாக உலகக்கோப்பைப் போட்டிகளில் அரையிறுதிக்குத் தொடர்ந்து வந்த அணி இது. ஆனாலும் இறுதியில் கோட்டை விட்ட அணி. அந்த வேகமும் அவர்களிடம் அதிகமாக இருக்கும். ப்ரேசிலுக்கு இரட்டைத் தாழ்ப்பாள் என்றால் இவர்களுக்கு இரட்டை உந்துதல் இருக்கும்.

 என் ஆசைப்படி இல்லாமல் ஜெர்மனிதான் இதில் வெல்லும் என நினைக்கிறேன். இறுதியாட்டம் ஜெர்மனி – நெதர்லாந்து என்று தான் நினைக்கிறேன். இந்த முறையும் ஜெர்மனிக்கு ரன்னர் அப் இடம் தான் என்றும் நினைக்கிறேன். ஏன்னா போன உலகக் கோப்பை மாதிரி இந்த முறையும் இதுவரை எனக்கு நெதர்லாந்தின் ராபன் ஆட்டம் தான் மிகவும் பிடித்திருந்தது. பொறுத்திருந்து பார்ப்போம்.

மணி 11.40 

ஆச்சு. மதியம் போட்ட தூக்கம் அனேகமாக விளையாட்டை முழுவதுமாகப் பார்க்கத் துணை செய்யும் என்று நினைக்கிறேன்.

மணி  12.01

 இதுவேறு … வர வர அகலப்பட்டை வெற்றுப் பட்டையாகப் போய்விட்டது. நினைத்தால் தொடர்பு உண்டு. இல்லையென்றால் ஒன்றுமே இல்லையென்றாகி விட்டது. அதுவும் இரவில் கூட இணையத்திற்கு இவ்வளவு தடையா? பலரிடமும் மனு போட்டாகி விட்டது. பலன் தான் இல்லை; இப்போது இதைத் தட்டச்சி வைத்திருந்து எப்போது தொடர்பு கிடைக்கிறதோ அப்போது படியேற்ற வேண்டும். வர வர B.S.N.L. வைத்திருப்பது வேதனையாகி விடுகிறது. எனக்கு இப்போதைக்கு இதை விட்டால் வேறு வழியும் இல்லை.

மணி 12.20

 சரி… மெல்ல போய்… ஆங்கிலத்தில் என்னென்னவோ பேசிக்கொண்டிருப்பார்கள். கேட்க ஆரம்பிக்கிறேன்.

 மணி 2.17 

ஜெர்மனி 5 0 ப்ரேசில் 

 அட போங்கப்பா .. பெரிய சுனாமி ஒண்ணு வந்து எல்லாத்தையும் அடிச்சிட்டி போயிரிச்சி. அப்படித்தான் இருக்கு.

முதல் பத்து நிமிஷம் நல்லாவே இருந்துச்சு. பந்து ப்ரேசில் கை வசமே இருந்தது மாதிரி தோணுச்சு. ஆனால் 11வது நிமிஷத்துல முதல் கவுல். முல்லர் அடித்தது. கார்னர் ஷாட். இலகுவாக அடித்தது போலிருந்தது. இப்போட்டியில் அவரது ஐந்தாவது கோல். தங்கக் காலணி இவருக்குத்தானோ?

இதன் பிறகும் பந்து ப்ரேசிலிடம் தான் அதிகமிருந்தது. திடீரென்று 23 நிமிடத்திலிருந்து 29வது நிமிடம் வரை ஒரு பேரலை … சுனாமி … 4 கவுல்கள் விழுந்தன. ஒரு கோல் விழுந்து ஆட்டம் ஆரம்பித்த பின் மறுபடி ரீ வைண்ட் நடக்குமே .. அது தானே என்று பார்க்கும் போது தான் தெரிந்தது அடுத்ததும் ஒரு கவுல் என்று. இப்படியா அடுத்தடுத்த ஒன்று அல்லது இரண்டு நிமிடங்களில் அடுத்தடுத்த கவுல் விழும்! நினைத்தே பார்க்க முடியாது. உலகக் கோப்பையில் இப்படி ஒரு கவுல் மழையா … அதுவும் ப்ரேசிலுக்கு!

இதை தட்டச்சும் போது நண்பர் ஒருவரிடமிருந்து ஒரு போன். என்னப்பா இது … உலகத்திலேயே நாங்க தான் ரொம்ப பெரிய ஆளுங்க அப்டின்னு கத்திக்கிட்டு இருக்குற ஆளுக இப்படி அடிச்சிட்டாங்களேன்னு சொல்லி வருத்தப்பட்டார்.

நல்ல வேளை நெய்மர் பிழைத்துக் கொண்டார்.. அவர் இருந்திருந்தாலும் இப்படித்தான் கவுல் விழுந்திருக்கும். ஆனால் இப்போ நானில்லை அது தான் இப்படின்னு கொஞ்சம் காலரைத் தூக்கி விட்டுக் கொள்ளலாம்னு நினைக்கிறேன்.

Defense of Brasil is in complete jitters.

Marcello பந்தை

 சரி… நேரமாச்சு …மறுபடி போய் உட்காருகிறேன். தலைவிதி ……

 ஜெர்மனி 7 - 1 ப்ரேசில் 

மணி 3.35

எல்லாம் போச்சு …. ஆட்டம் முடிஞ்சி ஒரு லெமன் டீ குடிச்சிட்டு அழுறவங்களைக் காண்பிப்பாங்களே அவங்களைப் பாத்துட்டு எழுத உட்கார்ந்தேன்.

என்னத்த எழுதுறது …. இந்தப் போட்டியின் முதல் நாளில் தன் கவுல் – self goal – போட்டாரே அந்த மார்சலோ ஒருவர் மட்டும் முனைந்து ஆடியது போலிருந்தது. வர்ணனையாளர்களும் நல்லாவே ப்ரேசில் காலை வாரினார்கள். ஆட்டக்காரர்கள் நேரே போய் dressing room-க்குப் போய் ஒளிஞ்சிக்கிறது நல்லது என்றார்கள். ஆட்டம் 90 நிமிடம் முடிந்ததும் அதிக நேரம் கொடுக்கவில்லை. நல்லது தான் … இல்லாட்டி இன்னும் பல கோல் ப்ரேசிலுக்கு விழுந்து விடலாம் என்றார்கள்.

அதென்னவோ ஜெர்மனி அடித்த கோல்கள் கவுலானது. ஆனால் ப்ரேசில் அடித்த சில பந்துகளும் நேரே போய் அந்த கவுலர் கைகளுக்குச் சென்றன. 69, 79வது நிமிடங்களில் ஆறாவது, ஏழாவது கோல்கள் விழுந்தன. 94வது நிமிடம் ஆஸ்கர் அடித்த ப்ரேசிலின் ஒரே ஒரு கோல் விழுந்தது.

ஆனால் ஒன்று .. விருவிருப்பான சினிமா போகுமே அது மாதிரி 95 நிமிடங்களும் அப்படி ஒரு விரைவாக ஓடி விட்டன.


* செஸ் ஆட்டத்தில் ஒருவர் தோற்கும் நிலைக்கு வந்ததும் resign செய்வார்களே அதே போல் இந்த விளையாட்டிற்கும் வைத்து விடலாமா?

* ஒரு காலத்தில் ஜே .. ஜே .. என்று இருந்த இந்தியா ஹாக்கியில் கோட்டை விட்டுக் கொண்டே இருப்பது போல் இனி ப்ரேசிலும் ஆகி விடுமோ? எல்லாம் ஒரு BRICS தொடர்புதான்!

* இரண்டு ப்ரேசில் அணி வீரர்கள் விளையாட்டு முடிந்ததும் மண்டி போட்டு ஜெபித்தார்கள். என்னவென்று கடவுளிடம் பேசியிருப்பார்கள் என்று யோசித்தேன்….

மணி  காலை 4.01


 *

771. QUARTER FINALS

*

GERMANY  1   0  FRANCE

இறங்கும் போதே ஜெர்மனி வெற்றி பெறும்னு ..........

 *

இப்படி எழுத ஆரம்பிச்சேனா ... அங்க நின்னு போச்சா .... ரெண்டு மூணு நாளா எழுத முடியலையா ....

அதோட ...

செரீனா வில்லியம்ஸ், நாடல் அவுட்டானாங்களா... அதுவும் சேர்ந்துக்கிச்சு...

இதோட  நெய்மர் போய்ட்டாரா ... அந்த அணி தலைவர் தியாகோவும் போய்ட்டாரா ...

சோர்ந்து போச்சு.



*

ஒரு நண்பர் எனக்கு A, B, B, D சொல்லிக் கொடுத்தார் ... இப்படி ...


ARGNETINA   vs     BELGIUM

BRASIL            vs     COLOMBIA

COSTA RICA      vs    DENMARK      

E

FRANCE         vs         GERMANY

*

QUARTER MATCH RESULTS:

ARGNETINA        1:0   BELGIUM

BRASIL                 2:1   COLOMBIA

COSTA RICA        3:4    DENMARK      

FRANCE                0:1    GERMANY

*


Watch the Brazuca  alone ........



*

எப்படியோ ராபனும், பெர்ஸியும் கோப்பையைத் தட்டிச் சென்று 

விடுவார்கள் என்று நினைக்கிறேன். யாரிடமிருந்து என்று 

தெரியவில்லை, ஒரு வேளை ஜெர்மனியாக இருக்குமோ??

*

கவல் என்றால் என்ன?

குறும்பன் சொல்கிறார்:

கவல் என்ற சொல்லைப் படைத்தவர் முனைவர் இராம.கி. இரண்டு கம்பங்களுக்கிடையே உள்ள இடைவெளிதான் Goal Space அல்லது Goal Spot அல்லது Goal Area. அந்த "வெளிக்குள்" பந்து போவதுதான் கோல் எனப்படுகிறது. நமது கால்களின் இடைவெளியைக் கவட்டை/கவட்டி என்கிறோமே, வடிவில் அதனையொத்ததுதான் Goal Area/Post. கவட்டியின் இடைவெளி போலவே Goal Post இடைவெளியும் இருக்கிறது. இதனை ஒப்பிட்டு, கவட்டைக்குள் செல்வதைக் கவல் என்று பரிந்துரைத்தார் அவர். இந்த ஏரணம் நமது பழக்கங்களையும் உடல் உறுப்புகளின் தன்மையையும் கொண்டிருப்பதைக் கண்டு எனக்கு மிகவும் பிடித்துப்போனது. இலக்கணத்தில் சினைப்பெயர் என்று சொல்வார்களே, அது இங்கே ஆகிவருகிறதோ அல்லது தொக்கி நிற்கிறதோ என்று சிந்திக்க வைத்தது. நமது வழக்கு, இயல்பில் இருந்து கிடைத்த ஒப்புமைப் பெயர் என்பதால் நான் இதையே பயன்படுத்திவருகிறேன். இது ஒரு நல்ல பெயர்ச்சொல். நீங்களும் பயன்படுத்த முன்வந்தால் எனக்குப் பெருமகிழ்ச்சி உண்டாகும். வினவலுக்கு நன்றி.

*

770. FTFA 14 - நைஜீரியன் கோல் கீப்பரின் ... அமா ... அமா ....

*

 http://dharumi.blogspot.in/2014/07/769-ftfa-14-pre-qurter-matches.html

 ப்ரான்ஸ் - நைஜிரியா 

2 : 0 

 நைஜீரியாவில் பிடித்தது அந்த கோல் கீப்பர் என்னீயீமா (Enyeama). ஆளு சரியான குட்டை. பார்ப்பதற்கு நம் ஊர் நடிகர் ஒருவர் மாதிரி இருந்தார், மதராசப்பட்டணத்தில் ஆங்கிலம் சொல்லித் தருவாரே ஒரு கூத்துப்பட்டறை நடிகர். அவரை மாதிரியே இருந்தார். பயங்கர நட்புறவோடு இருந்தார். முந்திய பந்தயம் ஒன்றில் அவர் எதிரணி வீரர்களோடு மிகச் சாதாரணமாக, மகிழ்ச்சியாக கலந்து உறவாடினார். அதைவிட அந்தப் போட்டியில் எந்த வீரரின் சத்தத்தை விட இவர் சத்தம் மிகவும் அதிகமாகக் கேட்டது. கோல் முன்னால் இவரது அணி ஆட்கள் தடுப்புக்காக நிற்கும் போது மிகச் சத்தமாக ‘அமா ... அமா’ என்று சத்தமாகக் கத்துவார். நைஜீரிய மொழியில் அமா என்றால் என்ன அர்த்தம் என்று கேட்க வேண்டும்.

இப்படி ஒரு ஆசையில் நைஜீரியாவில் பத்தாண்டு பேராசிரியராக இருந்த நண்பன் ஒருவருக்கு ஒரு கடிதம் எழுதினேன் ....


 regi

what is that அமா ... அமா’ ???

-----------------------------------

 Dear Sam

 I have to find out where this Enyema is from first. There are three major lanuages Yoruba, Igbo and Hausa. In addition there are more than 15 languages and dialects I know of (Bendel (now split into three states) alone has seven languages; there could be more. let me investigate and come back to you, probably in a day or two. Missives have already been fired off to Nigeria to know about the Goal keeper and what "Ama" means. I am expecting interesting results.

 Regards Regi



 ----------------------------------



 Dear Sam

 I have not got any replies from my Nigerian friends yet. However I traced Vincent Enyeama to Akwa Ibom State in South-southern Nigeria in the delta (oil-producing area). There are seven languages spoken there, but one spoken commonly is Igbo, one of the major languages as I mentioned earlier. Akwa Ibom was a part of the Biafran Conflict and I am not surprised that Igbo is spoken there (Biafran Civil War was Igbos against the rest of Nigeria).

 "Ama" in several dialects of Igbo (also called Ibo) simply means "I am". This word has been adopted by African- Americans with Igbo ethnic links without knowing its real meaning. In the football context you mentioned, i.e. when the wall is formed in front of the goal during a free kick, the goal keeper shouting "Ama" simply means do not block me; let the kick be clean to me because, the goal keeper does not want the ball to be hidden from him when the opponent executes the kick. Most often the ball will go over the wall and dip towards the goal and the goal keeper needs to see it and not hidden because of the wall made by his own teammates. If you watch the replays, Enyeama also will be making hand signals laterally asking for unobstructed view of the ball. "Ama" should result in the shuffling adjustment of the wall to give him a clean view of the striker. Igbo or Ibo will be understood by all the Nigerian Players.

 Enyeama is 5' 1.5" tall. Is that short?

 I will be surprised if my Nigerian friends give any other interpretation. Being a Nigerian Chief (Wise man of the Olomu Isokos - another Delta tribe) should count for something!


 Best regards
Regi

-------------------

 Being a Nigerian Chief (Wise man of the Olomu Isokos - another Delta tribe) ......... who is this???

..........sam

----------------------

One correction - Enyeama is 5" 11.5" tall! I made a typo error and put 1.5".

You na savy who Chief be Olomu Isokos?

Na me oh my brother! Way pass many many years ago!

In case you did not catch the pidgin,  I was conferred this honorary title in 1987 for my work with nomadic Isokos who fished the Niger Floodplains below Niger -Benue Confluence. I practically lived with these folks during the dry season with my Nigerian graduate students for years. My services to them went past my research interests and this was an honour conferred in recognition. I will send you a copy of a book chapter that shows my involvement with them. The title also came with a sumptuous and well-endowed pretty young wife whom I had to decline politely citing lack of permission from my senior wife (also for olfactory reasons; the kid smelled of fish all the time)! The Military government in power at that time did not recognize the title in the gazette, but gave me permission to live in Nigeria as a permanent resident. As for as the fishermen folk were concerned I am one of their Chiefs with a title of the 'Wise man' and that cannot be changed till that generation disappears. This will all appear in a non-fiction book, A Journey through Nigeria, I have been writing for sometime in fits and starts whenever I get time. Whether it will ever see print is a another matter!

Best regards

Regi

--------------------

One of my Nigerian friends called me yesterday in reply to my query about "Ama". When I told him that he need not have wasted money calling me, his reply was that "Football is a serious business in Nigeria"

He confirms that Vincent Enyeama is from Akwa Ibom, formerly in Cross River State. Apparently Enyeama is a celebrated footballer in Israel!
Coming to the point, he interprets "Ama" as "Me" (I said "I am"). He mimicked 'Ama...Ama...Ama" on phone, and repeated as "Me..Me...Me ". Enyeama is calling attention to himself that he should have clean access to the ball. It makes a lot of sense. Does it?
I was surprised that you posted the answer to the "Chief" question.

My friend is from the Delta, but from another tribe called Ijaw

Best regards
Regi

........

 *

769. FTFA 14 - PRE-QUARTER MATCHES

*



 அட போங்க’ப்பா ...!

லீக் சுற்று முடிஞ்சி நாக் அவுட் சுற்று வந்ததுமே ஒரே சோகமா போச்சு! என்ன சொல்லுங்க... யார் விளையாடினாலும் முழுசா விளையாடி கோல் போட்டு ஒரு அணி வென்று, அடுத்த அணி வெளியேறணும். வெளியே போற அணி நமக்குப் பிடிச்ச அணின்னா மனசு கஷ்டமாயிருது. சரி ...தோத்துப் போச்சு... போகட்டும்னு விட்டுறலாம். ஆனால் ரெண்டு அணியும் விளையாடி கோல் சமமாகி, ஓவர் டைம் விளையாடி அதுக்குப் பிறகும் சமமா இருந்தால் ...அப்போ வருது பாருங்க பெனல்டி கிக். அது தான் இந்தக் கால்பந்து ஆட்டத்திலேயே ரொம்ப மோசமான ஒரு விஷயம். எல்லா பாவமும் அந்த இரண்டு கோல் கீப்பர்கள் தலையில் மட்டும் விடியுது பாருங்க ... ரொம்ப கஷ்டம். யாரு ஜெயிச்சாலும் யாரு தோத்தாலும் வருத்தமாக இருக்கு.

உதாரணமா ப்ரேசில் - சிலி விளையாடினதில் இரண்டு கோலை ஜுலியஸ் சீஸர் தடுத்தார். வென்றார்கள், ஒருவரின் முயற்சியால் எல்லோருக்கும் பெருமை; ஏன் அந்தப் பெருமையை அனைவருக்கும் பொதுவாகக் கொடுக்கக் கூடாதுன்னு தோணுச்சு.

இப்போ டென்னிஸில் best of five ஆட்டத்தை எடுத்துக் கொள்வோம். ஆளுக்கு ரெண்டு செட் எடுத்தாச்சு; ஐந்தாவது தொடர்கிறது. இதில் tie-breaker கிடையாது. இரண்டு கேம் வித்தியாசத்தில் ஒருவர் வெல்ல வேண்டும். சில தடவை மிகவும் இழுத்துக் கொண்டே போகும். ஆனாலும் பார்க்கவே திகிலாக இருக்கும். அதே போல் இங்கேயும் 15 நிமிடம் இரு extra time. முடிவு இல்லாவிட்டால் அடுத்து 20 நிமிடம் ஓய்வு. பின், தொடந்து ஆட்டம். sudden death rule வச்சுக்கணும். யார் முதலில் கோல் போட்டாலும் அதோடு ஆட்டம் முடியும். டென்ஷன் இருக்கும்; விறுவிறுப்பு இருக்கும்; வெற்றி தோல்வி பதினோரு பேருக்கும் சமம் தான். இப்படி ரூல்ஸ் போடணும்னு தோணுது. 


சரி ... சரி ... இந்தியா உலகக் கோப்பையில் விளையாடும் போது அப்படி மாத்திக்கலாம் ...!

ப்ரேசில் - சிலி

1 : 1

3 : 2

முன் பாதியிலேயே இரு அணிகளும் ஆளுக்கு ஒரு கோல் என்று சம நிலையில் இருந்தார்கள். இரண்டாம் பகுதியும் விறுவிறுப்பாய் நடந்தது. சிலி எந்த வகையிலும் ப்ரேசிலுக்குக் குறைந்ததாக இல்லை. அடுத்து  extra time. அந்த அரை மணி நேரமும் முடிந்தது. கோல் எதுவும் இதுவரை விழவில்லை. பெனல்டி கிக். ப்ரேசிலின் கோலி சீஸர் இரண்டாம் மூன்றாம் கோல்களைத் தடுத்தார். சிலியின் ஒரு கோல் வெளியே போயிற்று, ப்ரேசில் வென்றது. நெய்மர் உதவியால் முதல் கோல் விழுந்தது. இதைத் தவிர அவரது ஆட்டத்தில் ஏதும் சொல்லும்படி இல்லை. 

கொலம்பியா - உருகுவே

2 : 1

ஆட்டம் பார்க்கவில்லை.

நெதர்லாந்து  -  மெக்ஸிகோ

2 : 1

ஒவ்வொரு ஆட்டமும் இறுதி ஆட்டம் போல் இருக்கிறது. இரு அணிகளும் மிகத் திறமையாக ஆடின. ஆனால் மிகவும் பிடித்த பெர்ஸி ஆடியது போலவே தெரியவில்லை. அவரை நான் முழுமையாகப் பார்த்தது அவரை ஆட்டத்திலிருந்து வேறு அணி வீரரை உள்ளே அழைக்க வெளியேற்றப்பட்டாரே அப்போது தான் பார்த்தேன். ஏனோ இந்த ஆட்டத்தில் அவரின் பங்கு வெகு குறைவு. ஆனால் ராபன் வழக்கம் போல் நன்கு ஆடினார். 

மெக்ஸிகோ இரண்டாம் பகுதியின் ஆரம்பத்திலேயே கோல் போட்டு விட்டது. அதன் பின் கோல் எதுவும் விழவில்லை. மெக்ஸிகோ வென்று விடுமோ என்ற நிலை. இறுதி நிமிடங்களில் இரு கோல்கள் போட்டு நெதர்லாந்து வென்றது.

கோஸ்டா ரிகா  -  க்ரீஸ்

1 : 1

5 : 3

சும்மா சொல்லக் கூடாது. இதுவரை கோஸ்டா ரிகா இரண்டாவது சுற்றுக்கு வந்ததில்லையாம். ஆனால் இந்த முறை அமர்க்களமாக நுழைந்து விட்டது. முதலில் கோல் போட்டு முன்னிலை வகுத்தது. ஆனால் ஏறத்தாழ இரண்டாம் பகுதி ஆரம்பத்திலேயே ஒரு அணி வீரர் இரண்டாம் மஞ்சள் அட்டையால் வெளியேற்றப்பட்டார்,  அதன்பின் ஒரு அணி பத்து வீரர்களுடனும் இன்னொன்று முழு அணியுடன் விளையாடியும் ஆட்டம் சமன் நிலையிலேயே இருந்தது. அதுவே கோஸ்டா ரிகாவிற்குப் பெருமை சேர்த்தது.

அதன் பின் ஆட்ட இறுதியில் க்ரீஸ் கோல் போட்டு சமன் செய்தது, ஆட்ட நேரம் முடிந்து, extra time முடிந்து சமன் நிலையிலேயே இருந்தது. இதிலேயே கோஸ்டாரிகா கோல் கீப்பர், நவாஸ்  நன்கு பந்துகளைத் தடுத்திருந்தார். ஆகவே அவர் ஜெயிக்கலாம் என்று நினைத்தேன். ஒரு பந்தை நவாஸ் தடுத்தார். அவரின் அணி வென்றது.

ப்ரான்ஸ்  -  நைஜிரியா

2 :  0

நைஜீரியாவில் பிடித்தது அந்த கோல் கீப்பர் என்னீயீமா (Enyeama). ஆளு சரியான குட்டை. பார்ப்பதற்கு நம் ஊர் நடிகர் ஒருவர் மாதிரி இருந்தார், மதராசப்பட்டணத்தில் ஆங்கிலம் சொல்லித் தருவாரே ஒரு கூத்துப்பட்டறை நடிகர். அவரை மாதிரியே இருந்தார். பயங்கர நட்புறவோடு இருந்தார். முந்திய பந்தயம் ஒன்றில் அவர் எதிரணி வீரர்களோடு மிகச் சாதாரணமாக, மகிழ்ச்சியாக கலந்து உறவாடினார். அதைவிட அந்தப் போட்டியில் எந்த வீரரின் சத்தத்தை விட இவர் சத்தம் மிகவும் அதிகமாகக் கேட்டது. கோல் முன்னால் இவரது அணி ஆட்கள் தடுப்புக்காக நிற்கும் போது மிகச் சத்தமாக ‘அமா   ... அமா’ என்று சத்தமாகக் கத்துவார். நைஜீரிய மொழியில் அமா என்றால் என்ன அர்த்தம் என்று கேட்க வேண்டும்.

ப்ரான்ஸ் அணி பெரிய அணி தான்; ஆனால் நைஜீரியா விட்டுக் கொடுக்காமல் விளையாடியது. ஆனால் forwards கொஞ்சம் குறை வைத்தார்கள். கோலுக்குக் கொண்டு போகும் பந்தை இன்னும் கொஞ்சம் பக்கத்தில் போகலாம். ஆனால் தள்ளி நின்று பந்தை அடிப்பார்கள். அடிக்கும் இடத்தில் நம் ஆட்கள் இருக்கிறார்களா என்றும் பார்ப்பதில்லை. ப்ரான்ஸ் அணியும் தலையால் தண்ணீர் குடித்து ஆட்ட இறுதியில் ஒரு கோலும், அடுத்த சில நிமிடங்களில் கோல் குழப்பம் ஒன்றில் இன்னொரு கோலும் விழுந்து  வென்றார்கள்.

 *

766. FIFA 14 - அய்யா ... எனக்கு ஒரு உண்மை தெரிஞ்சாகணும் ... !

*

ரஷ்யா  -   பெல்ஜியம்

இரண்டு நாடுகளும் ஆட ஆரம்பித்தன. எந்த நாட்டை நாம் தூக்கிப் பிடிக்கலாம் என்று யோசித்தேன். இந்த யோசனை பல நாடுகள் விளையாடும்போது வருவது தான். அது என்னமோ தெரியவில்லை .. ஒவ்வொரு முறையும் ஏதாவது ஒரு காரணம் கிடைத்து விடும்.

அட ..ப்ரேசில்லா ... ’நம்ம’ பீலே நாடாச்சே .. இப்படி ஒரு அன்பு வந்து விடும். இந்த நாட்டிற்குத்தான் எப்போதும் முதலிடம். 

சரியா .. தப்பா..? தெரியாது!

அட அர்ஜென்டினாவா?  இது நம்ம குண்டு மரடோனா நாடாச்சே. இப்படி ஒரு அன்பு வந்து விடும். இந்த நாட்டிற்குத்தான் எப்போதும் இரண்டாமிடம். 

சரியா .. தப்பா..? தெரியாது!

மூன்றே மூன்று அணிகள் - ஜப்பான், கொரியா, ஈரான். நம்ம ‘திசை’யைச் சேர்ந்த நாடுகளா? இதில் ஒரு பாசம் வந்து விடுகிறது.
சரியா .. தப்பா..? தெரியாது!

எந்த நாட்டு அணியில் கருப்புக் கலர் அதிகமோ ... அவங்க மேலேயும் ஒரு ’இது’ வந்துருது.
சரியா .. தப்பா..? தெரியாது!

ரஷ்யா - பெல்ஜியம்  ஒரு காலத்தில் கம்யூ. நாடாக இருந்து கொண்டே ஒரு பெரிய வல்லரசாகி விட்டதே என்று ரஷ்யா பற்றி எண்ணியதுண்டு. இப்போது அது இல்லை. பெல்ஜியம் - நிறைய கருப்புக் கலர் கண்ணில் பட்டது. அதைவிட ஒரிஜி - பெல்ஜியத்திற்கு கோல் அடித்த ’சின்னப் பையன்’ substitute ஆக இருந்து மைதானத்திற்குள் நுழையும் போது பார்த்ததுமே குழந்தைப் பையனைப் பார்த்ததும் பிடித்தது. hair style-ம் வித்தியாசமாக இருந்தது.அதோடு பெல்ஜியம் நம்ம புகைப்பட நண்பர் ஒச்சப்பன் என்ற HENK -ன் ஊராச்சே அப்டின்னும் ஒரு நினைப்பு. அதனால் பெல்ஜியம் நம்ம கட்சியானது.
இது சரியா .. தப்பா..? தெரியாது!

யோவ்! அப்ப நீ விளையாடுற விளையாட்டை வைத்து ஏதாவது ஒரு டீமை தூக்கிப் பிடிக்காமல், இது மாதிரி சின்னச் சின்ன காரணங்களுக்காக - தோலின் நிறம், எந்த திசைக்காரன். நண்பன் இருக்கும் ஊர் ... இப்படி காரணங்களுக்காகவா ஒரு நாட்டை விரும்புவது. அவங்க விளையாடுற விளையாட்டை வைத்து மதிப்பீடு செய்வதில்லையா?  -- இப்படி நீங்கள் கேட்டால் ‘ஙே’ என்று தான் முழிக்க வேண்டும்; இல்லையானால் இன்னொரு பதில் சொல்லிக் கொள்ளலாம்.

உலகக் கோப்பைக்கு வர்ர அளவிற்கு விளையாட்டுத் திறன் உள்ள நாடுகள் தான் வருகின்றன. ஆகவே எல்லா நாடுகளும் நன்றாகவே விளையாடுகிறார்கள். முதல் ஆட்டத்தில் கூட நம்ம ப்ரேசில் விளையடினாலும் க்ரோஷியா முதல் கால் மணி நேரம் நன்றாக ஆடியதால் அந்தக் கட்சியைத்தான் பிடித்தது. அதே போல் அர்ஜென்டினா - .Bosnia and Herzegovina ஆட்டத்தில் சின்ன நாடு தான் பிடிச்சிது. இது மாதிரி ஆட்டம் பார்த்தும் ‘சைடு’ எடுக்கலாம். அந்த மாதிரி காரணம் இல்லைன்னா மேற்சொன்ன காரணங்களில் ஏதாவது ஒன்றைப் பிடிச்சுக்க வேண்டியது தான். 
இது சரியா .. தப்பா..? தெரியாது!

சரி... பெல்ஜியம் ஆட்டம் ரஷ்யாவை விட நன்றாகவே இருந்தது. ஆனாலும் ரஷ்யா அடித்த ஒரு கோல் விழாமல் போஸ்ட்டில் பட்டுப் போனது பாவம் தான். ஆயினும் நிறைய முயற்சிகள் பெல்ஜியத்திடமிருந்து வந்தன. அதில் சின்னப் பையன் ஒரிஜி அழகான ஒரு பந்தை வாங்கி, அழகாக கோலுக்குள் தட்டினான். ரஷ்யா ஆட்டம் முடிந்தது.

*****

அய்யா ... எனக்கு ஒரு உண்மை தெரிஞ்சாகணும் ... !

நிறைய கேள்விகள் இருக்கு. ஒண்ணிரண்டு இப்போ ...

ஆட்ட வீரர்களை மாற்றும் போது அரைக் கடிகாரம் மாதிரி ஒன்று - புதிய டிசைன் - காண்பிக்கிறார்கள். அதில் வெளியே / உள்ளே வர வேண்டியவர்களின் எண்களைக் காண்பிக்கிறார்கள்.

இதில் வரும் எண்கள் எந்த ஆட்டக் குழுவினருக்கானது என்று எப்படி கண்டு பிடிப்பது? அக்’கடிகாரத்தில்’ எவ்வித பெயரும் இருப்பதில்லை. பின் எப்படி வீர்ர்களும், நடுவர்களும் அதனைக் கண்டு பிடிப்பார்கள்?


அடுத்து ...
அந்த போர்டின் தலைப்பில் 12 என்ற எண்ணும் அதற்கு முன்னும் பின்னும் கடிகாரத்தில் இருப்பது போல் (11 & 1)  எண்கள் உள்ளன. அவை வெறும் அழகிற்குத்தானே?


 *

765. FIFA 14 - ARGENTINA - IRAN

*




 நேற்று இந்துவில் மெஸ்ஸியின் நேர்காணல். அதில் ஒரு கேள்வி: இறுதிப் பந்தயத்தில் அர்ஜென்டினா - ப்ரேசில் வந்தால் எப்படி இருக்கும்? கேள்வி நன்றாகத்தான் இருந்தது. அந்த இரு நாடுகளும் மோதினால் கால் பந்து ரசிகர்களுக்குப் பெரும் விருந்தாகத்தான் இருக்கும். A dream competition!!

ஆனால் அதற்கு வாய்ப்பே இல்லாதது போல் மெஸ்ஸி நேற்று இரவு விளையாடினார். அவரும் சரி, அவரது அணியும் ஏன் இப்படி ஆடினார்கள் என்று தெரியவில்லை. இந்த நேர்காணலைப் படித்த பின், இன்று சனிக்கிழமை - வார இறுதி நாள் - ஆகவே நல்ல இரு அணிகள் மோதும் என்று நினைத்து பட்டியலைப் பார்த்தேன். அர்ஜென்டினா - ஈரான் என்று பார்த்ததும் அடடா .. ஒரு பெரிய அணியும் சின்ன அணியும் அல்லவா மோதுகிறது; ஈரானுக்கு பல கோல்கள் அடித்து அர்ஜென்டினா வெல்லுமே என்று நினைத்தேன். ஆகவே ஆட்டம் அப்படியா பெரிதாக இருந்து விடப் போகிறது என்று நினைத்தேன்.

ஆனால் அர்ஜென்டினா இப்படியா விளையாடும்? இன்னும் ஈரானுக்கு கொஞ்சம் அதிர்ஷ்டம் இருந்திருந்தால் அந்த அணி வென்றிருந்திருக்கும். மெஸ்ஸி கோல் பக்கம் நிறைய அடித்தார். அனைத்தும் கோலிலிருந்து மைல் கணக்கில் தள்ளி அடித்து முழக்கினார். ஆனால் ஈரான் நன்று தற்காத்துக் கொண்டது. அதிலும் இரண்டாம் பகுதியில் 55வது நிமிடத்திலிருந்து 80வது நிமிடம் வரை ஈராக் அடித்த சில நல்ல பந்துகள் கோலாகாமல் போய் விட்டன.

அர்ஜென்டினா மேல் வந்த எரிச்சலில் ஈரான் ஒரு கோலாவது போட்டுவிடக் கூடாதா என்று ஆசைப்பட்டேன். என்ன நேரமோ... அர்ஜென்டினா பிழைத்தது. காலம் போன காலத்தில் என்பது போல் 91வது நிமிடத்தில் மெஸ்ஸி ஒரு கோல் போட்டு அணிக்கு வெற்றியளித்தார்.

 ஆனால் நேற்று விளையாடியது போல் விளையாடினால் அர்ஜென்டினா பாடு ரொம்பவே கஷ்டம் தான்.

760. பொறி பறந்தது …

*

  NEDERLAND 3 - 2 AUSTRALIA 

 இது விளையாட்டு … என்ன வேகம் .. என்ன தீர்மானம் … பார்க்கவே மிக நன்றாக இருந்தது. ஒவ்வொரு வினாடியும் எந்த மந்திரம் நடக்குமோ என்ற எதிர்பார்ப்பு. விளையாட்டின் தீவிரம் ஒவ்வொருவரையும் கட்டி வைத்தது. சென்ற உலகக் கோப்பையில் எனக்குப் பிடித்த ஆட்டக்காரர் ராபன் என்ற நெதர்லாந்துக்காரர் தான். இந்த வருடமும் அவரோ, அல்லது அவரோடு உடன் விளையாடும் பெர்ஸியோ அதே போல் வந்து விடுவார்கள் என்று நினைக்கிறேன்.

20வது நிமிடத்தில் நெதர்லாந்தின் ராபன் முதல் கோலைப் போட்டார். அதிலிருந்து சரியாக இரண்டே நிமிடங்களில் ஆஸ்த்ரேலியா மறு கோலைப் போட்டு சமன் செய்தது. ஏகவே மிக வேகமாக இருந்த விளையாட்டின் தீவிரம் இன்னும் அதிகரித்தது. முதல் பகுதி ஆட்டம் முடிந்தது.

இரண்டாவது பகுதி ஆரம்பித்த பின் ஆஸ்த்ரேலியாவிற்கு hand ballக்காக ஒரு பெனல்டி கிடைத்தது. ஆசி தலைவர் அடித்த பந்து ஆசியின் இரண்டாவது கோலாக ஆனது. . அழுத்தம் அதிகமானது, அடுத்த எட்டாவது நிமிடத்தில் நெதர்லாந்து பதிலளித்தது. இந்த கோலை பெர்ஸி அடித்தார்.

இந்த சமன்நிலை சிறிது நேரமே இருந்தது. அடுத்த கோலும் நெதர்லாந்து அடுத்த பத்து நிமிடத்திற்குள் போட்டு 3-2 என்றானது. மீதி நேரமும் யார் கோல் போடுவார்கள் என்ற எதிர்பார்ப்பு இருக்கும் அளவிற்கு பந்து அங்குமிங்கும் என்று இரு பக்கமும் பறந்தது. ஆயினும் இந்த கோல் கணக்கிலேயே ஆட்டம் இறுதிக்கு வந்தது.

நடுவரின் தீர்ப்பும் மிகவும் சரியாக இருந்தது.

ஆயினும் பெர்ஸி இரு மஞ்சள் கார்டுகள் வாங்கியதால் அடுத்த ஆட்டம் அவர் ஆட முடியாது. நெதர்லாந்து இன்னும் நீண்ட தூரம் இப்போட்டியில் கலந்திருக்கும் என்பது வெகு நிச்சயம்.

 மூன்று வினாடி முத்தம்

 (தலைப்புக்காக சுஜாதாவிற்கு நன்றி) 

எப்படி எட்டி எட்டிப் பார்த்தாலும் தொலைக் காட்சியில் பார்வையாளர்கள் மிஞ்சிப் போனால் மூன்று வினாடிகள் வர முடியும் என்றே நினைக்கிறேன். ஆனால் எங்த வித்தியாசமும் இல்லாமல் பார்வையாளர்கள் தாங்கள் தொலைக்காட்சியில் தெரிகிறோம் என்றதும் என்ன மகிழ்ச்சி. எட்டி எட்டிப் பார்த்து தங்கள் முகம் ஒளிக்காட்சியில் அந்தச் சின்ன மூன்று வினாடிகள் விழ எவ்வளவு ஆரவம் காட்டுகிறார்கள்!


 நம்ம ஊரிலும் செய்தித் தொகுப்பில் இது போல் தலைகாட்டும் மக்களை நிறைய பார்க்கலாம். அதுவும் ஏதாவது ஒரு கோர்ட் சம்பந்தமான விஷயத்தை ஒரு பெரிய வக்கீல் சொல்லும் போது, பக்கத்திலிருக்கும் சின்ன வக்கீல்கள் எட்டிப்பார்ப்பதைப் பார்க்கும் போது நிறைய வேடிக்கையாக இருக்கும்.




 *

759. FIFA 14 - BRASIL - MEXICO

*

  BRASIL 0 - 0 MEXICO 

*


முதல் ஆட்டத்திலேயே ஒன்றைப் புதிதாகப் பார்த்தேன். வழக்கமாக foul shot கொடுக்கும் போது நடுவர் தடுப்புச் சுவராக நிற்பவர்களைச் சரியான தூரத்தில் நிற்க வைத்துத் திரும்புவார். அவர் முதுகைக் காண்பித்ததும் தடுப்புச் சுவரில் நிற்பவர்கள் சில அடிகள் முன்னே எடுத்து வைத்து விடுவார்கள். பிறகு மீண்டும் அவர்களை ஒழுங்கு படுத்த வேண்டும். இதற்குள் பந்தடிப்பவர்கள் பந்தை சிறிது முன்னோக்கி நகர்த்தி விடுவார்கள்.  கால்பந்து ‘சேஷ்டை’களில் இதுவும் ஒன்று.

இந்த முறை முதல் தடவை பார்க்கும் போது நடுவர் இடுப்பிலிருந்து ஒரு டப்பாவை எடுத்து தடுப்பு சுவர்க்காரகள் முன்னால் வெள்ளையாக ஒருகோடு போட்டார். வீரர்கள் அங்கேயே நின்றாக வேண்டியதாயிற்று. அட நல்ல ஐடியாவாக இருக்கிறதே என்று நினைத்தேன். கோலப்பொடி மாதிரி போட்டதும் ஆட்கள் ஒழுங்காக நிற்க வேண்டியதிருக்கிறதே என்று நினைத்தேன். ஆனால் கோலப்பொடி அங்கே இருந்தால் குழப்பமாகி விடாதா என்று நினைத்தேன். ஆனால் கோலப்பொடி கொஞ்ச நேரத்தில் காணாமல் போய் விட்டது! என்ன மாயம் என்று நினைத்தேன். பிறகு பார்த்த போது தான் அது கோலப்பொடி இல்லை .. shaving cream என்று தெரிந்தது. இந்த மாதிரி நல்ல ஒரு ஐடியா வருவதற்கு ஏன் இத்தனை காலம் ஆனது என்று அடுத்த ஒரு கேள்வி வந்தது.

பிரேசில் வெற்றி பெற வேண்டுமானால் இந்த விளையாட்டில் விளையாடியது போல் விளையாடக் கூடாது.முனைப்பு அதிகம் தேவை. விளையாட்டில் தொய்வு அதிகமாக இருந்தது. இரு அணிகளுமே முனைந்து விளையாடியும் பயன் ஏதும் இல்லை.  இரு அணிகளுமே கோலை நோக்கி அடித்த அடிகள் நிறைய. ஆனால் பயன் ஏதுமில்லை; அதுவும் இரு அணிகளுமே அடித்த கோல் ஷாட்கள் எப்படி என்றே தெரியவில்லை ... சரியாக கோலி மீது ப்ந்து அடித்து திரும்பி வந்தன. அது கோலியின் திறமையா... இல்லை .. அவர்களின் நல்ல நேரமா என்று தெரியவில்லை. அடிக்கடி பந்து விரைந்து அவர்களின் உடம்பில் அடித்து மீண்டும் விளையாட்டுத் தளத்திற்குள் போய் விடும். இப்படி பல தடவை இரு தரப்பிலும் நடந்தது. நெய்மரின் விளையாட்டு முதல் போட்டியில் பார்த்த அளவு தரத்தில் இல்லை. இன்னும் மெருகேற வேண்டும்.

மெக்ஸிகோவின் கோச் ஒரு நல்ல comic relief மாதிரி இருந்தார். ஒரு ஹாலிவுட் காமெடி நடிகர் மாதிரி இருந்தார். அவரது உடல் மொழியும் வேடிக்கையாக இருந்தது, அது ஒன்று தான் விடிய விடிய பார்த்த விளையாட்டில் இருந்த ஒரு நல்ல அம்சம்!




*



 *

758. FIFA 14 .... ARGENTINA - BOSNIA AND HERZEGOVINA

*

Argentina   2 : 1  Bosnia and Herzegovina



*

இத்துனூண்டு நாடு. மக்கள் தொகை எங்க மதுரையை விட கொஞ்சம் பெரிது. ஆனா என்ன போடு போடுது ...!

*

அர்ஜெண்டினா விளையாடுதுன்னா உடனே பாத்திற வேண்டியது தானேன்னு உட்கார்ந்தேன். எதிரி நாடு பற்றி ஒன்றும் தெரியாது.சின்ன நாடுன்னு நினச்சு உட்கார்ந்தால், கடுகு சிறுசு; காரம் பெருசு அப்டின்ற மாதிரி இருந்தது. என்னை அறியாமலே ஆட்டம் நடக்க நடக்க நான் அந்த நாட்டின் அனுதாபியாக மாறியிருந்தேன்!

விளையாட்டு ஆரம்பத்திலேயே மெஸ்ஸி அடித்த பந்தைக் காப்பதில் நடந்த குழப்பத்தில் ரோஜோ என்ற போஸ்னிய வீரரின் கால்பட்டு சேம் சைட் கோல் ஒன்று போஸ்னியாவிற்கு விழுந்தது. அது என்ன இந்த உலகக் கோப்பையில் சேம் சைட் கோல் நிறைய விழுகிறதே என்று நினைத்துக் கொண்டேன். இந்த கோலினாலோ என்னவோ போஸ்னியா மிகத் தீவிரமாக விளையாடியது.

ஆட்டத்தின் இறுதியில் ball possession இரு நாடுகளுக்கும் நடுவில் 60-40 என்று இருந்ததாகப் போட்டிருந்தது. அர்ஜெண்டினா 60% என்றால் போஸ்னியா 40%. ஆனால் முதல் பாதி ஆட்டத்தில் நிச்சயமாக இது அப்படியே மாறி இருந்திருக்க வேண்டும்; அப்பாதியில் பந்து அர்ஜெண்டினாவின் கோல் பக்கமே இருந்தது. விளையாட்டும் தீவிரமாக இருந்தது.

65வது நிமிடத்தில் மெஸ்ஸி தன் பக்கம் இருந்த பந்தை எடுத்து நேரே ஒரு கோல் அடித்தார். அதன் பின் ஆட்டம் இரு பக்கமும் மாறி மாறி நடந்தன. அர்ஜெண்டினா தீவிரமாக விளையாடியும் பயனின்றி, விளையாட்டு முடியும் நேரத்தில் போஸ்னியா ஒரு கோல் போட்டது. 

2 : 1 என்ற கணக்கில் போஸ்னியா தோற்றது. என்றாலும் அது அடுத்து தன் குழுவில் உள்ள ஈராக், நைஜீரியாவுடன் மோதுவதைக் கட்டாயம் பார்க்க வேண்டும் என்ற ஆவலை விதைத்துள்ளது.


*
போஸ்னியா பற்றி சில விவரங்கள்: 

area  51,197 km^{2  ;}    
population 3,871,643 ... அட ... எங்க மதுரையை விட இரண்டரை மடங்கு அதிகம் (madruai - 1,462,420)!!!

 Bordered by Croatia to the north, west and south, Serbia to the east, The Ottomans brought Islam to the region. 48%
After World War II, the country was granted full republic status in a newly formed Yugoslav Federation.

Today, the country maintains high literacy, life expectancy and education levels and is one of the most frequently visited countries in the region, It is projected to have the third highest tourism growth rate in the world between 1995 and 2020.

On 4 February 2014, the anti-government protests dubbed the Bosnian Spring, name taken from the Arab Spring


*